பிறவாதிருக்கும்…..
பல்லவி
பிறவாதிருக்கும் வரந்தர வேண்டினேன்
கறவைகள் மேய்த்திடும் கேசவனே உன்னிடம்
அனுபல்லவி
பிறந்தாலுமுனையே மறவாத மனம் வேண்டும்
அறவழி நடந்திடும் நெறிபெற வேண்டும்
சரணம்
உறவுகளனைத்தையும் அரவணைக்கும் நிலை வேண்டும்
பிறர் மனம் நோகாத வழி நடந்திட வேண்டும்
சிறந்தவனிவனென்று ஊர் சொல்ல வேண்டும்
இறந்த பின்னும் பிறர் போற்றும்படி வாழவேண்டும்
कामाक्षि तावककटाक्षमहेन्द्रनील-
सिंहासनं श्रितवतो मकरध्वजस्य ।
साम्राज्यमङ्गलविधौ मुणिकुण्डलश्रीः
नीराजनोत्सवतरङ्गितदीपमाला ॥44॥
O Kamaksi ! Thy Side-glance is a lion-throne made of Indra-blue-
stone, personified by Cupid (who holds fish-banner); in performing the
auspicious rites of the kingdom, the splendour of ear-oranments forming
the rows of lamps, sporting the function of waving of lights (as a mark of
respect/worship); 4-44
Note: Manmatha, after seeing the beauty of the eyes of Devi in the form of
fish, chooses the banner with fish marked on it.
காமாக்ஷி தாவககடாக்ஷ மஹேந்த்ர நீல- ஸிம்ஹாஸனம் ச்ரித வதோ மகரத்வஜஸ்ய,
ஸாம்ராஜ்ய மங்கல விதெள மணி குண்டல ஸ்ரீ: நீ ராஜனோத்ஸ்வதரங்கித தீபமாலா||
தேவி காமாக்ஷியின் கடாக்ஷங்கள் உயர்ந்த இந்திர நீல இரத்னங்களால் ஆன சிம்ஹாசனத்தில் அமர்ந்து மன்மதனது ஸாம்ராஜ்ய பட்டாபிஷேகம் நடை பெறும். அந்த மங்களகரமான வைபவத்தில் , ரத்ன குண்டலங்களிலிருந்து வீசும் ஒளியானது தீபங்கள் அடுக்கப்பட்ட தீப ஆரத்தியாகி சுப காரியங்களில் சுழற்றப்படும் அடுக்கு தீபக்காட்சியாக விளங்குகிது.! தீபா ஹாரத்தினேன்பது கண்கொள்ளாக் காட்சியாகும் ! மன்மதன், வக்த்ரலட்சுமி பரீ வாஹ சலன்மீ நாபலோசனா என்ற சஹஸ்ரநாமம்81 வாது நாமா முகத்தின் அழகு வெள்ளத்தில் களிக்கும் மீன்களைக் கண்டதும் மீனக் கொடியோன் ஆனதால் அதுவே ஸாமராஜ்ய சிம்ஹாசனம் என்று அதை அடைகிறான். தேவி மன்மதனைக் கண்களால் உயிர்ப்பித்து, அவனிடம் பிள்ளைப் பாசத்துடன் , சிவனையும் ஜயிக்கச் செய்து, அவனுக்குப் பட்டாபிஷேகம் செய்து வைக்கிறாள் ! காஞ்சி சிவஜித் க்ஷேத்ரமாகும்!
சுந்தரி……
பல்லவி
சுந்தரி காமாக்ஷியுன் ரத்தின குண்டலங்கள்
விந்தையாய் ஒளிதரும் தீப வரிசையானது
அனுபல்லவி
சந்திரனின் பிறையணிந்த கேசவன் சோதரி
சுந்தரமூர்த்தி சிவபெருமான் நாயகியே
சரணம்
இந்திர நீலக்கல் ரத்தினங்களாய் ஜொலிக்கும்
உந்தன் கயல் கண் கடைவிழியருளால்
கந்தர்வ காமன் மீன் கொடியோனுயிர்த்தெழுந்து
நந்தி வாகனன் சிவனை வென்றான்
புதுப்பாடல்…..
பல்லவி
புதுப்பாடல் நான் பாட முதல் வரி தருவாயே
மதுரை மீனாக்ஷியே சொக்கநாதன் நாயகியே
அனுபல்லவி
பதுமநாபன் கேசவன் சோதரியே
சதுர் மறையும் சதுர்முகனும் பணிந்தேத்தும் தாயே
சரணம்
எதுகை மோனையுடன் சந்தங்கள் அமைந்து
மதுரத்தமிழ் மொழியில் இலக்கிய நயத்துடனே
இதிகாச புராண மேற்கோள்கள் ததும்பிட
குதுகலம் தருகின்ற வார்த்தைகளுடனே
அம்பிகை பாலனை…..
பல்லவி
அம்பிகை பாலனை தும்பிக்கையானை
நம்பித்துதித்தேன் அருள் பெற வேண்டுமென
துரிதம்
உம்பர் முனிவர் நந்தி கணங்கள்
சுரபதி ரதிபதி அனைவரும் துதித்திடும்
அனுபல்லவி
அம்புயநாபன் கேசவன் மருகனை
சம்பு கபாலி விரும்பும் மைந்தனை
சரணம்
தம்பி முருகன் வள்ளியை மணம்புரிய
அன்புடன் உதவிய ஆனை முகத்தோனை
எடுத்த கருமங்கள் தடையற நடந்திட
அனைவரும் வணங்கிடும் முழுமுதற்கடவுளை
நாதனொருவனே…..
பல்லவி
நாதனொருவனே நமக்குத்துணை— ஜகந்
வேதங்கள் கொண்டாடும் நாரணன் (வேங்கட) ( ஜகந்)
அனுபல்லவி
ஆதரவளித்து அனைவரையும் காக்கும்
மாதவன் கேசவன் மதுசூதனன் ( ஜகந்..)
சரணம்
பேதை பாஞ்சாலி மானம்தனைக் காத்த
மாதரசி சபரிக்கு மோட்சமளித்த
மாதங்கம் வேதனையில் அழைத்ததுமுடன் வந்த
வேதங்களை மீட்டு உலகுக்குத் தந்த ( நாதனொருவனே…)
கோதை பாடிய திருப்பாவை நாயகன்
ராதையின் மனங்கவர்ந்த கண்ணன் ஶ்ரீக்ருஷ்ணன்
சீதையின் கரம் பிடித்த ஜானகி ராமன்
பூதலம் போற்றும் மாதவன் கேசவன் ( நாதனொருவனே…)
இதுவே தருணம்…..
பல்லவி
இதுவே தருணம் எனக்கருள காமாக்ஷி
புது மலர் தூவி உன் பதம் பணிந்தேன்
அனுபல்லவி
மதுர மொழியாளே கேசவன் சோதரி
மதியின் பிறையணிந்த மான்விழியாளே
சரணம்
எதுவும் உலகில் நடப்பதுன்னாலன்றோ
துதித்தேன் உனையே வேறு தெய்வம் எனக்கில்லை
கதி நீயே தாயே கருணைக் கடலே
சதுர் மறைகள் போற்றும் திரிபுரசுந்தரியே
யமுனை நதிக்கரையில்……
பல்லவி
யமுனை நதிக்கரையில் குழலூதி நிற்கும்
ஜகந்நாதன் கடைக்கண்கள் எனைக் காக்க வேண்டும்
அனுபல்லவி
அமுதம் ததும்பும் இடைக்குல கோபியரின்
கமலமலரிதழைச் சுவைக்கும் வண்டாய் விளங்கும்
சரணம்
கமல மலர்க்கரங்களில் புல்லாங்குழலேந்தி
தமது சிரத்தில் மயில் பீலியணிந்து
அமரேந்திரன் சிவன் நான்முகன் கணபதி
கமலாசனி துதிக்கும் கமல மலர்ப் பாதன்
சமுத்திரக் கரையில் நீலாச்சல மலைமீது
அமர்ந்து சகோதரர் பலராமர் மற்றும்
அழகுத் தங்கை சுபத்திரையுடனே
அமரருக்கீடான அடியார்க்கு காட்சி தரும்
கமல மலரைப் பழிக்கும் திருமுகம்
கருநீல மேனி கருணைக் கடலவன்
திருமகள் கலைமகள் பணிந்திடும் திருமகன்
அருமறை உபநிடதங்கள் போற்றும்
அமுதக்கடலுதித்த திருமகள் நாயகன்
தேர்வலம் வருகையில் இன்னிசை முழங்க
வேதியர் பாங்குடன் வேதங்களோதி வர
ஆதரவுடனே அவர்களை நோக்கும்
கமலக்கண்ணனின் பாத கமலங்கள்
கமலாசனனின் சிரசை அலங்கரிக்க
கமல மலர்க் குளமெனும் ராதாராணியை
கமலநாபன் கரங்கள் தழுவிட
அமர பதவியோ பொன்னோ பொருளோ
அழகிய தாரமோ எதுவும் வேண்டேன்
உமாபதி சிவன் துதிப்பது போலவே
கேசவனவன் நாமம் துதிக்கும் வரம் தந்து
சமுத்திரமெனவே திகழுமெந்தன்
பாவச்சுமைகள் நீங்கிட வேண்டியும்
பவவினை பயன்கள் விலகிடச் செய்யவும்
அமரருக்கரசன் தேவாதி தேவன்
