மலர்நாபன்

                                      மலர்நாபன்


                                                 பல்லவி

                       கை கூப்பித்தொழுவோர்க்கு அருளளிக்கும் கேசவனை
                       மெய்யுருகிப்பாடி மனமாரத் துதித்தேன்

                                              அனுபல்லவி

                       பையத்துயில்கின்ற பாற்கடல் வாசனை
                       உய்யக்கொண்டானை உலகளந்த பெருமாளை

                                                  சரணம்

                       வையகம் காத்தருளும் தேவாதி தேவனை
                       தையலாள் திருமகளைத் தன் மார்பில் வைத்திருக்கும்
                       மெய்ப்பொருளைத் திருமாலை அரவிந்த பதத்தானை
                       மெய்யடியார் பணிந்தேத்தும் கமலமலர் நாபனை
                     

கண்ணபிரான்

                                    கண்ணபிரான்



                                          பல்லவி


                     வெண்ணை விழுங்கிய மாயனைக் கேசவனை
                     கண்ணபிரானை மனமாரத் துதித்தேன்

                                        அனுபல்லவி
 
                      மண்ணையுண்ட வாயனை மதுசூதனனை
                      தண்மதி முகத்தானைத் தாமரை நாபனை
 
                                             சரணம்
                     
                      கண்ணசைவில் கோபியர்கள் உள்ளம்கவர் கள்வனை
                      பண்ணிசைத்து குழலூதி மனம் கொள்ளை கொள்பவனை
                      அண்டசராசரங்களனைத்தையும் காப்பவனை
                       புண்ணியம் செய்தோர்கள் கண்ணெதிரில் காண்பவனை
                     
                                            *********



வெண்ணைய்விழுங்கி வெருங்கலத்தை
வெற்பிடைஇட்டதன் அதனோசை கேட்கும்
கண்ணபிரான் கற்றகல்விதன்னைக்
காக்ககில்லோம், உன்மகனைக் காவாய்
புண்ணில் புளிப்பெய்தால் ஒக்கும்தீமை
புரைபுரையால் இவைசெய்யவல்ல
அண்ணல் கண்ணன் ஒர்மகனைப் பெற்ற
அசோதைநங்காய்! உன்மகனைக் கூவாய்.

                          பெரியாழ்வார் திருமொழி

அம்மா ! யசோதைப்பிராட்டியே! உன் மகன் கண்ணன் எங்கள் வீட்டில் நுழைந்து வெண்ணைய் முழுவதையும் உண்டு பின் காலிப்பாத்திரத்தைக் கல்லிலே போட்டு அதுடையும் போதுண்டாகும் ஓசையைக்கேட்டு மகிழ்கின்றான். இந்தக் கண்ணன் படித்துள்ள திருட்டுக்குரிய வித்தையை எங்களால் தடுக்கமுடியாது. ஆகையால் உன்னுடைய பிள்ளையை தீம்பு செய்யாமல் தடுப்பாயாக. புண்ணிலே புளிச்சாற்றை சொரிந்ததுபோல் கொடுமையான தீம்புகளை ஒவ்வொரு வீட்டிலும் சாமர்த்தியமாகச் செய்கின்றான். யசோதைப் பிராட்டியே! உனதுமகனை அழைத்துக் கொள்வாயாக ! என்று கோபிகை கூறுகின்றாள்.

கரிமுகன் (1)

                      கரிமுகன் (1)

பல்லவி

கரிமுகனே உந்தன் கழலடி பணிந்தேன்
பரிவுடன் எனக்கருள வேண்டுமெனத்துதித்து

அனுபல்லவி

அரியயனரனும் நந்தியும் கணங்களும்
நரர் சுரர் முனிவரும் கரம்பணிந்தேத்தும்

சரணம்

எரிதழல் நெற்றியில் வைத்திருக்கும் முக்கண்ணன்
விரிசடையோன் சிவன் கொஞ்சிடும் மைந்தனே
நெறியுடன் எந்தன் காரியம் நடைபெற
கரிசனத்துடன் நீ கடைக்கண்ணருள் தரவே

பரிமுக க்கடவுள்  கேசவன் மருகனே
பொரியவல் அப்பமும் தித்திக்கும் மோதகமும்
எருக்க மாலையும் அருகம் பில்லும்
விரும்பி ஏற்றிடும் விக்னேஸ்வரனே

காவளம்பாடிக் கண்ணன்

                               காவளம்பாடிக் கண்ணன்

   
                                           பல்லவி

                     தேவகியின் திருமகனே மூவுலகின் நாயகனே
                     சேவடி பணிந்தேன் கேசவனே எனக்கருள்வாய்

                                      அனுபல்லவி

                     ஆவினங்கள் மேய்ப்பவனே அடியார்க்கு சேவகனே
                     மூவடியாலுலகளந்த வாமனனே மணிவண்ணா

                                          சரணம்

                     தேவரும் முனிவரும் இந்திரனும் நாரதரும்
                      யாவரும் வணங்கிடும் தேவாதி தேவனே
                     தேவியர் பாமா ருக்மிணி உடனிருக்கும்
                     காவளம்பாடி வளர் கண்ணபெருமானே
                      

கமலம்

                                      கமலம்


                                         பல்லவி

                       கமலமலர் முகத்தாளை கமல கரத்தாளை
                       கமலமலர் தூவி கமல பதம் பணிந்தேன்

                                         அனுபல்லவி

                       கமலாசனத்தில் பொலிவுடனே கொலுவிருக்கும்
                       நிலமகளை கடல்மகளை திருவென்னும் பெயராளை

                                           சரணம்
   
                       கமலநாபன் கேசவன் நாயகியை
                       கமலவனம் போல் காட்சி தரும் திருமகளை
                       அமரரும் முனிவரும் நாரதரும் நான்முகனும்
                       அமரேந்திரனும் கரம் பணிந்தேத்தும்
                     
                     
                       

சிவராமன்

                                        சிவராமன்


                                            பல்லவி

                         சிவதனுசை முறித்து சீதையை மணந்த
                         சிவராமன் திருவடியை மனமாரத் துதித்தேன்

                                         அனுபல்லவி

                          தவமுனி சொல்கேட்டு கவனமுடன் எழுந்து
                          உவகையுடன் சென்று சபைநடுவே நின்று
                                                 
                                              சரணம்

                         தவம் செயும் முனிவரும் வானுறை தேவரும்
                         அவனியோரனவரும் மகிழ்வுடன் காண
                         குவலயம் போற்றும் ரகுகுலம் கொண்டாடும்
                         நவநிதியாம் கேசவன் தீயெனப்பொங்கி
                          

அஞ்சுமுக சிவன்

                                   அஞ்சுமுக சிவன்


                                             பல்லவி

                          அஞ்சுமுக சிவனை தஞ்சமடைந்தேன்
                          சஞ்சலம் பவபயம் தீர்த்தெனையாண்டருள

                                           அனுபல்லவி

                           பஞ்சாட்சரமெனும் பெயருடையானை
                           செஞ்சடாதரனை கயிலாயவாசனை

                                                  சரணம்

                            நஞ்சுண்ட கண்டனை நமச்சிவாயனை
                            நஞ்சரவணிந்தவனை நடன சபேசனை
                            கஞ்சனைக்காய்ந்த கேசவன் நேசனை
                            பஞ்சபாணப் பயிரவியின் நாயகனை
                            

அனுமனும் ராமனும்

                              அனுமனும் ராமனும்


                                       பல்லவி

                        அனுமனுக்கருளும் ஶ்ரீரகுராமனை
                        அனுதினம் துதித்தேன் காத்தருள்வாயென

                                      அனுபல்லவி

                         முனிவரும் தேவரும் வணங்கி வழிபடும்
                         தனிப்பெருந்தேவனை ஶ்ரீராமசந்திரனை

                                           சரணம்
   
                          மனிதனாய் இவ்வுலகில் அவதாரம் செய்து
                          அனைவருக்கும் வாழும் நெறிகாட்டிய கேசவனை                      
                          இனியொரு பிறவி எடுக்காமல் தடுத்திட
                          எனக்கருள வேண்டுமென மனமார வேண்டி
                          

பழநியப்பன்

                                    பழநியப்பன்


                                          பல்லவி

                      அப்பா உன் திருவடியே  துதித்தேன் - பழநி

                                        அனுபல்லவி

                      எப்போதும் உன்னை மறவாத மனம் வேண்டி

                                            சரணம்

                       முப்போதும் உந்தன் திருநாமம் ஓதி
                       இப்பிறப்பில் செய்த வினைப்பயன்கள் தொலைய
                       சுப்பிரமணியனே கேசவன் மருகனே
                       ஒப்பிலாமணியே துணைபரிய வேண்டி

கபாலியின் மகன்

                                கபாலியின் மகன்


                                         பல்லவி

                   கபாலியின் மகனை கணபதியைப் பணிந்தேன்
                   சபாபதியென தில்லையில் விளங்கிடும்

                                      அனுபல்லவி

                  அபாயமிடர் கவலை அனைத்தையும் களைந்திடும்
                   உபாயமளித்திடும் ஆனைமுகத்தோனை

                                           சரணம்

                  அபயகரம் நீட்டி பக்தரைக்காத்திடும்
                  வாரணமுகனை கேசவன் மருகனை
                  அமரரும் முனிவரும் அனைவரும் வணங்கிடும்
                  கணங்களின் தலைவனை விக்னேச்வரனை