பாண்டவர் தூதனை.....
பல்லவி
பாண்டவர் தூதனை திருப்பாடகம் நின்றானை
பாண்டுரங்கனை மனமாரத்துதித்தேன்
அனுபல்லவி
வேண்டும் வரம் தரும் வேணுகோபாலனை
நிலமகள் அலைமகள் அருகிருந்து போற்றும்
சரணம்
நீண்ட நெடுமாலாய் வீற்றிருந்த கோலத்தில்
மீண்டும் ஐனமேஜய ராஜனுக்கு காட்சி தந்த
ஆண்டவனை ஆதிகேசவனை மாதவனை
ஆண்டாள் போற்றிய நீலவண்ணக்கண்ணனை
தாளம்: மிச்ர ரூபகம்
No comments:
Post a Comment