பொய்க்கூ
****
வாடகை சைக்கிளில்
பயணிக்கிறது
உடல்
வாடகை உடலில்
பயணிக்கிறது
ஆன்மா
Thursday, 30 April 2015
Wednesday, 29 April 2015
கஜானனன்
கஜானனன்
பல்லவி
துணை புரிந்தருள் ஸ்ரீ கஜானனா
வணங்கினேனுந்தன் பாத கமலமே
அனுபல்லவி
பிணங்கிய வள்ளி தனை குகனுக்கு
மண முடித்திட அருள் புரிந்தவா
சரணம்
கணமுமுன்னிரு திருவடிச்சரண்
பணிந்து போற்றினேன் கேசவன் மருகா
பிணியிடர் களை களைந்து என்னையே
அணைத்து ஆண்டிட உன்னை வேண்டினேன்
Tuesday, 28 April 2015
ஸ்ரீ மகா கணபதி
ஸ்ரீ மகா கணபதி
பல்லவி
மனம் கனிந்தருள்வாய் மகாகணபதியே
உனதிரு பதமே கதியெனத் துதித்தேன்
அனுபல்லவி
அனங்கனும் நாணும் அழகுடையவனே
வினையிடர் தீர்க்கும் வேழமுகத்தோனே
சரணம்
தினகரகுலத்தோன் கேசவன் மருகனே
அனலேந்தும் முக்கண்ணன் மகனே கரிமுகனே
வனவிலங்கெனத் திரியும் புலன்களை அடக்கிட
உனையன்றி துணையெனக்கு வேறெவருள்ளார்
Mayaa
Mayaa
கிடந்தால் படி
நின்றால் தூண்
வடித்தால் சிலை
மனத்துள் நினைந்து
துதித்தால் இறை
எல்லாம் மாயை
புதுப்பெண்
புதுப்பெண்
போனவன் போய்விட்டான்
திரும்பிவரப் போவதில்லை
கண்ணீர் கரைவதற்குள்
வந்தவர்கள் சென்றுவிட்டார்
சொந்தமெல்லாம் சிலகாலம்
பங்குவைத்துப் போனபின்னே
பூவிழந்து பொட்டிழந்து
கைம்பெண்ணாய் நின்றதெல்லாம்
இனியில்லை இங்கில்லை
புதுப்பெண்ணாய் நின்றவளை
வாயார வாழ்த்திடுவோம் !!!
Monday, 27 April 2015
நம்பெருமாள்
நம்பெருமாள்
பல்லவி
நாவிற்கினிய நாமங்களுடையவனை
நம்பெருமாளென்றழைத்து மனமாரத் துதித்தேன்
துரிதம்
தேவரும் முனிவரும் பிரமனுமனந்தனும்
தேவமுனி நாரதரும் கரம் பணிந்தேத்தும்
அனுபல்லவி
தேவி திருமகளைத் தன் மார்பில் வைத்திருக்கும்
தேவாதி தேவனை திருவரங்கநாதனை
சரணம்
கூவியழைத்தால் ஓடிவந்து அருளளிக்கும்
தேவகி மைந்தனை மாதவனைக் கேசவனை
சேவடி பணிந்திடும் அடியார் மனம் குளிர
தாவி வந்து அரவணைக்கும் மனத்திற்கினியானை
மாயன்
மாயன்
தறிகெட்டோடும் நெறிகெட்ட மனத்தை
கடிவாளமிட்டுக் காத்தருளும் கண்ணனை
உறியிலுள்ள வெண்ணைதனை திருடித் தின்றவனை
பொறிவாயில் ஐந்தவித்தானை புகழ் சேர்
நெறி நின்ற நீர்வண்ணப் பெருமானை
அறிவுடைய அறவோர் போற்றுகின்ற உத்தமனை
எரிதழலேந்தும் முக்கண்ணன் நேசனை
விரி கமலமலரமர் நான்முகனை படைத்தவனை
கரிக்கபயம் தந்த கமலமலர் நாபனை
சரிநிகர் தனக்கொருவரில்லாத தேவனை
கரியவனைக் கார்மேக வண்ணனை மாயனை
பரிவோடு நமைக் காக்கும் கேசவனைப் பணிந்தேன்
Subscribe to:
Posts (Atom)