பொய்க்கூ

பொய்க்கூ!
   

     அமாவாசை
       ***
அவ முகத்தப் பார்த்த
நிலவு வெட்கப்பட்டு
 இன்று வரவில்லை!

ஶ்ரீ ரங்கமன்னார்

                              ஶ்ரீ ரங்கமன்னார்


                                      பல்லவி

                         பங்கயநாபனை ஶ்ரீ ரங்கமன்னாரை
                         தங்குபுகழ் வில்லிபுத்தூர் பதிதனில் பணிந்தேன்

                                      அனுபல்லவி

                          நங்கை ஆண்டாளின் திருக்கரம் பற்றிய
                          வடபத்ர சாயியை  மாயனை மாதவனை

                                           சரணம்

                          எங்கும் புகழ் விளங்கும்  சங்கரநாராயணனை
                          பொங்கரவணை துயிலும் பரமபதநாதனை
                           பட்டர்பிரான் பாடிப்பரவிய திருமாலை
                            சங்கும் சக்கரமும் கையிலேந்தும் கேசவனை
                         
                           
                       

                          மாயக்கண்ணன்
         
                                    பல்லவி

                         கானக்குழலூதும் மாயக்கண்ணனை
                         தீனசரண்யனை உளமாரத்துதித்தேன்

                                       அனுபல்லவி

                         மோனத்திலாழ்ந்து ஞானத்தவம் செய்யும்
                         ஆனிறை மேய்ப்பவனை வேணுகோபாலனை

                                            சரணம்

                         வானுறை தேவரும் கோபரும் கோபியரும்
                         மானுடர் யாவரும் மகிழ்வுடன் கொண்டாடும்
                         ஆனந்தகேசவனை ஆயர் குலத்தோனை
                          கானகத்திடை திரியும் நந்தகுமாரனை
 
                          தானமும் தவமும் நன்னெறியறிவும்
                           ஞானமும் கல்வியும் நானென்றும் பெறவும்
                           ஈனவிஷயங்களிலீடுபாடின்றியே
                           ஊனம் களைந்தென் மன இருள் நீங்கவும்




                          

கோதண்டராமன் 

பல்லவி 

சீதையை மணம் முடித்த கோதண்டராமனை 

    ஆதவகுலத்தோனை  மனமாரத்துதித்தேன் 

              

அனுபல்லவி 

பாதகஞ்செய்த   அரக்கரையழித்தவனை 

மாதா  கைகேயி  மனம் மகிழச்செய்தவனை 

   

சரணம் 

வேதனை வினைதீர்க்கும் மாதவனைக்கேசவனை 

சீதனமாம் சிவதனுசை வளைத்தொடித்த ராகவனை 

பூதலம்  போற்றும் பட்டபிராமனை 

ஆதரவளித்தென்னை  ஆண்டருள வேண்டுமென 

      

காவளம்பாடிக்கண்ணன்

                         காவளம்பாடிக்கண்ணன்




                                      பல்லவி

                பாலக்ருஷ்ணனைப் பணிவாய் மனமே
                 நீலவண்ணனைக் கண்ணனை - கோ

                                     அனுபல்லவி

                 மாலனை மதுசூதனனைக் கேசவனை
                 ஆலிலைதனில் துயிலும் பாலனை மாயனை

                                         சரணம்

                  லீலைகள் பல புரிந்த கோபியர் லோலனை
                  காலனாய்க் கம்சனைக் காய்ந்த முகுந்தனை
                  வேலனின் மாமனை விஜயனின் சாரதியை
                  சீலமிகு காவளம்பாடியில் விளங்கிடும்
 
          

தேகளீசன்

                                    தேகளீசன்


                                         பல்லவி

                        தேகளீசனை  உலகளந்த பெருமாளை

                        வேகமே விரைந்தெனை ஆட்கொள்ள வேண்டினேன்

                                        அனுபல்லவி

                         ஆகம வேத புராணங்கள் போற்றும்

                          நாகத்தணையானை கேசவனை மாதவனை

                                             சரணம்

                          சாகசம் புரிந்து  வாமனனாய்த் தோன்றி

                           மாவலியின் கர்வம் தீர்த்த மாயனை

                           மோகமிகு பூங்கோவல் நாச்சியார் கரம் பிடித்த

                           மேகவண்ணனைக் கமலநாபனை

                         

                             

வைஷ்ணோதேவி(மும்பை)

                                வைஷ்ணோதேவி(மும்பை)


                                       பல்லவி


                       மாதா வைஷ்ணவி மனம் கனிந்தருள்வாய்
                       பாதாரவிந்தம் பணிந்து துதித்தேன்


                                       அனுபல்லவி

                        ஆதாரம் நீயே அகிலமனைத்திற்கும்
                        மாதவன் கேசவன் மார்பிலுறைபவளே

                                          சரணம்

                         சாதாரணரையும் மேதாவியாக்கிடும்
                         பூதேவித்தாயே மகாலக்ஷ்மி
                         வேதாகம புராணங்கள் போற்றும்
                         ஶ்ரீதேவி  நீயே மும்பைமாநகர் வளர்

நாதரூபசுந்தரி

                   நாதரூபசுந்தரி



                          பல்லவி

                   நாதரூபசுந்தரி சரச்வதி

                   பாதம் பணிந்தேன் வந்தெனையாதரி

                             அனுபல்லவி

                    வேதங்கள் போற்றும் வித்யாரூபிணி

                     தாசன் கேசவன் வணங்கிடும் பாரதி

                                   சரணம்
                     
                      கீதவாத்ய கலா விநோதினி                  

                       மலைமகள் அலைமகள் நேசிக்கும் கலைவாணி

                         மாதவம் புரிந்திடும் சனகாதி முனிவருடன்
                         
                          மேதினியோர் துதிக்கும் சகலகலாவல்லி 
     

                                 

கண்ணபெருமான்

                          கண்ணபெருமான்


                                      பல்லவி

                    மண்ணையுண்ட வாயனை மதுசூதனனை
                    கண்ணபெருமானை உளமாரத்துதித்தேன்

                                      அனுபல்லவி

                     வெண்ணைபால்தயிர் திருடி உண்ணும்
                      கண்கவரழகனை  கோபியர் லோலனை

                                          சரணம்

                     விண்ணோரும் மண்ணோரும் முனிவரும் பணிந்தேத்தும்
                     தண்மதி குலத்தோனை  தேவகி மைந்தனை
                     அண்ணன் கோவில் ஆதி கேசவனை
                     புண்ணியனை உயர் புருஷோத்தமனை

கேசவன் சரணம்

                        கேசவன் சரணம்


                                  பல்லவி

                       வதம் புரிந்து கம்சன் கதை முடித்த கேசவன்

          

                       இதம் தரும் பதம்தனை நிதம் துதித்தேன் 

                     

                                  அனுபல்லவி

                        விதம் விதமாயவதாரம் அவனியிலெடுத்த
     
                         யதுகுல திலகன் யசோதை மைந்தன்
                             
                                        சரணம்

                         மதம் கொள் கரிக்கபயம் விரைந்தளித்த மாதவன்
 
                          கதியெனக் கதறிய அபலையை காத்தவன்

                           துதித்திடுமடியார்கள்  பவபயம் களைபவன்
                         
                          சதமவன் சரணகமலங்களெனத் துணிந்து   

கண்ணன் ( இஷ்ட தெய்வம்)

                         கண்ணன் ( இஷ்ட தெய்வம்)
                   
                                 பல்லவி

                  மனதுக்குப் பிடித்தவன் கண்ணன் மட்டுமே
                   தினமவன் திருநாமம் போற்றித் துதித்தேன்

                                  அனுபல்லவி

                  கனவிலும் நினைவிலும் அவன் திருவுருவமே
                  கண்டு மகிழ்ந்து  களிப்படைந்திடுவேன்

                                       சரணம்

                   சினம் கொண்டு காளிங்கன் தலைமீது நின்று
                   களிநடம் புரிந்த கமலநாபன்
                   அனங்கனையீன்ற மாதவன் கேசவன்
                   வனமாலை கௌத்துபமணிந்த முகுந்தன்