துதிக்கையனை

                             துதிக்கையனை.....

                                                              பல்லவி

                                        துதிக்கையனைத் துதித்தேன் பதி கோகர்ணம்தனில்
                                        புதிய கருமங்கள் தொடங்கும் முன் வணங்கிடும்

                                                           அனுபல்லவி

                                        மதி நுதலில் அணிந்த மதவாரணமுகன்
                                        கதியவன் தாமரை மலர்ப் பதமென்றெண்ணி

                                                                சரணம்

                                         இதிகாச வேத புராணங்கள் போற்றும்
                                         அதிசய ஆனைமுகத்தோன் கணங்களின்
                                          அதிபதி குணநிதி கேசவன் மருகன்
                                          விதியையும் வெல்லும் மதி தரும் அய்ங்கரன்

அகஸ்தீச்வரனை

                         அகஸ்தீச்வரனை....

                                                           பல்லவி

                                    அகஸ்தீஸ்வரனை அருள்மிகு சிவனை
                                    மகாதேவனை மனமாரப் பணிந்தேன்

                                                         அனுபல்லவி

                                    புகலவன் தாமரை மலர்ப்பதமென்றே
                                    அகத்தினில் நினைந்து அனுதினம் துதித்தேன்

                                                            சரணம்

                                    இகபரமிரண்டிலும் சுகம் பெற வேண்டியும்
                                    சகலரும் நலமுடன் இனிது வாழவும்
                                    புகழ் மிகு வையச்சேரியெனும் தலத்தில்
                                    மகிமை நிறைந்த கேசவன் நேசனை

ஶ்ரீமகா கணபதியை

                       ஶ்ரீமகா கணபதியை....,

                                                      பல்லவி

                                   ஶ்ரீமகா கணபதியை அனுதினமும் துதித்தேன்
                                    ஆகம வேத புராணங்கள் போற்றும்

                                                   அனுபல்லவி

                                    பூமண்டலம்தனில் புகழ்மிகு பதியாம்
                                    கோமந்தகம் தனில் கோயில்கொண்டிருக்கும்

                                                         சரணம்

                                     கோமகள் பத்மாவதியும் மாமன் பாலாஜியும்
                                     கொஞ்சி மகிழ்ந்திடும் அஞ்சுகர பாலனை
                                     பாசாங்குசமும் மோதகமும் கையிலேந்தும்
                                     தாமரைப் பதத்தினனனை கேசவன் மருகனை

ஶ்ரீராம பக்தியே

                           ஶ்ரீராம பக்தியே.....

                                                          பல்லவி

                                              ஶ்ரீராம பக்தியே முக்தியளித்திடும்
                                              தீரா வினை தீர்க்கும் திருவருள் தந்திடும்

                                                         அனுபல்லவி

                                              காரார் குழலாள் ஜானகியை மணந்த
                                              ஆராவமுதனந்தக் கேசவனைத் துதிக்கும்

                                                              சரணம்

                                               பேராயிரம் கொண்ட ஶ்ரீமன் நாராயணன்
                                                பாரோர் பணிந்தேத்தும் பரமபதநாதன்
                                               ஈரைந்து சிரமுடைய ராவணனை வென்ற
                                               வீராதி வீரன் கோதண்டராமனின்
                                             
                                             
                                               

சகலமும் நீயென.....

                              சகலமும் நீயென.....

                                                              பல்லவி

                                            சகலமும் நீயென உன் பதம் பணிந்தேன்
                                            பகலவன் குலத்துதித்த ஶ்ரீராமா எனக்கருள்வாய்

                                                            அனுபல்லவி

                                            இகபரமனைத்திலும் சுகமளிக்கும் கேசவனே
                                             ககனமும் வானும் புவனமும் போற்றும்

                                                                 சரணம்

                                            சுகசனகாதியரும் தேவரும் இந்திரனும்
                                            அகத்திய முனிவரும் கரம் பணிந்தேத்தும்
                                            புகழ் மிகு ராகவனே தயரதன் மைந்தனே
                                            புகலுனது தாமரைப் பதமெனத் துதித்து
                                         
                                         
                                              

எத்தனை விதமாய்

                             எத்தனை விதமாய்.....

                                                        பல்லவி

                                    எத்தனை விதமாய் நீ காட்சி தந்தாலும்
                                    அத்தனையும் ராமா கண்டு மனம் களிக்குதே

                                                      அனுபல்லவி

                                    இத்தனை போற்றிப் புகழ்ந்துனைத் துதித்தபின்னும்
                                    மெத்தனமேன் உனக்கு எந்தனைக் காத்தருள

                                                          சரணம்

                                     சித்தத்திலுந்தன் திருவடியே நினைந்து
                                     நித்தமும் உன்  திருநாமமே துதித்தேன்
                                     சத்தியமூர்த்தியே கேசவனே ஶ்ரீராமா
                                     உத்தமி சீதையின் மனங்கவர் நாயகனே

                                     யுத்தத்தில் ராவணனை வென்ற ஜெயராமன்
                                     வித்தகர் வியந்தேத்தும் கோதண்டராமன்
                                     இத்தரை மாந்தர் பணியும் கோசலராமன்
                                     முத்தமிழ் கவி போற்றும் பட்டாபிராமன்

என்றுமுன்

                                 என்றுமுன்.......

                                                        பல்லவி

                                        என்றுமுன் திருவடி நிழலே போதும்
                                        வென்று ராவணனின் கதை முடித்த ஜெயராமா

                                                        அனுபல்லவி

                                        கன்றைப் பசு காப்பது போலெனைக் காக்கும் கேசவனே
                                        அன்று மூவடியாலுலகளந்த  வாமனனே

                                                             சரணம்

                                         சென்று மிதிலைதனில் வில் வளைத்தொடித்து
                                         அன்று ஜானகியை மணம் புரிந்த ரகுராமா
                                         குன்றைக் குடையாக்கி குவலயம் காத்தவனே
                                         இன்றுனை தினம் துதிக்கும் ஏழையேன் எனக்கு