ராஜமாதங்கி

                             ராஜமாதங்கி 

                                                     பல்லவி

                                  மதுரை மாநகராளும்  ராஜமாதங்கியை

                                  அங்கையற்கண்ணியை அனுதினம் துதித்தேன்

                                                      அனுபல்லவி

                                    சதுர்மறைகள் புகழ்ந்தேத்தும் அன்னை மீனாட்சியை

                                      பதுமநாபன் கேசவன் சோதரியை

                                                            சரணம்

                                      சதுர்முகனும் நரர்சுரரும் முனிவரும் இந்திரனும்

                                       மதித்து வணங்கிடும் மலையத்வஜன் மகளை

                                       கதியென பணிந்து ஆண்டருள வேண்டுமென

                                       எதிர் நின்று கரம் கூப்பி உளமார வேண்டி 

ஐங்கரன்

                                            ஐங்கரன் 

                                                 பல்லவி

                             அனைத்துக்கும் முதலான மகா கணபதியை

                             ஆனைமுகத்தோனை  நெஞ்சாரப் பணிந்தேன்

                                                அனுபல்லவி

                              வினையிடர் துன்பம் களைந்திடும் கரிமுகனை

                              வேழமுகத்தோனைக்  கேசவன் மருகனை

                                                      சரணம்

                               தனம் புகழ் கல்வி அளித்திடும் ஐங்கரனை

                                நினைவிலும் கனவிலும் அவனடி மறவாமல்

                                அனுதினம் நேயமுடன்  துதித்திடும் பக்தன்

                                 எனையே ஆண்டருள வேண்டுமென வேண்டி 

நந்தி

                                   நந்தி 

                                                      பல்லவி

                                 நந்திகேச்வரனை  சிவன் வாகனனை

                                 சிந்தையில் வைத்து சீரடி துதித்தேன்

                                                    அனுபல்லவி

                                   எந்தை ஈசன்  கேசவன் நேசனை

                                    சுமந்து செல்லும் பாக்கியம் பெற்றவனை

                                                        சரணம்

                                     வந்திக்கும் சிவனடியாரெல்லாம்

                                      முந்தியவன் காதில் ஓதித்துதிப்பார்

                                       முந்தைய பழவினைப் பயன்களை களைந்திட

                                         எந்தனுக்குதவிட வேண்டுமென வேண்டி

                          

அறுமுகன்

                             அறுமுகன் 

                                                    பல்லவி

                        ஒரு தரம் முருகா என்று சொன்னால் போதும்

                         வருமிடர் தவிர்ப்பான் வாஞ்சையுடன் காப்பான்

                                                  அநுபல்லவி

                         கருமுகில் வண்ணன் கேசவன் மருகன்

                          எருது  வாகனன்  சிவபெருமான் மகன்

                                                    சரணம்

                          அறுமுகன் தந்தைக்கு மந்திரமோதிய

                           குருபரன் குமரன்  சேவற்கொடியோன்

                           இருபுறம் தேவியர் வள்ளி தெய்வானை

                           விருப்பமுடன் வீற்றிருக்கும் செந்தில் நாதன்

             

ஈடிணையில்லாத கணபதி

                                          ஈடிணையில்லாத கணபதி



                                                 
                                                       பல்லவி

                                ஈடிணையில்லாத கடவுளை கணபதியை

                                 நாடித் துதித்தேன்  நல்லருள் வேண்டியே

                                                    அனுபல்லவி
                                                               
                                  ஆடியபாதன்  மகனை  அருள் தருபவனை

                                   கோடிவினை தீர்க்கும் கேசவன் மருகனை

                                                        சரணம்

                                    சூடிய  பிறை மதி நுதலுடையோனை

                                    வாடிய அடியார்கள் குறை தீர்ப்பவனை

                                    வேடிக்கையான  வேழமுகத்தோனை

                                     பாடிப் பரவி  பாதம் பணிந்து 

மாயவன்

                                     மாயவன்            

                                            பல்லவி 

                               மாயக்கண்ணனை  மதுசூதனனை 

                               தாயினும் பரிந்தருளும் கேசவனைத் துதித்தேன் 

                                             அனுபல்லவி 

                                ஆயர் குலக்கொழுந்தை அசோதை பாலனை 

                                நேயனை நிமலனை வடமதுரை மன்னனை 

                                                  சரணம் 

                                 சேயாகி தேவகியின் மனம்  குளிரச்செய்தவனை     

                                 பேய்முலையுண்டவனை   கஞ்சனைக் காய்ந்தவனை 

                                  தீயவரை அழித்து நல்லவரைக் காப்பவனை 

                                                                                                

                                   தேயாதபுகழ் மேவும்   குருவாயூர் தலத்துறையும் 

                               

சுவாமிநாதன்

                                        சுவாமிநாதன்


                                            பல்லவி

                              வேதத்தின் உட்பொருளைத் தந்தைக்கோதிய

                               சுவாமிநாதனை  அனுதினம்    துதித்தேன்

                                               அனுபல்லவி

                                 பாதம் பணிந்தோர்க்கு தயவளிக்கும் சரவணனை
                                                          
                                  பாதி மதியணிந்த சங்கரன் மைந்தனை 
                            
                                                     சரணம்

                                சாதித்த புண்ணியரும் முனிவரும் தேவரும் 

                                 வேதியரும் பணிந்தேத்தும் கேசவன் மருகனை 

                                ஆதவனின் ஒளியை மிஞ்சும் ஒளியுடையவனை

                                 பேதையர் வள்ளி தேவானையை மணந்தவனை