அவளன்றி…
பல்லவி
அவளன்றி வேறு யார் நிலவில் தெரிவது
உவகை பொங்கத் துதித்தேனவள் பதம்
அனுபல்லவி
சிவனும் கேசவனும் பிரமனும் போற்றும்
சிவையெனும் சந்த்ர கலாதரி ஈச்வரி
சரணம்
தவயோகியர் ஞானியர் முனிவர்கள்
சிவகணங்களும் தேவருமிந்திரனும்
நவகோள்களும் நந்தியும் நாரதரும்
அவனியோரனைவரும் துதித்திடுமபிராமி
துரிதம்
புவனேச்வரி சிவகாமி காமக்ஷி மீனாக்ஷி
நவசக்தி ஓங்காரி திரிபுர சுந்தரி
कवीन्द्राणां चेतः कमलवन-बालातप-रुचिं
भजन्ते ये सन्तः कतिचिदरुणामेव भवतीम् ।
विरिञ्चि-प्रेयस्या-स्तरुणतर-श्रृङ्गर लहरी-
गभीराभि-र्वाग्भिः र्विदधति सतां रञ्जनममी ॥ 16 ॥
கவீந்த்ராணாம் சேத: கமலவன பாலா தபருசிம்
பஜந்தேயே ஸந்த: கதிசிது அருணாமேவ பவதீம்|
விரிஞ்சி: ப்ரேயஸ்யா தருணதர் ச்ருங்காரலஹரீ
கபீராபிர் வாக்பி: விதததி ஸதாம் ரஞ்சனமமீ||
அம்மா அருணாதேவியே! அருள் புரிவாயே! ஹே அருணா ஹே அருணா!
ஹ்ருத்யத் தாமரையில் சிந்தை மகிழ வேகமதாக ச்ருங்கார கீதம் பாடி அருள்வாயே! சிவந்த உன் மேனி அழகை ஸேவித்தவர்கள் சிறந்த கவிஞராவார்கள்! ஸ்ரீ வித்யா ரூபிணியே ஸ்ரீ சக்ர வாஸினியே ச்ருங்கார ரஸ ப்ரவாஹினியே அருள் புரிவாயே! ஜய ஜய ஜகதம்ப சிவே!
அருணா தேவியே…..
பல்லவி
அருணாதேவியே கருணைக்கடலே என்
இருதயத்தாமரையில் எழுந்தருள்வாயே
அனுபல்லவி
வருமிடர் தீர்ப்பவளே கேசவன் சோதரி
இருவினைப் பயன் களையும் பெருமைக்குரியவளே
சரணம்
சிருங்கார கீதம் இசைக்கு முந்தனழகு
சிவந்த மேனி எழில் கவிஞர்கள் பாடுவார்
ஶ்ரீ சக்கரம் தனிலமர் ஶ்ரீ வித்யா ரூபிணியே
தருணமிதுவே எனையாண்டருள
திருமகள் லக்ஷ்மியை…..
பல்லவி
திருமகள் லக்ஷ்மியை தினமும் துதிப்போம்
திருமால் கேசவனருள் பெற வேண்டி
அனுபல்லவி
திருமால் திருமார்பில் வாசம் செய்பவளை
திருவென்னும் பெயராளை கடலரசன் மகளை
சரணம்
சொர்க்கத்தில் விளங்கும் சொர்க்கலக்ஷ்மியை
ராஜ்ஜியத்தைக் காக்கும் ராஜலக்ஷ்மியை
இல்லங்களிலிருக்கும் கிருஹலக்ஷ்மியை
தங்கமயமான கனக மகா லக்ஷ்மியை
தீபங்களிலிலங்கும் தீப லக்ஷ்மியை
தாமரைப்பூவிலுறை பத்மாவதியை
ஜோதிமயமான ஜோதிலக்ஷ்மியை
சந்தானமருளும் சந்தானலக்ஷ்மியை
செல்வ வளமருளும் செல்வாம்பிகையை
சௌபாக்கியம் தரும் பாக்கியலக்ஷ்மியை
தனம் பெருகச்செய்திடும் தனலக்ஷ்மியை
அன்னம்தனையளிக்கும் அன்னலக்ஷ்மியை
🪔ஐஸ்வர்யம் அருளும் மகாலட்சுமி தரிசனம்🪔
🪷தீபத்தில் தீபலட்சுமியாகத் திகழ்பவள்,வைகுண்டத்தில் மகா லட்சுமியாகவும்,சொர்க்கத்தில் சொர்க்க லட்சுமியாகவும்,ராஜ்ஜியத்தில் ராஜ்ய லட்சுமியாகவும்,இல்லங்களில் கிரக லட்சுமியாகவும் விளங்குகிறார்கள்.
🪷மகாலட்சுமி தாமரைப் பூவில் வாசம் செய்பவள்.இப்பிறவியில் செல்வ வளமும்,பிறவி முடிந்த பின் மோட்சமும் தருபவள்.
🪷நெல்லி மரத்தில் மகாலட்சுமி வசிக்கிறாள்.துவாதசியன்று நெல்லிக்கனியை உணவில் சேர்த்தால் ஏகாதசி விரத பலன் கிடைக்கும்.தனக்கு நெல்லிக்கனி தானம் செய்த பெண்ணுக்காகஆதிசங்கரர் ‘கனகதாரா ஸ்தோத்திரம்’ பாடினார்.மகாலட்சுமி அருளால் பொன்னும் பொருளும் கிடைத்தது.
🪷மரத்தில் மகாலட்சுமி இருப்பதால் மாதப்பிறப்புஅமாவாசை,பவுர்ணமி,சதுர்த்தி,அஷ்டமி,நவமி,திங்கட்கிழமையில் வில்வ இலைகளைப் பறிக்கக் கூடாது.
உ🪷லட்சுமியை வில்வ இலைகளால் அர்ச்சனை செய்யலாம்.வில்வமரத்தை வலம் வருவது மகாலட்சுமியை வலம் வருவதற்கு சமம்.மகாலட்சுமியின் கைகளில் இருந்து வில்வ மரம் தோன்றியதாக வாமனபுராணம் கூறுகிறது.
🪷பசுவின் பின்புறத்தில் மகாலட்சுமி வசிக்கிறாள்.இதனால் கோவில்களில் காலையில் கோபூஜை செய்த பின்னரே சுவாமி தரிசனம் ஆரம்பமாகும்.
🪷லட்சுமியின் அம்சமான துளசி செடியை மாடம் வைத்து,அதை தினமும் சுற்றி வந்தால் சுமங்கலி பாக்கியம் கிடைக்கும். 🪷மகாவிஷ்ணுவின் அருள் பெற வேண்டும் என்றால் புருஷகார பூதையான மகாலட்சுமியை முதலில் சரணடைய வேண்டும்.எப்போதும் பிரியாமல் மகாவிஷ்ணுவுடன் சேர்ந்தே இருக்கும் மகாலட்சுமியை சரணடைவதே சிறந்தது. 🪷மகாலட்சுமியின் அருளைப் பெற உகந்த கிழமை வெள்ளி.சுக்கிரனின் அதிதேவதை மகாலட்சுமி.எனவே இந்நாளில் சூரிய உதயமானதும் லட்சுமியை பூஜிப்பது சிறப்பு.🪷மகாலட்சுமியை பூஜித்த இந்திரன் அஷ்ட ஐஸ்வர்யம்,ஐராவதம் என்னும் யானை,அமராவதி பட்டணத்தை பெற்றார்.பூரணகும்பம்,மஞ்சள்,குங்குமம்,திருமண் சூர்ணம்,கோலம்,சந்தனம்,வாழை,மாவிலை தோரணம்,வெற்றிலை,திருவிளக்கு,யானை,பசு,கண்ணாடி,உள்ளங்கை,தீபம் ஆகிய மங்கள பொருட்களில் மகாலட்சுமி தங்கியிருக்கிறாள்.
🪷லட்சுமி மாதுளம் பழத்தில் இருந்து தோன்றியதால் மாதுளங்கி என்றும்,
பத்மாசனால் வளர்க்கப்பட்டதால் பத்மா என்றும்,
அக்னி குண்டத்தில் வாசம் செய்ததால் அக்னி கர்ப்பை என்றும்,
ஜனகரின் மகளானதால் ஜானகி என்றும்,
பூமிக்குள்ளே கலப்பையின் நுனியிலிருந்து வெளியேற்றப்பட்டமையால் சீதை என்றும்
பாற்கடலிலிருந்து தோன்றியதால் ‘ஸ்ரீ’ என்றும் போற்றப்படுகிறாள்.
ஸ்ரீலலிதாஸ்தவரத்னம்
तत्रालये विशाले तपनीयारचित-तरल-सोपाने ।
माणिक्य मण्डपान्तर्महिते सिंहासने मणीखचिते ॥ २९॥
29.தத்ராலயே விசாலே தபநீயாரசித தரள ஸோபாநே
மாணிக்ய மண்டபாந்தர் மஹிதே ஸிம்ஹாஸநே மணீகசிதே ||
அந்த விசாலமானமாளிகையில்
மாணிக்ய மண்டபத்தினுள் தங்கத்தாலான பளபளக்கிற படிகளுள்ள ரத்தினங்களால் இழைக்கப்பட்ட சீரிய ஸிம்ஹாஸனத்தின் மீது மந்திரிணீ அமர்ந்துள்ளாள். (29)
ஶ்ரீ லலிதாம்பிகையை……
பல்லவி
ஶ்ரீலலிதாம்பிகையை மந்த்ரிணியைத்துதித்தேன்
மாலன் கேசவன் சோதரியை ஈச்வரியை
அனுபல்லவி
ஆலமுண்ட நீலகண்டன் பணியும் பராசக்தியை
ஞாலம் தனைக் காக்கும் அகிலாண்டேச்வரியை
சரணம்
சாலச்சிறந்த மாணிக்க மண்டபத்தில்
பத்தரை மாற்று தங்கப் படிகளுள்ள
ரத்தினம் பதித்த சொர்ண சிங்காதனத்தில்
வீற்றிருக்கும் பாலா திரிபுரசுந்தரியை
மாயாதீர்த்த ஸ்வரூபிணியை…..
பல்லவி
மாயாதீர்த்த ஸ்வரூபிணியை
மாயையையகற்றும் மாயையைப் பணிந்தேன்
அனுபல்லவி
மாயன் மதுசூதனன் கேசவன் சோதரியை
தாயாக அனைவரையும் காக்குமீச்வரியை
சரணம்
தீயேந்தும் நெற்றிக் கண்ணுடையாளை
ஆயாசமின்றி அன்புடனே போற்றி
வாயாரப் பாடி உளமார நினைந்து
ஓயாமல் துதித்தேன் எனக்கருள வேண்டுமென
தங்கை மீனாக்ஷியின்…..
பல்லவி
தங்கை மீனாக்ஷியின் தலை வாறும் கேசவனைப்
பங்கய நாபனை மனமாரத் துதித்தேன்
அனுபல்லவி
பொங்கரவணிந்த சங்கரன் நாயகி
திங்கள் திருமுகத்தாள் அங்கயற்கண்ணியெனும்
சரணம்
திங்களும் ஞாயிறும் கண்களாயுடையவனை
அங்கமில் மன்மதனை ஈன்ற திருமாலை
செங்கண்மாலென்ற பெயர் கொண்ட மாயவனை
மங்காத புகழ் மேவும் ஶ்ரீமன் நாராயணனை
தயவில்லையா……
பல்லவி
தயவில்லையா ஶ்ரீராமா என் மேல்
அயர்வின்றி அனுதினமுனையே துதித்தேன்
அனுபல்லவி
ஜயராமனுனையே தாய் தந்தையென நினைத்தேன்
அயோத்தி மன்னனே கேசவனே மாதவனே
சரணம்
கயல் விழியாள் சீதையின் மனங்கவர் நாயகனே
உயர்ந்த பதவியோ பொருள் புகழோ வேண்டேன்
துயரிடர் பவபய மில்லாத வாழ்வும்
மயற்வற மதி நலமும் தந்தாலே போதும்