ஶ்ரீவைத்தீச்வரனை

                        ஶ்ரீவைத்தீச்வரனை......

                                                         பல்லவி

                                      ஶ்ரீவைத்தீச்வரனை மனமாரத் துதித்தேன்
                                      பாவை தையல்நாயகி உடனுறை

                                                        அனுபல்லவி

                                       ஶ்ரீவைகுண்டவாசன் கேசவன் நேசனை
                                       நோவைப் போக்கிடும் வைத்தியநாதனை

                                                            சரணம்

                                        தேவரும் முனிவரும் கணங்களும் நந்தியும்
                                        தேவேந்திரனும் கரம் பணிந்தேத்தும்
                                        தேவாதி தேவனை நமச்சிவாயனை
                                        பூவுலகைப் பீடிக்கும் நோயகல வேண்டியே
                  

ஶ்ரீராம

                                ஶ்ரீராம......

                                                         பல்லவி

                                      ஶ்ரீராம நாமமே நோய் தீர்க்கும் மருந்து
                                      பாராயணம் செய்து துதிப்பவர்க்கெல்லாம்

                                                        அனுபல்லவி

                                       நாராயணன் மாலன் கேசவனென்று
                                       ஓராயிரம் பெயர் உண்டென்ற போதும்

                                                             சரணம்

                                       கோர சம்சாரக் கடலினைக் கடந்திடவும்
                                       தீரா வினைகளனைத்தையும் களைந்திடவும்
                                       பாரோரனவரும் நம்பித் துதித்திடும்
                                       ஆராவமுதனந்தத் தாமரைக்கண்ணனின்

“கோவிந்தன்”

 “கோவிந்தன்”

இந்திரனுக்கு என்று ஆயர்கள் எடுத்த
எழில் விழாவில் பழ நடை செய்
மந்திர விதியில் பூசனை பெறாது
மழை பொழிந்திட தளர்ந்து ஆயர்
எந்தம்மோடு இன ஆநிரை தளராமல்
எம்பெருமான் அருள் என்ன
அந்தம் இல் வரையால் மழை தடுத்தானை
திருவ அல்லிக்கேணி கண்டேனே 2.3.4

இந்திர விழாவில் தனக்கு மரியாதை செய்யாத ஆயர்குடி மக்கள் மேல் கோபம் கொண்டு இந்திரன் பெரும் வெள்ளம் மழை இடி மின்னல் அனுப்பி அவர்களை எல்லாம் தாக்கச்செய்தபோது மலையைக் குடையாய் பிடித்து காத்த கண்ணனை திருவல்லிக்கேணியில் கண்டேன்.

                பார்த்த சாரதி

      

                         பல்லவி

             மழை தடுத்த மாதவனை மதுசூதனனை 

             அழகன் கேசவனை உளமாரத்துதித்தேன் 

                         அனுபல்லவி 

             குழலூதும் மாயனை உலகுண்டுமிழ்ந்தானை

             பிழை புரிந்த இந்திரன் செருக்கழித்த யாதவனை

                             சரணம்

               மலையைக் குடையாக மலர்க்கரத்திலேந்தி

               நிழல் தந்து ஆயர்கள் குலம் காத்த உத்தமனை

               அழைத்துக்கதறிய கரிக்கபயம் அளித்தவனை

                அல்லிக்கேணி வளர் பார்த்த சாரதியை

                அழலேந்தும் நெற்றிக்கண்ணனும் பணியும்

                குழலோனை ஆயர்குல கோவிந்தனை

                நிழலென உடனிருக்கும் ராதையின் கண்ணனை

                கழலடி தொழுது எனக்கருள வேண்டுமென

சரணாகதவத்சலனை

                        சரணாகதவத்சலனை.....

                                                       பல்லவி

                                 சரணாகதவத்சலனை ஶ்ரீராமச்சந்திரனை
                                 பரம புருஷனைக் கேசவனைத் துதித்தேன்

                                                      அனுபல்லவி

                                கரதூஷணாதியரை மாரீசனைக் கொன்றவனை
                                அரனயன் தேவர்கள் முனிவர்கள் போற்றும்

                                                          சரணம்

                                 குரங்கரசன் சுக்ரீவனும் குகனும் நேசிக்கும்
                                 அரவிந்தலோசனனை அயோத்தியர் கோமானை
                                 மரகதவண்ணனை தரணிதரனை
                                 அரவணைத்தெனையே ஆண்டருள வேண்டுமென

மங்களம்

                           மங்களம்.......

                                                       பல்லவி


                              மங்களம் ஶ்ரீராமனுக்கு மங்களம் மங்களம்
                              எங்கும் நிறை கோதண்ட ராமனுக்கு மங்களம்

                                                     அனுபல்லவி

                              சங்கடமிடர் களையும் கேசவற்கு மங்களம்
                              திங்கள் திருமுகத்தாள் ஜானகிக்கு மங்களம்

                                                          சரணம்

                              சங்கரன் நேசன் சிவ ராமனுக்கு மங்களம்
                              மங்களம் கோசலை பாலனுக்கு மங்களம்
                              பங்கய நாபனுக்கு நித்ய மங்களம்
                              பாற்கடல் வாசனுக்கு சர்வ மங்களம்

                              சங்கும் சக்கரமும் ஏந்தும் நாரணர்க்கு
                              பொங்கரவணை துயிலும் ஈசனுக்கு மங்களம்
                              மங்களம் பட்டாபி ராமனுக்கு மங்களம்
                              மங்களம் ஶ்ரீஜெய ராமனுக்கு மங்களம்

                              மங்களம் மாருதியின் ராமனுக்கு மங்களம்
                              மங்களம் ராமபிரான் பாதுகைக்கு மங்களம்
                              மங்களம் பரந்தாமன் திருவடிக்கு மங்களம்
                              மங்களம் கல்யாண ராமனுக்கு மங்களம்
                           
                              

சமயபுரத்தாளின்

                              சமயபுரத்தாளின்.......

                                                            பல்லவி

                                       சமயபுரத்தாளின் திருப்பாதம் சரணடைந்தேன்
                                       எமையாள வேண்டுமென மனமாரத்துதித்து

                                                          அனுபல்லவி

                                       இமயமுதல் குமரிவரை புகழ் விளங்கும் அன்னை
                                       உமயவளும் அவளே மலைமகளுமவளே

                                                               சரணம்

                                        சர்பக்குடையின் கீழ் வீற்றிருக்கும் தேவியவள்
                                        கற்பகத் தருவெனவே கருணைமழை பொழிவாள்
                                        அதிசய வடிவுடையாள் அரவிந்த பதமுடையாள்
                                        துதித்திடும் அடியார்க்கு நற்கதியளித்திடுவாள்

                                         

திங்கள்

                       

                                     திங்கள் ......

                                                   

                                                                 பல்லவி

                       
                                         திங்கள் திருமுகத்தாள் திருமகளின் பதம் பணிந்தேன்
                                         மங்களம் தந்தருள வேண்டுமெனத் துதித்து
                               
                                                                  அனுபல்லவி

                                         சங்கும் சக்கரமும் கையிலேந்தும் கேசவனின்
                                         பங்கய மலர் மார்பை அலங்கரிக்கும் ஶ்ரீதேவி

                                                                        சரணம்

                                          எங்கும் நிறைந்திருக்கும் பங்கயச்செல்வி
                                          தங்கும் பொருளளிக்கும் செங்கமலவல்லி
                                          தங்கப் பட்டாடையுடன் தகதகக்கும் அழகுடைய
                                          மங்காத புகழ் மேவும் சிங்கார வடிவுடையாள்

                                          அங்கமில் மன்மதனை அளித்த பெருந்தாயார்
                                          சங்கப் புலவர்களின் கவித்திறனை சோதிக்கும்
                                          அங்க சௌந்தர்யம் படைத்த பேரழகி
                                          சங்கரன் பங்கிலுறை சங்கரியின் தோழி
       
                                         
                                    

அனைத்தும் நீயே.......

                               அனைத்தும் நீயே.......

                                                            பல்லவி

                                              அனைத்தும் நீயே ஶ்ரீரகு ராமா
                                              உனையே துதித்தேன் ஶ்ரீஜெய ராமா

                                                          அனுபல்லவி
                                           
                                              வினைப்பயன் பவபயம் களைபவன் நீயே
                                              தினகர குலத்தோனே கேசவா மாதவா

                                                                 சரணம்
                                                                 
                                              அனங்கனையும் பிரமனையும் திசைகளையும் படைத்தவனே
                                              முனிவரும் தேவரும் வணங்கிடும் ரகுவரனே
                                              தனிப்பெருங்கடவுளே தசரதராமனே
                                              வினதையின் புதல்வனை வாகனமாய்க் கொண்டவனே
             
                                              தரணிதரனே தாமரைநாபனே
                                              அரன் மனத்திடை சதா துதித்திடும் தேவனே
                                              முரளிதரன் நீயே கோசல பாலனே
                                              சரணடைந்தேன் எனையே காத்தருள்வாயே

சீதாராமனை

                                      சீதாராமனை.....

                                                                        பல்லவி

                                                       சீதாராமனை தினம் துதி மனமே
                                                       பாதாரவிந்தம் போற்றிப் பணிந்து

                                                                      அனுபல்லவி

                                                       மாதா கோசலையின்  மனம் மகிழச் செய்திடும்
                                                       மாதவன் கேசவன்  அவனே நம் துணை

                                                                           சரணம்

                                                       வேதாகம சாஸ்த்திர புராணங்கள் போற்றும்
                                                       கோதண்ட ராமன் கோடி வினை தீர்ப்பவன்
                                                       சீதாதேவியின் மனங்கவர் நாயகன்
                                                        பூதலம் போற்றும் பட்டாபி ராமன்

                                                        கீதோபதேசம் பார்த்தனுக்கு ச்செய்த
                                                        யாதவன் கோவிந்தன் ஶ்ரீவாசுதேவன்
                                                        பாதகம் புரிந்த அரக்கரை அழித்த
                                                        ஶ்ரீதரன் ரகுராமன் தசரதகுமாரன்
                                                       
   
                 

சிவதனுசை

                                 சிவதனுசை........

                                                                   



                                                              பல்லவி

                                             சிவதனுசை ஒடித்த சிவராமனைத் துதித்தேன்
                                             பவபயம் கவலைகள் நீங்கிட வேண் டுமென

                                                              அனுபல்லவி

                                             தவம் செய்யும் முனிவரும் அமரருமிந்திரனும்
                                             அவனியோரனைவரும் கரம் பணிந்தேத்தும்

                                                                  சரணம்

                                             பவளவாயழகனை செங்கமலக்கண்ணனை
                                             புவனம் பதினான்கையும் படைத்தவனைக் கேசவனை
                                             சிவநேச ச்செல்வனை சீதாராமனை
                                             அவுணர்களை அழித்த அயோத்தியர் கோமானை
                                             

                                              நவரத்தினம் பதித்த சிம்மாசனத்தில்
                                              குவலயம் போற்ற வீற்றிருக்கும் ராகவனை
                                              பவனகுமாரனும் அனந்தனும் கருடனும்
                                              கவனமுடன் பணியும் பட்டாபிராமனை
                                             
                                             

கமலமலர்

                                  கமலமலர்.....

                                                                பல்லவி

                                             கமலமலர் நேசன் பானுவின் குலத்தோனே
                                             கமலநாபனே ஶ்ரீராமா எனைக் காப்பாய்

                                                            அனுபல்லவி

                                             கமலமலரமர் நான்முகனைப் படைத்தவனே
                                             கமலமலரேந்தும் திருமகளின் நாயகனே

                                                                  சரணம்

                                             உமையொருபாகன் நேசனே கேசவனே
                                             அமரரும் இந்திரனும் முனிவரும் பணியும்
                                             கமலக்கண்ணனே சந்திர முகத்தோனே
                                             சமரம் புரிந்து ராவணனை வென்றவனே

                                             சமமென தனக்கொருவர் இல்லாத வீரனே
                                             அமரேந்திரனின் கர்வம்  தீர்த்தவனே
                                             அமலனாதிபிரானுமானவனே
                                             கமலமலர்ப் பாதம் வணங்கித் துதித்தேன்
                                           

என்னைக் காக்க.......

                        என்னைக் காக்க.......

                                                       பல்லவி

                                 என்னைக் காக்க உனக்கு இன்னும் தயக்கமேன்
                                 அன்னை தந்தை குருவும் நீயென்றே நினைக்கும்

                                                    அனுபல்லவி

                                 உன்னைத் தவிர வேறு தெய்வம் எனக்கு இல்லை
                                 சென்ன கேசவா ஓ ராகவா

                                                        சரணம்

                                 உன்னைத் துதித்த கரிக்கும் காரிகைக்கும்
                                 முன்னம் நீ அபயம் தரவில்லையா
                                 பன்னக சயனனே பரிபூரணனே
                                 தன்னிகரில்லாத தீன தயாகரனே

                                 மன்மதனும் நான்முகனும் தந்தையெனத் துதிக்கும்
                                 இன்னமுதே ராகவனே கோசலை மைந்தனே
                                 சொன்னசொல் காக்கும் அயோத்தியின் அதிபதியே
                                 உன்னருள் வேண்டியே திருவடி பணிந்தேன்

எப்போதும்

                                  எப்போதும்......

                                                                பல்லவி

                                          எப்போதும் ஶ்ரீராம நாமமே சொல்லுவோம்
                                          முப்போதும் அவனிரு திருவடி பணிந்து

                                                              அனுபல்லவி

                                          தப்பேதும் வாராமல் நமைக் காக்கும் கேசவன்
                                          அப்பனன்னையும் நண்பனும் குருவுமவன்

                                                                  சரணம்

                                           செப்பு மொழியனைத்தும் அவன் புகழ் பாடும்      
                                           ஒப்பாரும் மிக்காரும் இல்லாத தேவன்
                                           இப்புவியிலைனவரும்  போற்றுகின்ற தெய்வம்
                                           இப்பிறப்பில் நமைக்காக்க அவனருள் வேண்டியே
         
                                      

ஶ்ரீ ருக்மணி.......

                                ஶ்ரீ ருக்மணி.......

                                                          பல்லவி

                                        ஶ்ரீருக்மணி உன் பாதம் பணிந்தேன்
                                        பாருக்குள் சிறந்த த்வாரகைப் பதிதனில்

                                                        அனுபல்லவி

                                        தேரினில் வந்து சிறையெடுத்து
                                        போரினில் வென்று கண்ணன் மணம் முடித்த

                                                             சரணம்

                                         ஈருடல் ஓருயிர் என்றிருந்தவளை
                                         மாறி நின்று பிரிந்து வாழ்ந்திடவே
                                         மாமுனி சாபமளித்தனாலே
                                         தனிமையில் கோயிலில் வீற்றிருக்கும்
                                       
                                   

கல்யாண நாரணனை....

                            கல்யாண நாரணனை....

                                                              பல்லவி

                                          கல்யாண நாரணனை  த்வாரகாதீசனை
                                          நல்லவண்ணம் த்வாரகையில் கண்டு துதித்தேன்

                                                             அனுபல்லவி

                                         
                                          மல்லரை மாட்டிய கேசவனை மாதவனை
                                          அல்லலிடர் களைந்து நல்லருள் பெறவே

                                                                 சரணம்
                                     
                                           மெல்லிடையாள் ருக்மிணியின் கரம் பிடித்த கண்ணனை
                                           வல்லரக்கன் கம்சனை வதைத்த தாமோதரனை
                                           நல்லடியார் நலம் பேணும் அச்சுதனை அனந்தனை
                                           செல்வபுரந்தரனை ஆண்டருள வேண்டுமென
                                         
    

நாகேச்வரனை

                             நாகேச்வரனை.....

                                                       பல்லவி

                                          நாகேச்வரனை நாகநாதனை
                                          துவாரகைப் பதிதனில் மனமாரப் பணிந்தேன்

                                                     அனுபல்லவி

                                          சாகசம் புரிந்த அரக்கனை அழித்து
                                          பக்தைக்கருள் புரிந்து தாருகாவனமமர்ந்த

                                                        சரணம்
                                          நாகத்தணை கிடந்த கேசவனும் சதுர்முகனும்
                                          அடிமுடி காணாத சோதிவடிவானவனை
                                          யாகப்பிரியனை சந்திர சேகரனை
                                          வேதங்கள் போற்றும் நமச்சிவாயனை
                                       
       
    

சோமநாதனை

                              சோமநாதனை.....

                                                            பல்லவி

                                          சோமநாதனை சுந்தரேச்வரனை
                                          காமேச்வரனை மனமாரப்பணிந்தேன்

                                                              துரிதம்

                                           காமன் கணங்கள் நந்தி சந்திரன்
                                           இந்திரன் கேசவன் கரம் பணிந்தேத்தும்

                                                           அனுபல்லவி

                                           சாம முதல் வேதங்கள் சாஸ்த்திர புராணங்கள்
                                           காமேச்வரியும் துதித்துப் போற்றும்

                                                                சரணம்

                                            பாமரரும் பண்டிதரும் பணிந்திடும் சிவனை
                                            ஓமெனும் மந்திரத்தின் உட்பொருளானவனை
                                            தேமதுரத் தமிழ் வளர்த்த சங்கத்தலைவனை
                                            பூமண்டலம் கொண்டாடும் சோதிவடிவானவனை
                                           

ராம ராம ராம......

                            ராம ராம ராம......

                                                         பல்லவி

                                 ராம ராம ராம என்று ராம நாமம் சொல்லுவோம் - ( ஶ்ரீ )
                                 காமக்ரோத லோபமென்னும் அறுபகைகள் வெல்லுவோம்

                                                        அனுபல்லவி

                                 பாமரரும்   பண்டிதரும் எளிமையாக உரைத்திடும்
                                 சாம முதல் நான்மறைகள் போற்றுகின்ற மந்திரம்
     
                                                            சரணம்

                                  சோமசுந்தரேச்வரரும் பார்வதிக்குச் சொன்னது
                                  நாமங்கள் ஆயிரத்தில் சிறந்ததந்த நாமமே
                                  பூமண்டலம் போற்றும் கேசவனின்  திருநாமம்
                                  கோமகள் சீதைமனம் கவர்ந்தவனின்  திருநாமம்
                                 
                                 

பாலாழிதனில்

                                பாலாழிதனில்.....


                                                       பல்லவி

                                     பாலாழிதனில் கிடக்கும் பரமபதநாதனே
                                     லீலைகள் பல புரிந்த பானுகுல திலகனே

                                                    அனுபல்லவி

                                     ஆலால கண்டமுண்ட நீலகண்டன் போற்றும்
                                     சீலமிகு கோதண்ட ராமனே கேசவனே

                                                         சரணம்

                                      பூலோகம் புகழ்ந்தேத்தும் கோசலபாலனே
                                      கோலாகலமாக அயோத்தி அரசாளும்
                                      நீலமேகவண்ணனே பட்டாபிராமனே
                                      ஜாலமிகு ஜானகியின் மனங்கவர் நாதனே
                                   
                                      மாலோலனே மதுசூதனனே
                                      பாலன் பிரகலாதனுக்கருள் செய்த மாலனே
                                      காலனையும் கலங்கச் செய்திடும் வீரனே
                                      பாலித்தருள்வாயென பாதம் பணிந்தேன்.
                     
           
                  

வெறுத்தொதுக்கலாமோ

                        வெறுத்தொதுக்கலாமோ......

                                                               பல்லவி

                                       வெறுத்தொதுக்கலாமோ கோசல ராமா
                                       மறவாமல் உன் நாமம் அனுதினம் துதிக்குமென்னை

                                                            அனுபல்லவி

                                     பொறுப்புடன் அயோத்தியை அரசாளும் கேசவனே
                                     சிறப்புடைய சீதையின்  கரம் பிடித்த ராகவனே    

                                                                சரணம்          

                                      அறம் பொருளின்பமனைத்தையு மளிப்பவனே
                                      சரத்கால மேகம் போல் கருணை மழை பொழிபவனே
                                      பிறப்பிறப்பில்லாத நிலை பெற வேண்டியே
                                      கரம் கூப்பி சிரம் தாழ்த்தி உனையே பணிந்தேன்

பாதுகை.......

                                பாதுகை.......

                                                             பல்லவி

                                       பாதுகை பெரிதோ உன் பாதங்கள் பெரிதோ
                                       யாதென்று எனக்குரைப்பாய் ஓ ரகு ராமா

                                                            அனுபல்லவி

                                        வேதங்களறிந்த வேதாந்த தேசிகரும்
                                        தீதொன்றுமில்லாத பரதனும் போற்றும்

                                                                 சரணம்

                                        சீதையை மணமுடித்த சீதா ராமனே உன்
                                        பாதுகைக்கு பரதன் முடிசூட்டினான்
                                        ஆதலினாலுன் பாதங்களைவிடவும்
                                        பாதுகையே சிறந்ததெனக் கொள்ளலாமோ

                                        பாதகம் புரிந்த அரக்கரையழித்தவனே
                                        மாதொருபாகன் போற்றும்  ராகவனே
                                        சாதனைகள் பல புரிந்த கோசலராமனே
                                        கோதண்டராமனே நீயுரைத்திடுவாய்
                                       
                                        மாதவனே கேசவனே மதுசூதனனே அந்த
                                        பாதுகைகளுன் பாதம் தாங்கியதாலன்றோ
                                        பூதலம் போற்றுமந்த சிம்மாசனத்தில்
                                        ஏதமின்றி அமர்ந்து ஆட்சி செய்தது