நாமமே துணை….
பல்லவி
நாமமே துணை நீலவண்ணனே
காமக்ரோதாதி அறுபகையகலவுன்
அனுபல்லவி
காமனைப் படைத்த கேசவனே கண்ணா
மாமறைகள் போற்றும் தாமரை நாபனே
சரணம்
பூமகளைத் திருமகளை மார்பினில் தாங்கும்
ஆமருவியப்பனே ஆலிலையில் துயின்றவனே
நாமமாயிரமுடைய நாராயணனே
பாமரன் எனக்கென்றுமுந்தன் பன்னிரு
सहस्रं वर्तन्ते जगति विबुधाः क्षुद्रफलदा
न मन्ये स्वप्ने वा तदनुसरणं तत्कृतफलम् ।
हरिब्रह्मादीनामापि निकटभाजामसुलभं
चिरं याचे शंभो तव पदांभोजभजनम्
ஸஹஸ்ரம் வர்தந்தே ஜகதி விபுதா க்ஷுத்ர பலதா:
ந மன்யே ஸ்வப்னே ஸ்வப்னே வா ததனுஸரணம் தத்க்ருத பலம்|
ஹரிப்ரம்ஹா தீ நாமபி நிகடபாஜாம் அஸுலபம்
சிரம் யாசே சம்போ சிவ தவ பதாம்போஜ பஜனம்||
ஏ பரமேஸ்வரா! உலகில் ,அற்பப் பயன்களை அளிக்கக் கூடிய ஆயிரக்கணக்கான ,தேவர்கள், இருக்கின்றனர். ஸ்வப்னத்தில் கூட அவர்களை ஜபம் , பஜனை செய்வதையோ,அவர்கள் அளிக்கும் பயனையோ, பெரிதாகக் கருதுவதில்லை.ஆனால் சமீபத்திலேயே இருக்கிற, ஹரி,ப்ரம்மா முதலியவர்களுக்குகூட,மிகவும் அரிதான, தங்களுடைய சரணாரவிந்த பஜனத்தையே வெகு காலம் வரை, வேண்டிக்கொள்கிறேன்
அதாவது மற்ற தேவர்களை விட சிவனே சிறண்தவர் எனக் கருதி அவர் சரணாரவிந்த ப்ச்ஜனத்தை இங்கு சங்கரர் வேண்டிக்கொள்கிறார்.
ஓம் நம: சிவாய
பரமேச்வரனே…..
பல்லவி
பரமேச்வரனே கயிலை நாதனே
பரம் பொருளுனையே சரணடைந்தேனே
துரிதம்
நரர் சுரர் நந்தி கணங்கள் நாரதர்
சுரபதி சுகசனகாதியர் வணங்கிடும்
அனுபல்லவி
வரம் தந்தெனையே ஆண்டருள்வாயென
கரம் சிரம் பணிந்துனை தினமும் துதித்தேன்
சரணம்
அமரரும் அமரேந்திரனுமவர் தரும்
அற்ப அருளெதுவும் நான் வேண்டேன்
அருகிருந்துனைத் துதிக்கும் பிரமனும் கேசவனும்
தரும் கருணை கூட நான் விரும்பி ஏற்றிலேன்
ஆராவமுதனே…..
பல்லவி
ஆராவமுதனே அரங்கனுனைக் கண்டபின்னே
வேறொன்றும் நான் காண விழையேன் கேசவனே
அனுபல்லவி
தீராவினை தீர்க்கும் திருவரங்கநாதனே
பேராயிரம் கொண்ட பெரிய பெருமாளே
சரணம்
காரார் குழலாள் திருவரங்க நாயகியை
மாறாத அன்புடனே திருமார்பில் தங்கும்
பாரோர் போற்றும் பரமபதநாதனே
நாராயணனே எனக்கருள் புரிவாயே
பெரிய திருமொழி(43).....!!!
உலவு திரையும் குல வரையும் ஊழி முதலா எண் திக்கும்*
நிலவும் சுடரும் இருளும் ஆய் நின்றான் வென்றி விறல் ஆழி வலவன்*
வானோர் தம் பெருமான் மருவா அரக்கர்க்கு எஞ்ஞான்றும்*
சலவன் சலம் சூழ்ந்து அழகு ஆய சாளக்கிராமம் அடை நெஞ்சே!
பெரிய திருமொழி - 1.5.3
கடல் அலைகள், மலைகள், காலம், எட்டுத் திசைகள், சந்திரன், சூரியன் மற்றும் இருட்டு ஆகியவற்றிற்கு அந்தர்யாமியாக இருப்பவனும், திருக்கையில் சக்கரத்தாழ்வானை ஏந்தியவனும், தேவாதி தேவனும், தன்னைச் சரணடையாத அசுரர்களுக்குப் பகைவனும் ஆகிய எம்பெருமான் எழுந்தருளி இருக்கும் இடமானது ஜலத்தால் சூழப்பட்டு அழகுடன் காட்சி அளிக்கும் சாளக்ராம திவ்யதேசத்தை மனமே நீ சென்றடைவாயாக என்று சொல்லும்படி அமைந்த பாசுரமாகும்.
நீர்சூழ்ந்த ……
பல்லவி
நீர் சூழ்ந்த சாளக்கிராம வடிவான
பாற்கடல் வாசனைக் கேசவனைப் பணி மனமே
அனுபல்லவி
ஆர்த்தெழுந்த கடலலையாய் மலை காலமாகி
சூரிய சந்திரராய் எண்திசையுமாகி
சரணம்
கார் வண்ணனான தேவாதி தேவனை
நேர் நின்று பணியா அரக்கரின் காலனாகி
திருவாழியும் சங்கும் கரங்களிலேந்திய
பார் புகழும் திருமாலைப் பரமபத நாதனை
மல்லீச்வரனே
மல்லீச்வரனே மாதொருபாகனே…..
பல்லவி
மையார்கருங்கண்ணி* கமல மலர்மேல்*
செய்யாள் திருமார்வினில்சேர்* திருமாலே*
வெய்யார்சுடர்ஆழி* சுரிசங்கம்ஏந்தும்*
கையா உன்னைக்காணக்* கருதும் என்கண்ணே
ஶ்ரீபார்த்தசாரதிபெருமாள்திருவடிகளேசரணம்
நம்மாழ்வார்திருவடிகளேசரணம்.
திருவாழி புரிசங்கு……
பல்லவி
திருவாழி புரிசங்கு கரங்களிலேந்திய
திருமாலை சாரதியைக் காண மனம் விழைந்தேன்
அனுபல்லவி
பெருமைக்குரிய திருவல்லிக்கேணியெனும்
திருத்தலத்தில் நின்றருளும் கண்ணனைக் கேசவனை
சரணம்
இருவிழியிரண்டிலும் கருமையணிந்தவளை
கருணை நிறைந்தவளைப் பேரழகுடையவளை
திருவென்னும் பெயராளை கமலமலரமர்பவளை
திருமகளைத் திருமார்பிலணிந்திருப்பவனை
