கனக மகாலக்ஷ்மியை…..
பல்லவி
கனக மகா லக்ஷ்மியை அனுதினம் துதித்தேன்
வனமாலையணிந்த கேசவன் துணைவியை
அனுபல்லவி
அனந்தனும் கருடனும் நாரதரும் நான்முகனும்
சனகாதி முனிவரும் இ்ந்திரனும் பணிந்தேத்தும்
சரணம்
தனக்கொரு நிகரிலா வனப்பு மிகுந்தவள்
அனைத்து நலன்களும் துதிப்பவர்க்களிப்பவள்
தனம் கல்வி நல்வாழ்வு ஆனந்தம் தருபவள்
வணங்கிடுமடியவர் வினைப்பயன் களைபவள்
சொப்பனத்தில்….
பல்லவி
சொப்பனத்தில் நான் கண்ட கண்ணனெந்தன்
சொந்தமாக மாட்டானோ தோழி
அனுபல்லவி
முப்பொழுதும் கேசவன் அவன் நினைவாகவே
எப்போதுமிருக்குமிந்த அடிமையின்
சரணம்
நப்பின்னையாக அவன் கரம் பற்றுவேனோ
ஒப்பிலாதவனுடன் பூமிப்பிராட்டி போல்
தப்பாமல் சேர்வேனோ தாரமாயவேனோ
இப்புவி போற்றும் ராதையாயாவேனோ
பரே ஜனனி பார்வதி ப்ரணதபாலினி ப்ராதிப
ப்ரதாத்ரி பரமேஶ்வரி த்ரிஜகதாஶ்ரிதேஶாஶ்வதே ।
த்ரியம்பக குடும்பினி த்ரிபதஸங்கினித்ரீக்ஷணே
த்ரிஶக்திமயி வீக்ஷணம் மயி நிதேஹிகாமாக்ஷி தே ॥ 93॥
தாயே! பார்வதியே! நமஸ்கரிப்பவர்களை காப்பவளே! ஞானத்தைத் தருபவளே! பரமேச்வரியே! மூவுலகங்களுக்கும் ஆச்ரமாயிருப்பவளே! நித்யமாயிருப்பவளே! முக்கண்ணன் மனையே! கர்ம, ஞான, பக்திமார்க்க ஸம்பந்தமுள்ளவளே! இச்சா,ஞான,க்ரியா சக்தி ஸ்வரூபிணியாயுமுள்ள நீ என்னிடத்தில் கடாக்ஷத்தை வைப்பாயாக!
பார்வதி தேவியே…..
பல்லவி
பார்வதி தேவியே பரிந்தருள் புரிவாயே
கார்வண்ணன் கேசவன் சோதரி மாயே
அனுபல்லவி
பார் புகழும் பர்வத ராஜனின் சேயே
நாற்கவிகள் புகழும் உமா மகேச்வரியே
சரணம்
கர்ம ஞான பக்தி மார்க்கம் தருபவளே
இச்சை ஞான கிரியை சக்தியே
முக்கண்ணன் மனைவியே மூவுலகுமாள்பவளே
சர்வமும் நீயே துதிப்பவரைக் காப்பவளே
ஶ்ரீ சௌந்தர ராஜன்…..
பல்லவி
ஶ்ரீ சௌந்தர ராஜன்
பாதம் பணிந்தேன்
அனுபல்லவி
ஆசா பாசத் தளைகளைக்களையும்
கேசவன் மாதவன் நந்த குமாரன்
சரணம்
வாசமலர் மாலைகளணிந்து
தேசுடன் திகழும் வாசுதேவன்
நேசமுடனன்னை சௌந்தர்ய வல்லியுடன்
காசினி போற்றும் நாகைத் தலத்துறை
தேவி நாராயணீயம்தசகம் எட்டு
ஸ்லோகம் (5)
சதுர்புஜா சங்ககதாரிபத்ம
தரா க்ருபாத்யை:ஸஹ சக்திஜாலைஹீ
ஸ்திதாஜலோபர்யம் அலாம்பரா த்வம்
ப்ரஹ்ருஷ்ட சித்தம் ஹரிமேவ,மாத்த//
நான்கு கைகளிலும் சங்கு சக்ர கதை பத்மத்துடன்
திவ்யமான வஸ்த்ரங்களும் ஆபரணங்களும்;அணிந்து
கொண்டு அனைக சக்திகளால், சூழப்பட்டு மிகுந்த
ஒளியுடன் ப்ரகாஸமாக தண்ணீரின் மேல் தேவி நின்று
கொண்டு புன்னகை செய்கிறாள்.,இதைப் பார்த்த
விஷ்ணு மிகுந்த ஆனந்தம் அடைகிறார்
சங்கும் சக்கரமும்…….
பல்லவி
சங்கும் சக்கரமும் கதையும் தாமரையும்
தன் கையிலேந்திடுமலைமகளைத் துதித்தேன்
அனுபல்லவி
எங்கும் நிறைந்திருக்கும் பங்கயச் செல்வியை
திங்கள் திரு முகத்தாளை திருவென்னும் பெயராளை
சரணம்
மங்கல அணிகலன்கள் பட்டாடை தரித்து
பொங்கும் எழிலோடு கடல் நடுவே எழுந்தருளும்
செங்கமலவல்லியை மகாலக்ஷ்மியை
செங்கண்மால் கேசவன் கண்டு மனம் களிப்படைந்தார்
சகலமும் நீயே……
பல்லவி
சகலமும் நீயே அகிலாண்டேச்வரி
அகிலமனைத்தையும் காத்திடும் தாயே
அனுபல்லவி
சுகபாணி கௌரி கேசவன் சோதரி
மகிடன் தலை கொய்த மாகாளி பைரவி
சரணம்
பகலவன் ஒளியை மிஞ்சுமொளியுடைவளே
சகலரும் அமைதியுடன் வணங்கிடும் வண்ணம்
முகமலரில் சங்கரரணிந்த தோடுடையவளே
புகழ் மிகு திருவானைக்காவிலுறைபவளே
குக பெருமானும் கணபதியும் பணியும்
மகாதேவியே மகேசன் துணைவியே
இகபரமிரண்டிலும் சுகமளிப்பவளே
புகலிடம் நீயென உனைச் சரணடைந்தேன்
துரிதம்
சுகசனகாதியர் நரர்சுரர் நான்முகன்
மகபதி ரதிபதி கரம் பணிந்தேத்தும்
அசோத்ய மசலோத்பவம் ஹ்ருதய நந்தனம் தேஹிநாம்
அநர்கமதிகாஞ்சி தத்கிமபி ரத்ந முத்யோததே ।
அநேன ஸமலம்க்ருதா ஜயதி சங்கராங்க ஸ்தலீ
கதாஸ்ய மம மானஸம் வ்ரஜதி பேடிகா விப்ரமம் ॥ 89॥
தூய்மை செய்ய அவசியமில்லாத, பர்வத மலையில் உண்டான, அனைத்து உயிர்களின் உள்ளத்திற்கு மகிழ்ச்சி அளிக்கக்கூடிய, விலை மதிப்பில்லாத ஒரு இரத்தினம் காஞ்சியில் விளங்குகிறது. இந்த இரத்தினத்தால் பரமேஸ்வரனின் திருமேனியே அலங்கரிக்கப்பட்டதாக விளங்குகிறது. அப்படிப்பட்ட இந்த இரத்தினத்திற்குப் பெட்டியாக ஆகின்ற நிலைமையை எப்பொழுது என் மனம் அடையப் போகிறதோ?
காமாக்ஷி என்ற இரத்தினம் காஞ்சியில் விளங்குகிறது. அது மலையில் உண்டானது; அதை சுத்தம் செய்யவோ, பட்டை தீட்டவோ தேவையில்லை; ஏனெனில், இந்த இரத்தினம் பரமசிவனின் மேனியையே இடப்பாகமாக அலங்கரித்து அழகுடன் விளங்குகிறது; விலை மதிக்க முடியாத இந்த ரத்தினம் அனைத்து உயிர்களையும் ஆனந்தப் படுத்துகிறது; அப்படிப்பட்ட விலையுயர்ந்த இரத்தினத்தைப் பாதுகாத்து வைக்க மிகவும் பத்திரமான - எண்ணங்களாலும் அமைப்பினாலும், எவராலும் திருட முடியாததாகவும் இருக்கும் - பெட்டியாக என் மனம் எப்பொழுது ஆகும் என்று கேட்கிறார் மூக கவி.
எப்பொழுதும் காமாக்ஷி காமாக்ஷி என்று ஸ்ரீ காமாக்ஷி சிந்தனையாகவே இருக்க வேண்டும் என்று அவளையே வேண்டுகிறார் மூககவி.
காமாக்ஷி…..
பல்லவி
காமாக்ஷி மலைமகளே கருணைமிகு ரத்தினமே
பூமியில் புகழ் விளங்கும் காஞ்சி நகர் ரத்தினமே
அனுபல்லவி
காமனின் வைரி காமேச்வரனின்
வாம பாகம்தனில் இடங்கொண்ட ரத்தினமே
சரணம்
நாம மாயிரம் கொண்ட அழகு நவரத்தினமே
நாமகள் பூமகளாய்க் காட்சி தரும் ரத்தினமே
தாமரை நாபன் கேசவன் சோதரியாய்
பூமண்டலம் புகழும் மரகத ரத்தினமே
சாம முதல் வேதங்கள் போற்றும் வைடூரியமே
மாமேரு தனிலமர்ந்த மாணிக்க ரத்தினமே
பாமரர் பண்டிதர் போற்றும் நீலரத்தினமே
கோமேதகம் பவளம் முத்து மணி ரத்தினமே
துரிதம்
தேமதுரத் தமிழால் பாமாலை பாடியே
தாமரையாம் என்னிதயப் பெட்டியிலே பூட்டினேன்
