உத்தமியே….
பல்லவி
உத்தமியே வெண் கலையுடுத்திய கலைவாணி
நற்றமிழில் பாமாலை புனைந்துனைப் போற்றினேன்
அனுபல்லவி
அத்தன் சிவனும் கேசவனும் பிரமனும்
இத்தரணி மாந்தரும் கரம் பணிந்தேத்தும்
சரணம்
புத்தகமும் வீணையும் கரங்களில் ஏந்தி
நித்தமும் ஞானமும் கல்வியும் அளித்திடும்
முத்தமிழும் தந்தெனையே காத்தருள வேண்டுமென
சித்தத்திலிருத்தி பக்தியுடன் தினம் துதித்தேன்
குன்றமும் வானும் மண்ணும் குளிர்புனல் திங்க ளோடு,
நின்றவெஞ் சுடரும் அல்லா நிலைகளு மாய எந்தை,
மன்றமும் வயலும் காவும் மாடமும் மணங்கொண்டு, எங்கும்
தென்றல்வந் துலவும் நாங்கூர்த் திருமணிக் கூடத் தானே.
ஸ்ரீ காஞ்சி பிரதிவாதி பயங்கரம் அண்ணங்கராசாரியார் எழுதிய விளக்க உரை
மலைகளும் ஆகாசமும் பூமியும் குளிர்ச்சியே இயற்கையான நீரும் சந்திரனும் நிலைநின்ற ஸூர்யனும் மற்றுமுள்ள நக்ஷத்ராதி ஸ்திதியும் தானேயாயிருக்கப்பெற்ற எம்பெருமான் எவ்விடத்திலுள்ளானெனில்; பெரிய வீதிகளும் கழனிகளும் தோட்டங்களும் மாட மாளிகைகளும் ஆகிய எல்லாவிடங்களிலும் தென்றல் காற்றானது பரிமளத்தை வீசிக்கொண்டு ஸஞ்சரிக்கப்பெற்ற நாங்கூர், திருமணிக்கூடத்தான்
திருமணிக்கூடத்து….
பல்லவி
திருமணிக்கூடத்து நாயகனைத்துதித்தேன்
அருள் தரும் கேசவனை அழகிய மாதவன
அனுபல்லவி
பெருமலை ஆகாசம் பூமியுமானவனை
குளிர் நிலவும் சூரியனும் தாரகையுமாய் விளங்கும்
சரணம்
பெரும் மாட மாளிகையும் திருவீதித் தோட்டங்களும்
கழனிகளும் அழகிய வயல் வெளியும் நிறைந்த
திருநாங்கூர் பதி தன்னில் பெருமையுடன் வீற்றிருக்கும்
திருநிறை மார்பனை தீன சரண்யனை
வெவ்வேறு வடிவங்கள்: ஆச்சார்யாள் விளக்கம்!
🌷சாரதாம்பாளுக்கும், லலிதாம்பாளுக்கும் ஏதாவது வேற்றுமை உண்டா ? கிடையாது.🌷பராசக்தியின் வெவ்வேறு உருவங்கள் தாம் அவை. ஸெளந்தர்யலஹரியில், “அம்பாள் தன் கரங்களில் ஜபமாலை, அபயஹஸ்தம் போன்றவற்றை வைத்துக்கொண்டு எல்லா பக்தர்களையும் அனுக்ரஹம் செய்கிறாள்” என்று வர்ணனை உள்ளது.🌷மேலும், “சரத்கால நிலவொளியைப் போல் மாசற்றவள், கூந்தலில் நிலவைத் தரித்திருக்கிறாள்” என்றும் வர்ணனை வருகிறது. இவ்வாறு பகவத்பாதாள் அம்பாளை நோக்கி ஸ்தோத்திரம் செய்துள்ளார்.🌷இதிலிருந்து என்ன தெரிகின்றது ? சக்தியானது ஒன்றேதான். ஆனால் அவளது உருவங்கள் பலவிதமாக உள்ளன. ஒரு வடிவத்தை வைத்துக்கொண்டால் போதாதா? பல வடிவங்கள் தேவையா ? (தேவை. ஏனென்றால்) ஒவ்வொருவரின் ஆசைக்கிணங்க உருவத்தையும் மாற்றிக்கொள்கிறாள்.
சாரதாம்பாளும்…..
பல்லவி
சாரதாம்பாளும் லலிதாம்பாளும்
வேறல்ல ஒன்றென்றே அறிவாய் மனமே
அனுபல்லவி
பாரெங்குமடியார்கள் துதித்திடத் தோதாக
வெவ்வேறு வடிவெடுத்த கேசவன் சோதரியும்
சரணம்
நாரதரிந்திரன் சுக சனகாதியர்
நாரணன் நான்முகன் சிவனும் பணிந்திடும்
பூரணி காரணி புவனம் படைத்தவளும்
தாரணி போற்றும் அன்னையுமவளே
விச்வாம்பரி ஸ்துதி
பாபோ ப்ரபஞ்ச கரவா ப³தீ⁴ ரீதே பூரோ |
கோ²டோ க²ரோ ப⁴க³வதீ பண ஹும்ʼ தமாரோ ||
ஜாட³யாந்த⁴கார கரீ தூ³ர ஸுபு³த்³தி⁴ ஸ்தா²போ |
மாம் பாஹி ஓம்ʼ ப⁴க³வதீ ப⁴வ து³:க² காபோ || 9||
நான் மறுபடியும் பாவம் செய்யும் முன், என்னை அற வழிக்கு திருப்பு, அறியாமையில் மூழ்கி இருந்தாலும், நான் உன் குழந்தை யல்லவா!!!!, நான் செய்த பாவங்களின் விளைவுகளை பற்றி என்னை அறியச் செய். அஞ்ஞானம் என்னும் இருள்மாயையை அழிக்க வந்த பிரகாச ஞானச் சுடரே..."ஓம்" என்னும் பிரணவ மந்திர சொரூபமான துர்க்கா மாதா, உன்னை சரணடைகிறேன். பவ சாகரம் என்னும் இவ்வுலக வாழ்க்கையின் இன்னல்களிலிருந்து என்னை காத்து ரட்சிப்பாயாக.
மூலப்பிரகிருதியே…..
பல்லவி
மூலப்பிரகிருதியே விச்வாம்பரியே
பாலே சுசீலே உனையே துதித்தேன்
அனுபல்லவி
ஆலமுண்ட நீலகண்டன் பிரமன் மற்றும்
மாலன் கேசவன் உலகனைத்தும் படைத்தவளே
சரணம்
சீலமிகு துர்கே மந்திரப் பொருளே தாயே
பாலன் நானறியாமல் செய்த பிழை பொறுத்து
மேலும் பல பாவங்கள் புரியாமல் தடுத்தென்னை
ஞாலந்தனில் நீயே தடுத்தாட்கொள் தாயே
அவிச்ராந்தம் பத்யுர் - குணகண -
கதாம்ரேடனஜபாஜபாபுஷ்பச்
சாமிநாதன்….
பல்லவி
சாமிநாதன் எனக்கருள வேண்டும்
பூமியில் புகழுடன் எழுந்தருளிக் காட்சி தரும்
அனுபல்லவி
காமனைப் பிரமனைப் படைத்த கேசவனை
மாமனாய் கொண்ட கார்த்திகேயன்
சரணம்
வாமதேவனும் பார்வதியும் கொஞ்சிடும்
குமாரன் குருபரன் சண்முகநாதன்
கோமகள் வள்ளி தெய்வானை உடனிருக்கும்
சிங்காரவேலன் சேவற்கொடியோன்
துரிதம்
நரர் சுரர் நாரதர் நந்தி கணங்கள்
சுரபதி ரதிபதி அனைவரும் வணங்கிடும்
உண்ணாமுலையாளை……
பல்லவி
உண்ணாமுலையாளை தண்மதிபிறையணிந்தவளை
கண்ணாரக் கண்டு உளமாறத் துதித்தேன்
அனுபல்லவி
அண்ணாமலையான் அருகமர்ந்து போற்றும்
கண்ணாயிரமுடைய கேசவன் சோதரியை
சரணம்
புண்ணியம் செய்தோர்க்கு கண்ணெதிரில் காட்சி தரும்
பெண்ணுருவைப் பேரழகை தண்மதி முகத்தாளை
பெண்ணாணாய் விளங்கும் பெருமையுடைவளை
திண்ணமுடன் வணங்கி அருள்தர வேண்டினேன்
