தயவளித்தெனையே....
பல்லவி
தயவளித்தெனையே ஆண்டருள உந்தன்
தயவில்லையா ஐயா தயரதன் மைந்தனே
அனுபல்லவி
அயனரனிந்திரன் நரர்சுரர் நாரதர்
நயமுடன் பணிந்தேத்தும் ஶ்ரீரகுராமா
சரணம்
புயலென அரக்கரை வதம் செய்த கேசவனே
கயல்விழி ஜானகியின் கரம்பிடித்த நாயகனே
இயலிசை நாடக நாட்டியப் பிரியனே
வியத்தகு வில்லேந்தும் வீரராகவனே
நயனம் தாமரையை ஒத்திருக்கும் அழகனே
துயரறுக்கும் தூயவனே அடியார்க்கருள்பவனே
சயன கோலத்தில் பாற்கடலில் கிடப்பவனே
அயோத்தி மன்னனே ஆதவகுலத்தோனே
