மத்யமர் !!

               மத்யமர் !!

           இடை உடையில் எனக்கு

            அக்கறையில்லை

             எடை பற்றியும்

             கவலையில்லை

             தடையேதும் சொல்லவில்லை

             கடைத்தெருவில்  நடப்பவர் நடக்க

             நம்மவர் மட்டுமே

             நம் கவலை !!

           

               

ஸ்ரீ சக்தி விநாயகன்

       ஸ்ரீ சக்தி விநாயகன் 

           பல்லவி


   அருள்மிகு ஸ்ரீ சக்தி விநாயகனை

    கருணைக் கடலை  மனமாரத் துதித்தேன்


             அனுபல்லவி

     வருந்தித் துதிப்போர்க்கு இடர் துயர் களைந்திடும்

     முருக சோதரனை  கேசவன் மருகனை

                சரணம்

       எருது வாகனன்  நமச்சிவாயனின்

       அருந்தவப் புதல்வனை ஆனைமுகத்தோனை

        உருவில் பெரியவனை  மறை போற்றும் கரிமுகனை

        இருவினைப் பயன் நீங்க திருவடி பணிந்து
   

கணபதிக்கு காலை வணக்கம்

                              கணபதிக்கு காலை வணக்கம் 

                                      பல்லவி

                        காலை வணக்கம் சொன்னேன் கணபதியே

                        காலைப்பிடித்துனை காத்தருள வேண்டுமென

                                     அனுபல்லவி

                        வேலைப்பிடித்தவன்  சோதரனே  கரிமுகனே

                         ஆலிலை துயின்ற கேசவன் மருகனே

                                       சரணம்

                         நூலை எழுத வியாசருக்குதவிய 

                         பாலசந்திரனே பக்தரைக் காப்பவனே

                         சூலம் தனையேந்தும் சங்கரன் மகனே

                         ஞாலம் தனைக்  காக்கும் ஞான சூரியனே 

எழில்மிகு கணபதி

         எழில்மிகு  கணபதி 

          பல்லவி

      எழில் மிகு கணபதியை ஏகதந்தனை

       விக்ன விநாயகனை மனமாரத் துதித்தேன்

              அனுபல்லவி

         மொழி மதமினங்களுக்கு அப்பாற் பட்டவனை

          அழிவில்லாதவனைக்  கேசவன் மருகனை

                           சரணம்

            பழி பாவம் செய்து பாழ் நரகக் குழியில்

            விழும்படிச்செய்திடும் வீணரை அணுகாமல்

            விழிகளில் அருள் காட்டி பக்தரையெல்லாம் 

             வழி காட்டி நடத்திடும் ஆனைமுகத்தோனை 
         
            

கண்ணனே என் தாய்

                          கண்ணனே என் தாய் 

                                  பல்லவி

                        எட்டுத்திக்கும் புகழ் விளங்கும் கண்ணனே என் அன்னை

                        மட்டிலா மகிழ்வுடனே  அரவணைத்துக் காத்திடுவான்
 
                                   அனுபல்லவி

                        எட்டெழுத்திறைவன்  கட்டழகு  மேனியன்

                        துட்ட அரக்கரை  வதைத்திடும்  கேசவன்
                   
                                        சரணம்

                      பொட்டு வைத்துப்  பூ முடித்து  கட்டி முத்தமிட்டு

                      தொட்டு மடிவைத்து சங்கால் பாலூட்டி 

                      பட்டு மெத்தைப் பாய்விரித்து பையக் குழலூதி
   
                      தொட்டிலிட்டுப் பாட்டிசைக்க வருவான் கண்ணன்




                   
கண்ணன் வருவான் கதை சொல்லுவான்
வண்ண மலர் தொட்டில் கட்டி தாலாட்டுவான்
குழலெடுப்பான் பாட்டிசைப்பான்
வலம்புரி சங்கெடுத்து பாலூட்டுவான்
 
                     
                     

                                   

குழந்தைக் கடவுள்

                               குழந்தைக் கடவுள் 

                                        பல்லவி

                            வெள்ளை மனம் கொண்டவனை  வினைகள் தீர்ப்பவனை

                             பிள்ளையாரப்பனை  மனமாரத்துதித்தேன்

                                        அனுபல்லவி

                             பிள்ளைகள் முதல் பெரியோர்  தேவர்கள் முனிவர்கள்

                             கொள்ளைப் பிரியமுடன்  போற்றி வணங்கிடும்

                                          சரணம்
             
                             கள்ளமில்லா உள்ளம் படைத்தவனைக் கரிமுகனை

                             உள்ளன்புடன் பணியுமடியார்க்கருள்பவனை

                             கள்ளத்தனம் செய்த கேசவன் மருகனை

                              எள்ளளவும் பகையில்லா குழந்தைக் கடவுளை









குழந்தைகளின் தெய்வம்...

வீதியில் மணியோசை கேட்டால், ஆஹா! யானை வருது! என்று பிள்ளைகள் மகிழ்ச்சியுடன் ஓடுவர். யானையின் கம்பீரமான தோற்றம், வளைந்த துதிக்கை, நீண்ட பெரிய காதுகள் காண்பவரை ஈர்க்கும். விநாயகருக்கு வெள்ளை மனமும், பிள்ளை குணமும் மிகவும் பிடிக்கும். குழந்தை முதல் பெரியவர் வரை யாவரும் விரும்பும் ஒரே தெய்வம் இவர். படிக்கும் குழந்தைகளின் இஷ்ட தெய்வமாகவும் விளங்குகிறார். தேர்வை தடையின்றி எழுத உதவுபவர். குழந்தைகளுக்கு பிடித்த மோதகத்தை (கொழுக்கட்டை) விரும்பிச் சுவைப்பவர்

வினை தீர்க்கும் கோவிந்தன்

                                      வினை தீர்க்கும் கோவிந்தன் 

                       
                                               பல்லவி

                                  கோடி வினைதீர்க்கும் கோவிந்தன் நாமமே

                                   பாடித் திரிந்தேன் பரவசத்துடனே

                                            அனுபல்லவி

                                   நாடித்துதித்திப்பவர்  பங்கிலுறைபவன்

                                   வேடிக்கை செய்திடும் மாமாயன் கேசவன்

                                                 சரணம்

                                   ஆடியாடி  அங்கம் கரைந்து

                                   வாடித்துதித்து திருவடி பணிந்து    

                                    ஈடிணையில்லா தேவாதி தேவனை                      

                                   தேடிக்கண்டு கொண்டேன் திருவேங்கடம் தன்னில்