அலைமகள்
பல்லவி
கமலமலர் கயிலேந்திக் கமலமலரிலமர்ந்திருக்கும்
கமலமே உனது மலர்ப்பதம் பணிந்தேன்
அநுபல்லவி
கமலநாபன் கேசவன் திருமார்பில் வீற்றிருக்கும்
கமலபதத்தாளே உனையே சரணடைந்தேன்
சரணம்
உமையும் கலைமகளும் நேசிக்கும் அலைமகளே
சமமென ஒருவரும் இல்லாத திருமகளே
கமலாசனனும் நரர்சுரரும் பணிந்தேத்தும்
விமலே அமலே மறைபுகழ் மாயே
No comments:
Post a Comment