புதுசித்தர் (7)
***
கற்றோர் முற்றும் கற்றுணர்ந்து போற்றும்
பற்றற்றான் பாதம் பற்றறுக்கப் பற்றி
உற்றதுணையாய்க் கொண்டு முற்றும் துறந்தோர்க்கு
சற்றும் குறையில்லை என் செல்லக் கிளியே!
Monday, 3 August 2015
புதுசித்தர் (7)
புதுசித்தர் (7)
***
கற்றோர் முற்றும் கற்றுணர்ந்து போற்றும்
பற்றற்றான் பாதம் பற்றறுக்கப் பற்றி
உற்றதுணையாய்க் கொண்டு முற்றும் துறந்தோர்க்கு
சற்றும் குறையில்லை என் செல்லக் கிளியே!
புதுசித்தர் (5)
புதுசித்தர் (5)
கண்டறிந்தோர் பலரிருக்க கண்டதுபோல் பாவிக்கும்
கண்டவரின் காலடியில் கைகட்டிக் காத்திருக்கும்
தொண்டரவரென்றும் ஏதுமறியாரடி என் செல்லக் கிளியே
புதுசித்தர் (6)
புதுசித்தர் (6)
***
பெண்டாட்டி பிள்ளைகளை பெற்றோரை எல்லாம்
திண்டாடும் வண்ணம் தெருவில் விட்டு விட்டு
கண்மூடித்தனமாக காவிகளை நாடும் அப்
பாவிகளை என் சொல்வாய் என் செல்லக் கிளியே!
Sunday, 2 August 2015
புதுசித்தர் (4)
புதுசித்தர் (4)
***
இருக்கும்வரை பெற்றவர்க்கு சோறூட்ட மறந்து
இறந்த பின்னே காக்கையை கூப்பிட்டு வைக்குமவன்
என்ன செய்து என்ன பயன் என் செல்லக்கிளியே
புதுசித்தர்(3)
புதுசித்தர்(3)
***
காலமெல்லாம் பாடுபட்டுக் காசுபணம் சேர்த்து
கால்வயிறும் அரைவயிறும் கஞ்சிதனைக்குடித்துவிட்டு
பணத்தை எண்ணி எண்ணி காலத்தை ஓட்டுமவர்
மூடரென்றறியாரடி என் செல்லக்கிளியே!
புதுச்சித்தர் (2)
புதுச்சித்தர் (2)
***
பசியென்று கேட்கும் ஏழைக்கு கொடுக்காமல்
அசைவின்றி நிற்கும் கல்லுக்குப் படைப்பார்கள்
திசையின்றி திரியுமவர் ஏதும் அறியாரடி
இசைபாடித்திரியும் என் செல்லக்கிளியே!
Saturday, 1 August 2015
புதுச்சித்தர்
புதுச்சித்தர்
***
இல்லாத இடமில்லை என்றறிந்த பின்னாலும்
இருக்குமிடம் தேடி எங்கெங்கோ அலைகின்றார்
அவர் ஏதுமறியாரடி என் செல்லக்கிளியே
ஊரும் பேரும் இல்லாதானவனை
நாமங்களோதி நாடல்லாம் அலைகின்றார்
அவர் ஏதுமறியாரடி என் செல்லக் கிளியே
Subscribe to:
Posts (Atom)