உருத்திரனை….
பல்லவி
உருத்திரனை சிவபெருமானை
கருத்திலிருத்தி மனமாரத்துதித்தேன்
அனுபல்லவி
திருமால் கேசவன் நேசனை ஈசனை
கருநிறத்தாளுமையின் மனங்கவர்ந்தவனை
சரணம்
அருந்தவம் புரிந்திடும் முனிவரும் யோகியரும்
குருவும் சுக்கிரனும் தேவருமிந்திரனும்
முருகன் கணபதியும் நந்தியும் கணங்களும்
கரம் பணிந்தேத்தும் ஆதி பரம்பொருளை
தேவியுன்….
பல்லவி
தேவியுன் திருவடி நிழலொன்றே போதும்
பாவியென் ஆவி கடைத்தேற என்றும்
அனுபல்லவி
ஓவியமே கேசவன் சோதரி நீயேயெனை
மேவியாட்க்கொண்டு ஆதரித்தருளவே
சரணம்
கோவில் குளமென்றும் யாத்திரைகளென்றும்
தாவிச்சென்றதில்லை தோத்திரங்கள் சொன்னதில்லை
காவிகளை நாடி அருள் வேண்டிச் சென்றதில்லை
மூவாசைப் பிணி போக முன் வினைப் பயன் நீங்க
தாணுமாலயனை…
பல்லவி
தாணுமாலயனை மனமாரத்துதித்தேன்
மூணுமாகி நிற்கும் அரனரியயனை
அனுபல்லவி
கோணல் பிறையணிந்த சிவனுமவனே
வேணுவை வைத்திருக்கும் கேசவனுமவனே
சரணம்
காணுவோர் மனம் களிக்கச்செய்திடும் கடவுளை
தோணியப்பனும் தாடாளனுமானவனை
வானுறை அமரரும் அமரேந்திரனும்
கானுறை முனிவரும் கரம் பணிந்தேத்தும்
நல்லருள் புரிவான்……
பல்லவி
நல்லருள் புரிவான் ஶ்ரீமன் நாராயணன்
சொல்லால் பாடி மனமாரத்துதிப்போர்க்கு
அனுபல்லவி
வல்லரக்கரை மாய்த்த மாதவன் கேசவன்
நல்லடியார் நலம் பேணும் வைகுந்தவாசன்
சரணம்
புல்லையுமாயுதமாய்ச் செய்த ரகுராமன்
மல்லரை மாட்டிய தேவாதி தேவன்
கல்லார்க்கும் கற்றவர்க்கும் களிப்பருளும் கண்ணன்
எல்லோர்க்குமருள் தரும் மாமாயன் கோவிந்தன்
ஶைலாதிராஜ தனயாம் ஶரதிந்துகோடி பாஸ்வன்
முகாம்புஜாம் கிரீடயுதாம் த்ரிநேத்ராம்
ஶங்கார்யபீதி வரவர்ய கராம் மனோஞ்யாம்
மூகாம்பிகாம் முனிஸுராபயதாம் நமாமி
"பர்வதராஜனான மலையரசனின் மகள். கோடி சரத்கால சந்த்ரனைப் போல் ஒளிரும் தாமரை வதனத்தினைக் கொண்டவள். ஶங்கம், சக்ரம், வரம், அபயம் ஆகியவற்றை ஏந்தினவள். முனிவர்களுக்கும் தேவர்களுக்கும் அபயம் அளிப்பவள். இத்தகைய ஶ்ரீமூகாம்பிகையை நமஸ்கரிப்போம்" - மூகாம்பிகா ஸஹஸ்ரநாம த்யானம், ஸ்காந்த புராணம் கோலாபுர மாஹாத்ம்யம்
நலமருளும்……
பல்லவி
நலமருளும் அன்னை மூகாம்பிகயை
நிலவின் கலையணிந்த தேவியைப்பணிந்தேன்
அனுபல்லவி
சிலைவடிவில் கொல்லூர்த் திருத்தலத்தில் காட்சி தரும்
முலை பருத்தவளை கேசவன் சோதரியை
சரணம்
சங்கும் சக்கரமும் திருக்கரத்திலேந்தி
வரந்தரும் கரமும்பய கரமும் காட்டி
நரர் சுரர் முனிவர்கள் அனைவருக்குமருள் தரும்
பரமேச்வரியை பர்வதகுமாரியை
ஒன்றாயும் பலவாயும்….
பல்லவி
ஒன்றாயும் பலவாயும் நின்று காட்சி தரும்
குன்றாத புகழ் மேவும் காந்திமதித்தாயே
அனுபல்லவி
அன்றிலையில் துயின்ற கேசவன் சோதரியே
என்றுமந்த பரமசிவனிடம் கொண்ட நாயகியே
சரணம்
வென்றரக்கன் மகிடனை மாய்த்த உமையவளே
நின்று நிலவும் புகழுடைய மலைமகளே
கன்று தாய்ப்பசுவையழைப்பது போலுனையழைத்தேன்
இன்றேயென் மனத்தில் எழுந்தருளவாய் ஈச்வரியே
மூன்றாம் பிறையணிந்த…….
பல்லவி
மூன்றாம் பிறையணிந்த சந்திரசேகரனை
சான்றோர் போற்றும் சங்கரனைப் பணிந்தேன்
அனுபல்லவி
தான் தோன்றீச்வரனைக் கேசவன் நேசனை
மான் மழுவேந்திய நமச்சிவாயனை
சரணம்
தேன் மொழியாள் பார்வதியை இடப்புறம் கொண்டவனை
ஊனுயிர் தந்தெனைக் காத்திடும் காமேச்வரனை
தானெனுமகந்தையைப் போக்கிடும் பரமேச்வரனை
கோனாகி கூத்தாட்டுவானாகி நிற்பவனை
வானுறை தேவரும் கானுறை முனிவரும்
பானுவும் சந்திரனும் நந்தியும் கணங்களும்
ஞானியரும் யோகியரும் இந்திரனும் வணங்கிடும்
வான்புகழ் கொண்ட சிவபெருமானை
