ஆனந்தகணபதி

                              ஆனந்தகணபதி 

                                   
                                                      பல்லவி

                                ஆனந்தமளித்திடும் ஆனைமுகத்தோனை

                                ஞான சூரியனை  நெஞ்சாரத் துதித்தேன்

                                                     அனுபல்லவி

                                  மோனத்தவம் செய்யும் முனிவர்கள் வணங்கிடும்

                                  தீனசரண்யனை கருணாமூர்த்தியை
                               
                                                      சரணம்

                                  ஆநிரை மேய்த்திடும் கேசவன் மருகனை

                                  தானைத்தலைவனாய் கணங்களை நடத்திடும்

                                   பானை வயிற்றோனை  பரம தயாளனை

                                  தேனார் மொழியாள்  பார்வதி மைந்தனை 


               

நந்தி மைந்தன்

                                       நந்தி  மைந்தன் 

                                                        பல்லவி

                                      ஞானக்  கொழுந்தினை  நந்தி மைந்தனை

                                      ஆனைமுகத்தோனை  அனுதினம் துதித்தேன்

                                                         அனுபல்லவி

                                       வானுறை தேவரும்  முனிவரும் கணங்களும்

                                        பானுவும் நிலவும் கரம் பணிந்தேத்தும்
                                       
                                                           சரணம்

                                        தானெனுமகந்தையை அழித்திடும் கரிமுகனை

                                        சேனைமுதலியென வைணவர் அழைத்திடும்

                                        தானைத்தலைவனை  வேழ முகத்தோனை

                                        தீன சரண்யனைக்  கேசவன் மருகனை
                                     

அங்கையற்கண்ணி

                     அங்கையற்கண்ணி 

     

                                                பல்லவி 

                            உன்னையல்லால் வேறே கதியெனக் காருளார் 

                            அன்னையே மீனாக்ஷி  எனைக் காத்தருள்வாய் 

                                                       துரிதம் 

                              நான்முகன் இந்திரன் முனிவர்கள் கணங்கள் 

                              வானுறை தேவர்கள்  அனைவரும் வணங்கிடும் 

                                                       அனுபல்லவி 

                              பொன் மலைதனிலே வீற்றிருப்பவளே 

                               சென்ன கேசவன் சோதரி  மாயே 

                                                          சரணம் 

                              உன்னருள் இல்லையேல் உலகுயிர் நிலைக்குமோ 

                               இன்னமுதளித்திடும்  அன்னபூரணி 

                               தென்னாடுடைய சிவன் மனம் கவர்ந்திடும் 

                               அங்கையற்கண்ணி  மதுராபுரி ராணி 

                               

ஸ்ரீ விக்ன விநாயகன்

Darshan of Vigna Vinayaka

                           ஸ்ரீ விக்ன விநாயகன் 

                                                                  பல்லவி


                             விக்கினங்கள் தீர்ப்பவனை வேழமுகத்தோனை

                              முக்கனி படைத்து  பக்தியுடன் துதித்தேன்

                                                            அனுபல்லவி

                             முக்கிய சடங்குகள் கருமங்கள் தொடங்கும் முன்

                              அக்கறையுடன் முதல் அனைவரும் வணங்கிடும்

                                                               சரணம்

                               வக்கிர துண்டனை வாரண முகனை

                               சக்கரக்கையன் கேசவன் மருகனை
                               
                               அக்கினி வைத்த நெற்றிக்கண்ணன் மகனை

                                திக்கவன் பதமென சிக்கெனப்பிடித்தேன்
                              

நாராயணா சரணம்

                           நாராயணா சரணம் 

                                          சரணம் சரணம் நாராயணா

                                           அரனயன் பணிந்திடும் நாராயண


                                             பரம்பொருள் நீயே நாராயணா

                                              பரகதி பெறவே திருவடி பணிந்தேன்


                                              நரர்சுரர் நாரதர் சுகசனகாதியர்

                                               கரம்பணிந்தேத்தும் நாராயணா

                                               நிரந்தரம் நீயே கேசவா மாதவா

                                              கரன் முரனை அழித்தவனே நாராயணா
                                                                                           

                                                  பரம க்ருபாகரா  நாராயணா

                                                  பரந்தாமனே  நாராயணா

                                                  அரவிந்த பாதனே  நாராயணா

                                                  அரிகோவிந்தா  நாராயணா

             
                                                   மறை பொருளே ஸ்ரீ  நாராயணா

                                                    அறவோர் துதித்திடும் நாராயணா

                                                     சுரபதிக்கதிபதியே  நாராயணா
     
                                                     திருமகள் பதியே நாராயணா
             
                                                   
                                                     விரைந்தெனையாட்கொள்ள வேண்டுமென 

                                                     வரம் தர வேண்டினேன் நாராயணா 

                                                      கருட வாகனனே நாராயணா 

                                                      கருணைக் கடலே நாராயணா 

கணபதி அக்ரஹாரம் மகா கணபதி

                                   கணபதி அக்ரஹாரம்  மகா கணபதி 

                                               பல்லவி

                           மலர்மாலையலங்காரம் புனைந்த கணபதியை

                           பலர் போற்றும் கரிமுகனைக் கரம் கூப்பித் தொழுதேன்

                                                அனுபல்லவி

                            வலம் வந்து பணிந்திடும் அடியவர்க்கெல்லாம்

                             நலம் பலவுமளித்திடும் கேசவன் மருகனை

                                                   சரணம்

                             தலங்களுள் சிறந்த ஸ்ரீ மகா கணபதி

                             அக்கிரகாரம் தனில் கோயில் கொண்டிருக்கும்

                             மலைமகள் மகனை  ஆனைமுகத்தோனை

                             வலஞ்சுழி விநாயகனை  வறியவர் தோழனை






                           

கருணாநிதி

                            கருணாநிதி 

                                                   பல்லவி

                               கருணாநிதியே அருள் மிகு கணபதியே

                               தருணமிதுவே  எனையாண்டருள்வாய்


                                                அனுபல்லவி

                                வருணிக்க வார்த்தையில்லை உனது பேரழகை

                                திருமால் கேசவன் மருகா  சுமுகா

                                                      சரணம்                          

                                  அறியாது சிறுவயதில் பிழை பல புரிந்தேன்

                                  அருகிலிருந்துமுனை அறியாதிருந்தேன் 
                        
                                   திருந்தி மனம் வருந்தி உனதடி பணிந்தேன் 

                                   திருவுளமிரங்கி   காத்தருள வேண்டினேன்