கண்ணனைக் காண.....
பல்லவி
கண்ணனைக் காணக்கண்ணாயிரம் வேண்டாமோ
மண்ணையுண்டவாயன் மாமாயன் கேசவன் - அழகு
அனுபல்லவி
தண்மதி முகத்தினன் தாமரைப் பதத்தினன்
மண்மகள் திருமகள் மனங்கவர் மாதவன்
சரணம்
பண்ணிசைத்து குழலூதி உள்ளங்களை கொள்ளை கொள்ளும்
கண்கவர் பேரழகன் கார்வண்ண மேனியன்
விண்ணோரும் மண்ணோரும் அண்ணாந்து பார்த்து
கண்ணாரக் கண்டு பணிந்தேத்தும் வடிவழகன்
புண்ணியம் செய்தோர்க்கு கண்ணெதிரில் காட்சி தரும்
வண்ணமிகு உருவினன் வானுறை தேவன்
மண்மிசை தோன்றி ஆவினங்கள் மேய்ப்பவன்
எண்ணித்துதிப்போரின் உள்ளங்களிலுறைபவன்
No comments:
Post a Comment