மனத்துக்கினியானை……
பல்லவி
மனத்துக்கினியானை ஶ்ரீராமபிரானை
எனக்கருளவேண்டுமென தினம் துதித்தேன்
அனுபல்லவி
வனம் சென்று தந்தை சொல் காத்தவனை
அனந்தன் மீதுறங்கும் ஆதி கேசவனை
சரணம்
வினதையின் புதல்வனை வாகனமாய்க்கொண்டவனை
தனக்கொருவர் நிகரில்லா தயரதன் மைந்தனை
சனகாதி முனிவர்களும் தேவர்களும் துதிப்பவனை
தினகர குலத்தோனை திருவின் நாயகனை
கோவிந்தனைத் துதி மனமே…..
பல்லவி
கோவிந்தனைத்துதி மனமே தினமே
பூவிதழ் தூவி மலரடி பணிந்து
அனுபல்லவி
ஆவினங்கள் மேய்க்கும் மாதவனைக் கேசவனை
சேவடி பணிவோர்க்கு நல்லருள் புரிபவனை
சரணம்
தாவி வந்தொரு கரிக்கபயம் தந்தவனை
கூவியழைத்த பெண் மானம் காத்தவனை
மாவிடை வாகனனும் பிரமனும் துதிப்பவனை
மூவடியால் மாவலியின் கர்வம் தீர்த்ததவனை
தேவரும் முனிவரும் இந்திரனும் வணங்கிடும்
தேவாதி தேவனை திருவமர் மார்பனை
சேவடி பணிந்தோர்க்கு மூவாசைப் பிணிபோக்கும்
ஶ்ரீவாசுதேவனை ஶ்ரீமன் நாராயணனை
அண்ணாமலையார் அகத்துக் கினியாளே
உண்ணாமுலையே உமையாளே- நண்ணா
நினைதோறும் போற்றிசெய நின்னடியார் உண்ண
மனைதோறுஞ் சோறு கொண்டு வா
அம்மா பசிக்குதுனு சொன்ன உடனே எதாது ஒரு வகைல சாப்பாட்டு தட்டோட ஓடி வந்து நிப்பா எங்க அபீதகுசாம்பா 🙏
குரு நமச்சிவாயர் மட்டுமில்ல நாமும் கூட அபீதகுசாம்பா கிட்ட பசிக்குதுனு கேட்டா, சாப்பாடே கிடைக்காது அப்டிங்குற எடத்துல கூட சாப்பாட்டு தட்டோட வந்து பசியாத்திட்டு போவா 😭 அவ்யாஜ கருணாமூர்த்தி 😘
#பாலாம்பிகே_சரணம்
நினைத்துத் துதித்தால்…..
பல்லவி
நினைத்துத் துதித்தால் அமுதளித்திடுவாள்
அனைத்துமானவள் அன்னபூரணி
அனுபல்லவி
வினைப்பயன் களைந்திடும் கேசவன் சோதரி
சுனை நீராய்ச் சுரக்கும் கருணைக்கடலவள்
சரணம்
தனை நினைந்தோர்க்கு தயவளிக்கும் தாயவள்
தினையளவு துதித்தாலும் பனையளவு பயன் தருவாள்
காரணம் எதுவுமில்லாமல் கருணைமழை பொழிபவள்
நாரணி நான்முகி உண்ணமுலையவள்
தாய் இரங்கா விடில்,சேய் உயிர் வாழுமோ?
சகல உலகிற்கும் நீ, தாய் அல்லவோ மகமாயி
தான் எனும் அகந்தை தலைக்கு ஏறாது,
தாழ்ந்த நிலையிலும் தர்மம் மாறாது, உன் நினைவோடு
இவ்வையகத்தில் வாழ்ந்திட வரம் தந்தருள் தாயே மகமாயி ....
மகமாயித் தாயே……
பல்லவி
மகமாயித் தாயே நீ இரங்காவிடில்
மகன் நானிவ்வுலகில் உயிர் வாழ்வதெங்ஙனம்
அனுபல்லவி
சகல உலகிற்கும் நீ தாயல்லவோ
அகிலலோக நாயகியே கேசவன் சோதரி
சரணம்
அகந்தை மமதையென் தலைக்கேறாது
தகவிலாச் செயலேதும் நான் புரியாமல்
மகிழ்வுடனிவ்வுலகில் வாழ்ந்திடச் செய்யவே
சுகபாணி அருள்வாமி அகிலாண்டேச்வரி
எத்தனை முறை சொன்னாலும்…..
பல்லவி
எத்தனை முறை சொன்னாலும் ஶ்ரீராமா உன்நாமம்
தித்திக்குதே வாய் மனம் களிப்பெய்துதே
அனுபல்லவி
உத்மனே கேசவனே உனதருளாலன்றோ
இத்தரையில் அனைத்தும் இனிதே இயங்குவது
சரணம்
பத்தரை மாற்றுப் பசும்பொன்னே ரகுராமா
வித்தகர் வேதியர் போற்றும் தத்துவப்பொருளே
நித்திலத்தொத்தே தினகர குலவிளக்கே
சத்திய நாதனே அயோத்தியர் கோமானே
பண்டனை வதைத்தவளே……
பல்லவி
பண்டனை வதைத்தவளே ஶ்ரீலலிதாம்பிகையே
முண்டகக்கண்ணியுனை தண்டனிட்டுப் பணிந்தேன்
அனுபல்லவி
புண்டரீகாக்ஷன் கேசவன் சோதரியே
அண்டசராச்சரங்களனைத்தையும் காப்பவளே
சரணம்
தண்மதிக் குளிர்ச்சியுடனெப்போதுமிருக்கும்
வெண்ணிலவுப் பிறையணிந்த ஈச்வரியே மாயே
எண்ணிய வண்ணமெலாம் வடிவெடுக்கும் தாயே
திண்ணமுடன் மயிலையில் எழுந்தருளிக் காட்சி தரும்
புண்ணியம் செய்தோர்க்குக் கண்ணெதிரில் தெரிபவளே
மண்ணிலுத்தித்துப் பல லீலைகள் புரிந்தவளே
எண்ணிலா லீலைகள் பல புரிந்தவளே
பண்ணிசைத்துப் பாடிப் பரவசித்துத் துதித்தேன்
அன்றே என்றன் ஆவியும்
உடலும் உடைமை எல்லாமும்
குன்றே அனையாய் என்னைஆட்
கொண்ட போதே கொண்டிலையோ
இன்றோர் இடையூ றெனக்குண்டோ
எண்தோள் முக்கண் எம்மானே
நன்றே செய்வாய் பிழைசெய்வாய்
நானோ இதற்கு நாயகமே
எட்டுத் தோள்களையும் மூன்று கண்களையும் உடைய, எம் தலைவனே! மலையை ஒத்த பெரியோனே! என்னை ஆட்கொள்ள வந்த அன்றே, என்னை ஆட்கொண்ட அப்பொழுதே, என்னுடைய உயிரையும், உடம்பையும், பொருள் எல்லாவற்றையும் உன்னுடையனவாக ஏற்றுக் கொள்ளவில்லையோ? அங்ஙனமாக இப்பொழுது ஒரு துன்பம் எனக்கு உண்டாகுமோ? உண்டாகாது. ஆதலின், எனக்கு நீ நன்மையே செய்வாய் எனினும், தீமையே செய்வாய் எனினும் இத்தன்மைக்குத் தலைவன் யானோ
எண் தோள்களும் …….
பல்லவி
எண் தோள்களும் மூன்று கண்களும்
கொண்ட சிவனுனைப் பணிந்தேன்
அனுபல்லவி
மண்ணையுண்ட வாயன் கேசவன் நேசனே
பெண்ணணங்குக்கொரு பாதி ஈந்த ஈசனே
சரணம்
அன்றே எனதனைத்தையும் ஆட்கொண்ட
குன்றனைய சிவபெருமானே
நன்றோ தீதோ எது செய்த போதும்
என்றன் துணை நீயே கயிலாயவாசனே
பரமபதம்தனில்……
பல்லவி
பரமபதம்தனில் கிடந்துறங்கும் திருமாலை
வரதனை நாராயணனைத் துதித்தேன்
துரிதம்
அரனயனமரர் சுகசனகாதியர்
நரபதி நாரதர் கரம் பணிந்தேத்தும்
அனுபல்லவி
நரஹரி கேவனை மதுசூதனனை
பரம்பொருளை ஶ்ரீவாசுதேவனை
சரணம்
கரங்களில் சங்கும் சக்கரமுமேந்தும்
உரகமெல்லணையுனுமவனே
பரகதி அருளும் பரந்தாமனுமவனே
கரம் கூப்பி சிரம் தாழ்த்தியவன் பதமே சதமென
தினமுந்தன்……
பல்லவி
தினமுந்தன் புகழ் பாட வரமருள்வாய் ஶ்ரீராமா
தினகர குலத்தோனே தீன தயாபரனே
அனுபல்லவி
சனகாதி முனிவர்கள் தேவர்கள் வணங்கிடும்
ஜனகனின் மருமகனே ஜானகி நாயகனே
சரணம்
அனங்கனைப் பிரமனைப் படைத்த கேசவனே
வனமால கெளஸ்துபமணிந்த வாசுதேவனே
வினதையின் புதல்வனை வாகனமாய்க்கொண்டவனே
அனந்தன் மீதுறங்கும் ஶ்ரீமன் நாராயணனே
