குழந்தைக் கடவுள்

                               குழந்தைக் கடவுள் 

                                        பல்லவி

                            வெள்ளை மனம் கொண்டவனை  வினைகள் தீர்ப்பவனை

                             பிள்ளையாரப்பனை  மனமாரத்துதித்தேன்

                                        அனுபல்லவி

                             பிள்ளைகள் முதல் பெரியோர்  தேவர்கள் முனிவர்கள்

                             கொள்ளைப் பிரியமுடன்  போற்றி வணங்கிடும்

                                          சரணம்
             
                             கள்ளமில்லா உள்ளம் படைத்தவனைக் கரிமுகனை

                             உள்ளன்புடன் பணியுமடியார்க்கருள்பவனை

                             கள்ளத்தனம் செய்த கேசவன் மருகனை

                              எள்ளளவும் பகையில்லா குழந்தைக் கடவுளை









குழந்தைகளின் தெய்வம்...

வீதியில் மணியோசை கேட்டால், ஆஹா! யானை வருது! என்று பிள்ளைகள் மகிழ்ச்சியுடன் ஓடுவர். யானையின் கம்பீரமான தோற்றம், வளைந்த துதிக்கை, நீண்ட பெரிய காதுகள் காண்பவரை ஈர்க்கும். விநாயகருக்கு வெள்ளை மனமும், பிள்ளை குணமும் மிகவும் பிடிக்கும். குழந்தை முதல் பெரியவர் வரை யாவரும் விரும்பும் ஒரே தெய்வம் இவர். படிக்கும் குழந்தைகளின் இஷ்ட தெய்வமாகவும் விளங்குகிறார். தேர்வை தடையின்றி எழுத உதவுபவர். குழந்தைகளுக்கு பிடித்த மோதகத்தை (கொழுக்கட்டை) விரும்பிச் சுவைப்பவர்

வினை தீர்க்கும் கோவிந்தன்

                                      வினை தீர்க்கும் கோவிந்தன் 

                       
                                               பல்லவி

                                  கோடி வினைதீர்க்கும் கோவிந்தன் நாமமே

                                   பாடித் திரிந்தேன் பரவசத்துடனே

                                            அனுபல்லவி

                                   நாடித்துதித்திப்பவர்  பங்கிலுறைபவன்

                                   வேடிக்கை செய்திடும் மாமாயன் கேசவன்

                                                 சரணம்

                                   ஆடியாடி  அங்கம் கரைந்து

                                   வாடித்துதித்து திருவடி பணிந்து    

                                    ஈடிணையில்லா தேவாதி தேவனை                      

                                   தேடிக்கண்டு கொண்டேன் திருவேங்கடம் தன்னில்

                                 

                                    

கணேச்வரன்

           கணேச்வரன் 

                       பல்லவி

        அருள் தருமீச்வரனை  கணேச்வரனை

         திருவடி பணிந்து மனமாரத் துதித்தேன்

                         அனுபல்லவி

           பெருமைக்குரிய   கேசவன் மருகனை

           முருகனின் சோதரனை முக்கண்ணன் மகனை

                             சரணம்

             நரர்சுரர் நந்தி கணங்கள் வணங்கிடும்

             கருநிற மேனியனை கருணைக் கடலை

             இருவினைப் பயன் நீக்கும் ஆனைமுகத்தோனை            

              ஒருகுறையுமணுகாமலெனைக் காக்க வேண்டுமென
           

           

காய்சின வேந்தன்

                   காய்சின வேந்தன் 

     
                     பல்லவி

                காய்சின பறவையின் மீதமர்ந்த கேசவனை

                காய்சினவேந்தனை மனமாரத் துதித்தேன்


                         அனுபல்லவி

                 ஆய்ச்சியரளித்த வெண்ணையை உண்ட

                 வாய்ச்சுவை கொண்ட கண்ணனை மாதவனை

                              சரணம்

                  பேய்ச்சியின்  முலையுண்ட கோகுலபாலனை

                   தாயைக் குடல் விளக்கம் செய்த தாமோதரனை

                   தீயெனத் திகழும் கருடன்  மீதேறி வந்து

                    மாயமாய்  கரிக்கபயம் அளித்த மாலனை

                   

பிரணவ கணபதி

                               பிரணவ கணபதி 

                                         பல்லவி

                           ஓங்கார வடிவினனை  பிரணவப் பொருளை

                           ஓங்கு புகழ் கணபதியை மனமாரத்துதித்தேன்


                                        அனுபல்லவி

                            தூங்காமல் தூங்கும் கேசவன் மருகனை

                             துங்கக் கரிமுகனை ஆனைமுகத்தோனை

                                         சரணம்                                                    

                             தேங்காய் பழம் பாக்கு தாம்பூலம் வைத்து

                              பாங்குடனே பங்கயப் பதம்தனைப் பணிந்து

                               தீங்கின்றி அடியேனையாண்டருள வேண்டுமென

                                 காங்கேயன் சோதரனை கங்காதரன் மகனை 
 
                             
   




                             

நாராயணன் நாமம்

                  நாராயணன்  நாமம் 

                         பல்லவி

               நாராயணா வென்று  சொன்னாலும் போதும்

               தீரா வினைதீரும்  திருவருள் சேரும்

                             அனுபல்லவி

                பாராயணம் செய்ய உகந்த திருநாமம்

                பேரானந்தம் தரும் திவ்ய நாமம்

                                சரணம்
   
                  சரங்கபாணியாய் குடந்தையில் கிடந்திடும்

                   ஆராவமுதனை அரவிந்த பதத்தானை

                     பேராயிரம் கொண்ட கேசவனை மாதவனை 

                      மாறாத பக்தியுடன் மனதாரத் துதித்து 
     






"Kulam Tharum Selvam Thandhidum
Adiyaar Paduthuyar Aayinavellaam
Nilandharam Seyyum Neel Visumbarulum
Arulodu Perinilam Alikkum
Valam tharum mattrum thandhidum Petra
Thaayinum Aayina Seyyum
Nalam Tharum Sollai Naan
Kandukondaen Narayana Ennum Naamam"
meaning, It gives you status, wealth, eliminates sorrow by demolishing them to the ground. It bestows you with lengthy heaven along with lots of land. It blesses you with strength and all sorts of good things. It does more than what a mother would do to a child. And I found that all good bestowing name, Narayana. Here land means not only the materialistic property land, but grounds on which the person is recognised.

ஸ்ரீ சரஸ்வதி

                                  ஸ்ரீ சரஸ்வதி 

                                         பல்லவி
                                 
                           கலைவாணியை என்றும் மனமாரத் துதித்தேன்

                           கலைகல்வி இசைஞானம் அனைத்தையும் அளித்திடும்

                                         அனுபல்லவி

                           மலைமகள் அலைமகள் ஈசன் கேசவன்

                            நான்முகன்  நாரதன் அனைவரும் போற்றும்


                                          சரணம்

                           வெண் கலையுடுத்தி  வீணை தனையேந்தி

                           கரங்களிலேடும் மாலையும் தாங்கிடும்

                           வெள்ளைன்ன வாகனியையை அன்னை சரஸ்வதியை

                           சிரம் தாழ்த்திக் கரம் கூப்பி  அரவிந்த பதம் பணிந்து