நிலமங்கை......
பல்லவி
நிலமங்கைத் தாயரை மனமாரத்துதித்தேன்
உலகனைத்தும் பணிந்தேத்தும் கேசவன் துணைவியை
அனுபல்லவி
தலசயனப்பெருமாள் அருகிருந்து போற்றும்
கடல் தந்த திருமகளைத் திருவென்னும் பெயராளை
சரணம்
மலர்ந்த தாமரை மலரென வீற்றிருக்கும்
உலக நாயகியை தேவர் முனிவர் தொழும்
அலமேலுமங்கையை அழகு மகாலக்ஷ்மியை
தலங்களுள் சிறந்த கடல்மல்லைத் திருத்தலத்தில்
கண்ணனே.....
பல்லவி
கண்ணனே என் தோழன் என்றும்
திண்ணமுற என்னருகில் இருந்து எனைக்காக்கும்
அனுபல்லவி
எண்ணமெல்லாமவனே எப்போதும் நிலைத்திருப்பான்
கண்ணசைவில் மனமறிந்து என் குறைகள் தீர்த்திடுவான்
சரணம்
மண்ணையுண்ட வாயன் மாமாயன் கேசவன்
கண்ணைக்காட்டி மிரட்டிய அன்னைக்கு
அண்ட சராசரங்களை வாயில் காட்டியவன்
தண்மதி முகத்தோன் தாமரை நாபன்
வெண்ணை பால் தயிர் திருடியே உண்பான்
பெண்டிர் கோபியர் கடிந்துரைக்க வந்தால்
வேடிக்கையாய் பல குறும்புகள் செய்திடுவான்
விண்ணவரும் வியக்கும் லீலைகள் புரிந்திடுவான்
பண்ணிசைத்துக் குழலூதி கறவைகள் மேய்த்திடுவான்
வண்ண ஜாலங்கள் காட்டி மாயங்கள் செய்திடுவான்
எண்ணித் துதிப்பவர்க்கு அருள்மழை பொழிவான்
புண்ணியம் செய்தவர்க்கு கண்ணெதிரில் தெரிவான்
என்றுமுன்......
பல்லவி
என்றுமுன் பாதாரவிந்தமே எந்தன் துணை
ஶ்ரீ ராமா பணிந்தேன் திருவடி சரணம்
அனுபல்லவி
கன்று பசுவை அழைத்தது போலுனையழைத்தேன்
அன்றொரு நாள் வேழம்தனைக் காத்ததுபோலெனைக்காப்பாய்
சரணம்
சென்றிலங்கை அரக்கன் கதை முடித்த ராகவனே
குன்றைக் குடையாக்கி புவி காத்த கேசவனே
பன்றியாயவதரித்து பூமியை மீட்டவனே
இன்று எனக்கருள வேண்டுமெனத் துதித்தேன்
கரமலர்......
பல்லவி
கரமலர் காண்பித்தபயமளித்திடும்
சரவணபவகுகனைப் பணிவாய் மனமே
அனுபல்லவி
பரமேச்வரனின் நெற்றிக்கணில் உதித்த
கருணாமூர்த்தியைக் கார்த்திகேயனை
சரணம்
நரர்சுரர் நாரதர் சரச்வதியின்பதி
சுரபதி அனைவரும் கரம் பணிந்தேத்தும்
கணபதி சோதரனைக் கேசவன் மருகனை
குறமகள் துணைவனை சிங்காரவேலனை
தர்மாம்பிகையின்....
பல்லவி
தர்மாம்பிகையின் மலர்ப்பாதம் பணிந்தேன்
தர்மம் தழைத்திடும் திருவையாறு திருத்தலத்தில்
அனுபல்லவி
தர்மசம்வர்த்தினி அறம் வளர்த்த நாயகி
சர்வமுமவளென வணங்கித் துதித்து
சரணம்
சர்வேச்வரன் சிவன் பஞ்சநதீசனின்
தர்ம பத்தினி இடம் கொண்ட நாயகி
கர்ம வினைப்பயனால் கட்டுண்ட எனையே
நற்கதி அளித்து ஆண்டருள வேண்டுமென
ஆதவகிரணம்.......
பல்லவி
ஆதவகிரணம் பட்டதும் மலரும்
கமலமலர் போல் காட்சியளிப்பவனே
அனுபல்லவி
மாதவனே கேசவனே ஶ்ரீரகு ராமா
பூதலம் போற்றும் ஆதவகுலத்தோனே
சரணம்
சீதரனே உனது அழகிய அங்கங்கள்
யாதும் பங்கயமே பங்கய நாபனே
பாதமும் கண்களும் அனைத்தும் கமலமே
மாதவள் வசிப்பதுமுன் இதயகமலமே
அலமேலுமங்கையின்.....
பல்லவி
அலமேலுமங்கையின் மலர்ப்பதம் பணிந்தேன்
உலகில் சிறந்த வேங்கடவன் மார்பிலுறை
அனுபல்லவி
மலையப்பன் கேசவன் மனங்கவர் அலைமகள்
நிலைத்த நிதியளிக்கும் திருமகள் மகாலக்ஷ்மி
சரணம்
மலர்க்கரத்தில் கமல மலர்தனை வைத்திருக்கும்
குலமகள் கோதையெனும் ஆண்டாளுமவளே
அலமேலுமங்காபுரமெனும் அழகிய
தலத்தில் வீற்றிருக்கும் பத்மாவதியெனும்
சர்வேச்வரனை......
பல்லவி
சர்வேச்வரனை சாம்பசதாசிவனை
கற்பகநாதனை சிவனைத்துதித்தேன்
அனுபல்லவி
பர்வதவர்த்தினி பார்வதி நாயகனை
சிற்பரனை சிவனைக் கேசவன் நேசனை
சரணம்
தர்ம நெறி காக்க தரணியிலவதரித்து
திருவிளையாடல்கள் பலசெய்த ஈசனை
கர்மவினைப்பயனால் படுந்துயர் நீங்கி
நற்கதி பெறவே மலரடி பணிந்து
சாமகானப்ரியனே.......
பல்லவி
சாமகானப்ரியனே சிவ
சங்கரனே தயாகரனே
அனுபல்லவி
காமனை எரித்தவனே நமச்சிவாயனே
தாமரைநாபன் கேசவன் நேசனே
சரணம்
பூமண்டலந்தனில் புகழ் மிகு காஞ்சியில்
காமகோடி காமாக்ஷி துதித்திடும்
காமேச்வரனே ஏகாம்ப்ரேச்வரனே
சோமசுந்தரனே எனக்கருள் புரிவாய்
பிறவா வரம்.....
பல்லவி
பிறவா வரந்தாரும் பெருமானே
பிறந்தாலும் உன்னை மறவா மனந்தாரும்
அனுபல்லவி
அறவழி பிறழாத நெறியான வாழ்வும்
அறிவும் இசை ஞானமும் எனக்கருள்வாய்
சரணம்
கறவைகள் மேய்த்திடும் கேசவன் நேசனே
அறவோர் ஞானியர் முனிவர்கள் துதித்திடும்
பிறையணிந்த பரம் பொருளே சிவபெருமானே
மறைபொருளே மாயக் கூத்தனே ஈசனே
ஶ்ரீ ராம நாமமெனும்.....
பல்லவி
ஶ்ரீராம நாமமென்னும் இனிய கனிக்கு
ஶ்ரீக்ருஷ்ண நாமமே சுவை சேர்க்கும் தேன்
அனுபல்லவி
நாராயணா என்னும் தினைமாவும் கூட்டி
ஆராவமுதனெனும் பசும் நெய்யும் கலந்த
சரணம்
பாராயணம் செய்யும் நாவெனும் கரண்டியால்
ஓராயிரம் நாமம் ஓதாமல் போனாலும்
சீராக மேற் சொன்ன நாமங்களை மனத்தில்
ஓரிண்டு ஓதியந்த கேசவனைத் துதிப்பவர்க்கு
பாரில் உனையன்றி.......
பல்லவி
பாரில் உனையன்றி வேறில்லை எனக்குத்துணை
மாரி மகமாயி சமயபுர நாயகியே
அனுபல்லவி
நேரில் உனைக்கண்டு மலர்த்தாள் பணிந்தேன்
நேரிழையே தாயே கேசவன் சோதரியே
சரணம்
ஊரிலுள்ள காணியும் உற்றமும் சுற்றமும்
பேரிலுள்ள பொருளெதுவும் என்றும் சதமில்லை
காரிகையே உன் பதமே சதமென்றறிந்து
கோரிக்கை வைத்தேன் எனைக் காத்தருள்வாய்
என்னைக் காத்தருள்வாய்....
பல்லவி
என்னைக் காத்தருள்வாய் ஶ்ரீரகுராமா
உன்னை ஒரு கணமும் மறவேன் ராமா
( ராமய்ய ராமா பட்டாபி ராமா கோதண்ட ராமா.....)
அனுபல்லவி
அன்னை கோசலையின் அன்புப் புதல்வனே
உன்னையன்றி வேறு தெய்வம் எனக்கில்லை
சரணம்
பத்தரை மாற்றுப் பசும் பொன்னே உன்னை
முத்துச்சிப்பியென முக்குளித்தெடுத்தேன்
இத்தரையிலென்றும் நீயேயென் துணை
உத்தமனே கேசவா உனையே துதித்தேன்
சக்ரவாகேச்வரனை.......
பல்லவி
சக்கரவாகேச்வரனை நமச்சிவாயனை
சக்ராப்பள்ளி திருத்தலத்தில் துதித்தேன்
அனுபல்லவி
முக்கண்ணனை அரனை மூவருக்கும் முதல்வனை
பக்கத்தில் தேவநாயகி உடனிருக்கும்
சரணம்
அக்கறையுடன் பணிந்த திருமால் கேசவற்கு
சக்கராயுதம் தந்த மாசிலா ஈசனை
உக்கிரத் தவம் புரிந்து தவற்றுக்கு வருந்தி
அக்கறையுடன் பணிந்த பிரமனுக்கருளிய
என்னைப் பெற்ற......
பல்லவி
என்னைப் பெற்ற தாயே என் பாக்யமே
உன்னையே துதித்தேன் எனக்கருள் புரிவாய்
அனுபல்லவி
முன்னம் கடலரசன் கர்வம் தீர்த்திட
தின்னனூர் திருத்தலத்தில் எழுந்தருளிக் காட்சிதரும்
சரணம்
இன்னிசை வாணியும் மலைமகளும் நேசிக்கும்
அன்னையே பொன் மகளே சுதாவல்லியே
பன்னக சயனன் கேசவன் துணைவியே
முன்செய்த பழவினைப் பயன்கள் தொலைந்திட
