கபாலீச்வரன்

கபாலீச்வரன் 

பல்லவி 

செம்பொன் மேனியனை  சிதம்பரனாதனை 

எம்பெருமான் சிவனை மனமாரத்துதித்தேன் 

அனுபல்லவி 

அம்புய நாபன் கேசவன் நேசனை 

சம்பு கபாலியை சாம்பசதாசிவனை 

சரணம் 

உம்பர் முனிவர் பணி தேவாதிதேவனை 

அம்பிகை மனங்கவர் ஆலாலகண்டனை 

வெம்பவக்கடலினைக் கடந்திட உதவிடும் 

அம்பலவாணனைக் கயிலை நாதனை 

கபாலீசன்

கபாலீசன் 

பல்லவி 

பார்வதி பதியை பரமேச்வரனை 

 மகாதேவனை  மனமாரத்துதித்தேன் 

துரிதம் 

நீரும் நெருப்பும் நிலமும் காற்றும் 

                                              நீள்விசும்புமாகிய சிவனை

அனுபல்லவி 

கார்வண்ண மேனியன் கேசவன் நேசனை 

பார் போற்றும் ஈசனை வார்சடையோனை 

சரணம் 

காரமர் மேனியன் கணபதியும் முருகனும் 

நாரணனும் நான்முகனும் தேவரும் முனிவரும் 

சூரியனும் சந்திரனும் நந்தியும் கணங்களும் 

நேர் நின்று வணங்கிடும் கபாலீசனை 

. 

ஸ்ரீவித்யா ராஜகோபாலன்

ஸ்ரீவித்யா  ராஜகோபாலன் 

பல்லவி 

ஸ்ரீ வித்யா  ராஜகோபாலனை 

மன்னார்  குடித்தலத்தில் மனமாரத்துதித்தேன் 

அனுபல்லவி 

ஆவினங்கள்  மேய்ப்பவனை அநாதநாதனை 

பூவிதழ்கள் தூவி மலர்ப்பதம் பணிந்து 

சரணம் 

தேவி  செங்கமலம் மனங்கவர் நாயகனை 

தேவரும் முனிவரும் நாரதரும் நான்முகனும் 

மாவிடைவாகனனும்  கருடனுமிந்திரனும் 

யாவரும் பணிந்தேத்தும் தேவாதி தேவனை 

கேசவன் நாமசங்கீர்த்தனம்

                               

                                   கேசவன்  நாமசங்கீர்த்தனம்

                                      பல்லவி

                                  கேசவன் நாமமே கேட்கவே  பேரின்பம் 

                                   ஆசையுடன் துதித்து பாசமுடன் பாடும்

                                        அனுபல்லவி

                                    நீசருக்குமருள் தரும் நேசமுடையவன்

                                     ஈசன் சிவபெருமான் பூசிக்கும் பதத்தினன்

                                           சரணம்

                                     ஆசாபாசத் தளைகளைக் களைந்திடும்

                                      மோசமான  எண்ணங்கள் போக்கிடும்

                                       தேசுடன் திகழும் லாவண்யமளித்திடும்

                                        பேசும் தெய்வம்  கலியுக வரதன்


                                     

துதிக்கையன்

துதிக்கையன்

பல்லவி

மதியணிந்தவனை மதவாரணனை

துதிக்கையனை கதியெனத்துதித்தேன்

அனுபல்லவி

கதிரொளியையும்விட ஒளிபடைத்தவனை

பதுமநாபன் கேசவன் மருகனை

சரணம்

முதன் முதலனைவரும் வணங்கிடும் தேவனை

மதுரம் நிறைந்த மோதகப்பிரியனை

எதிரிடுமிடர்களை விலக்கிடும் கரிமுகனை

விதியையும் மாற்றும் வலியுடையவனை

துரிதம்

நந்தியும் கணங்களும் நரர்சுரர் முனிவரும்

இந்த்ரனும் பிரமனும் கரம் பணிந்தேத்தும்

ஆனந்தவல்லி

ஆனந்தவல்லி

பல்லவி

ஆனந்தவல்லியை மனமாரத்துதித்தேன்

பிரம்மநகரேச்வரன் மனங்கவர் நாயகி

அனுபல்லவி

ஞானமும் கல்வியும் செல்வமுமளித்திடும்

தேனார்மொழியாள் கேசவன் சோதரி

சரணம்

வானுறை தேவரும் முனிவரும் பிரமனும்

ஆனைமுகத்தோனும் முருகனும் வணங்கிடும்

ஞானாம்பிகையை பரமேச்வரியை

தீனருக்கருளும் திரிபுரசுந்தரியை

பத்மநாபன்

பத்மநாபன்

பல்லவி

தாமரைத்திருவடியைத் தஞ்சமடைந்தேன்

மாமறைகள் போற்றும் கேசவனே உந்தன்

அனுபல்லவி

கோமளவல்லியைத்திருமார்பில் வைத்திருக்கும்

தாமோதரனே ஆராவமுதே நின்

சரணம்

வாமனனாயன்று மூவடியாலுலகளந்த

தாமரை நாபனே நீலவண்ணனே

காமக்ரோதாதி அறுபகையகலவும்

தாமதமின்றியே பரகதி பெறவுமுன்