கபாலி

                                          கபாலி


                                          பல்லவி

                            கபாலீச்வரனை நமசிவாயனை
                            அபாயம் போக்கி அருள் தர வேண்டினேன்

                                         அனுபல்லவி

                            சபாபதியென பக்தர்கள் போற்றும்
                            க்ருபாநிதியை திருமயிலை வளர்

                                               சரணம்

                             கற்பகாம்பிகையும் சிங்காரவேலனும்
                             நர்த்தன கணபதியும் நான்முகனும் கேசவனும்
                             நந்தியும் கணங்களும் நவக்கிரகங்களும்
                             அறுபத்து மூவரும் கரம் பணிந்தேத்தும்
                             

திருமலைவாசன்

                                    திருமலைவாசன்


                                          பல்லவி

                        பரிந்தருள்புரிவாய் திருமலைவாசா
                        மரித்தல் பிறத்தல் இல்லாத நிலையளித்து

                                         அனுபல்லவி

                         விரிகமலமலரமர் பத்மாவதி தேவியும்
                         பிரமனும் அமரரும் வணங்கிடும் கேசவா

                                              சரணம்

                          கரிக்கபயம் தந்த தாமோதரனே
                          உறிவெண்ணய் திருடியுண்ட நீலவண்ணனே
                          கிரிதனைக் குடையாக்கி குவலயம் காத்தவனே
                          மருப்பொசித்த மாதவனே மதுசூதனனே 

கற்பகமாதா

                                  கற்பகமாதா


                                        பல்லவி

                         கற்பகமாதா கனிந்தருள் தா தா
                         சொற்களுக்கடங்காத தற்பரமே அழகே

                                        
                                      அனுபல்லவி

                         சிற்பரன் சிவன் போற்றும் திருமயிலை வளர்
                         அற்புதமே அருளே கேசவன் சோதரி

                                         சரணம்

                         கற்பனை வாழ்வில் மனம் களித்திருந்தேன்
                         உற்சாகமாயுலகில் சுற்றித் திரிந்தேன்
                         அற்ப வாழ்வு சதமில்லை என்றறிந்து
                         பொற்பதம் பணிந்தேன் நற்கதியருள்வாய்

      

திருமலைவாசன்

                                      திருமலைவாசன்


                                            பல்லவி

                         பக்தர்கள் பலர் போற்றும் திருமலைவாசனை
                         முக்தியளித்தெனை ஆண்டருள வேண்டினேன்

                                          அனுபல்லவி

                         சக்கரமும் சங்கும் கரங்களிலேந்திய
                         பக்தவத்சலனை மாலனைக் கேசவனை

                                             சரணம்

                         முக்கண்ணனுடனே நான்முகனும் தேவரும்
                         குக்கடக்கொடியோன் குமரனும் கணபதியும்
                         பக்கத்திலிருந்து பத்மாவதி அன்னையும்
                         அக்கறையுடனே போற்றிப் பணிந்திடும்

செண்பக விநாயகன்

       செண்பக விநாயகன்

           பல்லவி


   அருள்மிகு செண்பக விநாயகனை

    கருணைக் கடலை  மனமாரத் துதித்தேன்


             அனுபல்லவி

     வருந்தித் துதிப்போர்க்கு இடர் துயர் களைந்திடும்

     முருக சோதரனை  கேசவன் மருகனை

                சரணம்

       எருது வாகனன்  நமச்சிவாயனின்

       அருந்தவப் புதல்வனை ஆனைமுகத்தோனை

        உருவில் பெரியவனை  மறை போற்றும் கரிமுகனை

        இருவினைப் பயன் நீங்க திருவடி பணிந்து
    

உப்பூர் விநாயகன்

                                 உப்பூர் விநாயகன்


                                         பல்லவி

                      வெய்யிலுக்குகந்த விநாயகனை
                      உப்பூர் திருத்தலத்தில் மனமாரத் துதித்தேன்

                                     அனுபல்லவி

                      கயிலைநாதனும் உமையும் கேசவனும்
                      மயில்வாகனனும் துதித்துப் போற்றும்

                                          சரணம்

                      கையில் மோதகமும் பாசாங்குசமும்
                      ஒயிலாக ஏந்திக் காட்சியளித்திடும்
                      வையகம் கொண்டாடும் வாரணமுகனை
                      மெய்ப்பொருளை கணபதியை எனக்கருள வேண்டுமென

ஆனைமுகன்

                                          ஆனைமுகன்


                                               பல்லவி

                       அனைத்துமானவனை ஆனைமுகத்தோனை
                       மனத்திலிருத்தி அனுதினம் துதித்தேன்

                                            அனுபல்லவி

                       வினையிடர் களைந்திடும் விக்னவிநாயகனை
                       வேதமுதல்வனைக் கேசவன் மருகனை

                                                சரணம்

                        நினைத்த காரியம் குறைவின்றி நிறைவேற
                        அனைவரும் முதல் வணங்கும் வாரணமுகனை
                        வனக்குறத்திதனைமணந்த குமரனின் மூத்தவனை
                        முனிவரும் தேவரும் மூவரும் வணங்கும் 

காலபைரவன்

                              காலபைரவன்

                                    பல்லவி

                  காலபைரவனை கபாலமூர்த்தியை
                  சேத்ரபாலபுரம் பதிதனில் பணிந்தேன்

                                  அனுபல்லவி

                  நீலவண்ணன் கேசவன் நேசனை
                 ஆலமுண்ட நீலகண்டனை

                                      சரணம்
               
                  சீலமுடன் தொழும் அடியார் குறைகளை
                  ஞாலம்தனில் தீர்க்கும் சூலாயுதனை
                   நாலு முகனின் ஒரு சிரம் கொய்தவனை
                   காலகாலனை கைலாசநாதனை
                 
                   
                 
                  

சுவாமிநாதன்

                                  சுவாமிநாதன்

                                         பல்லவி

                        சிங்காரவேலனை சுவாமிநாதனை
                        மங்காத புகழ் மிகு கந்தனைத் துதித்தேன்

                                       அனுபல்லவி

                         பங்கயநாபன் கேசவன் மருகனை
                         மங்கையர் வள்ளி  தெய்வானை மணாளனை

                                           சரணம்

                         சங்கரனார் காதில் மறைபொருளோதிய
                         கார்த்திகேயனை சேவற்கொடியோனை
                         பொங்கும் மூவாசை பிணிகள் தொலைந்திடவும்
                         முங்கிடச்செய்யும் பவக்கடல் கடந்திடவும்

வைத்தியநாதன்

                  வைத்தியநாதன்


                           பல்லவி

                வைத்தியநாதனை மகாதேவனை
               வைத்தீச்வரம் தலத்தில் கண்டு துதித்தேன்

                            அனுபல்லவி

                கைத்தலம் பற்றிய தையல்நாயகி
                உடனிருந்து போற்றும் நமச்சிவாயனை

                                 சரணம்

                நந்தியும் கணங்களும் பிரமனும் கேசவனும்
                வலஞ்சுழி கணபதியும் செல்வ முத்துக் குமரனும்
                அங்காரகனும் அமரரும் இந்திரனும்
                பணிவுடன் வணங்கி கரம் பணிந்தேத்தும் 

தேங்காய் கணபதி

                                       தேங்காய் கணபதி



                                                  பல்லவி

                          தேங்காயிலும் தோன்றிக் காட்சியளித்திடும்
                          ஓங்கார கணபதியே உன் பதம் பணிந்தேன்

                                              அனுபல்லவி

                           ஓங்கி உலகளந்த கேசவன் மருகனே
                           காங்கேயன் தமயனே ஆனைமுகத்தோனே

                                                 சரணம்

                           ஆங்காரம் நீக்கி ஐம்புலனும் உள்ளடக்கி
                            நீங்கா பேரின்பம் எந்நாளும் பெற்றிடவே
                            பாங்குடனே மலர் தூவி அருச்சனைகள் செய்து
                            தீங்கின்றித்துதித்து நாளுமுனைப்போற்றி