சாமுண்டீஸ்வரி

                             சாமுண்டீஸ்வரி 

                                                      பல்லவி

                                       சாமுண்டீஸ்வரி உன்னைச் சரணடைந்தேன்
                                       தாமதமின்றியே எனக்கருள வேண்டுமென

                                                      அனுபல்லவி

                                       சாமகானம்தனில் மனம் மயங்கிடும்
                                       தாமரைக்கண்ணழகி நாமநாராயணி

                                                            சரணம்

                                        பூமகள் நாமகள் துதித்திடும் அன்னையே
                                        மாமறை போற்றும் சங்கரி புவனேச்வரி
                                        நாமமாயிரம் கொண்ட கேசவன் சோதரி
                                        பாமணி பாயும் பூவனூர் தலம் வளர்


                     இராகம்: நாமநாராயணி
                     தாளம் :  கண்டதிருபுடை
               

புண்டரீகாக்ஷனை......

                          புண்டரீகாக்ஷனை......

                                                           பல்லவி

                                       புண்டரீகாக்ஷனை ஆராதனை புரிந்தேன்
                                       வண்டமர் சோலைகள் நிறை வெள்ளறையில்

                                                           துரிதம்

                                        தேவரும் மூவரும் சந்திரன் சூரியன்
                                        நிலமகள் திருமகள் சேடனும் துதிக்கும்

                                                         அனுபல்லவி

                                        செண்பகவல்லியின் மனங்கவர் நாயகனை
                                        செந்தாமரைக் கண்ணனை நீலவண்ணனை

                                                             சரணம்

                                         மன்னன் சிபியுடன் மார்க்கண்டேயரும்
                                         சனகாதி முனிவரும் கருடனும் அனுமனும்
                                         நாரதர் நான்முகன் நமச்சிவாயனும்
                                         இனிது வணங்கிடும் கேசவனை நாரணனை

மகாகணபதியை

                                                     பல்லவி

                           மகாகணபதியை

                                    மகாகணபதியை மனமாரத்துதித்தேன்
                                    மகாதேவன் மகனை அய்ங்கரனை

                                                    துரிதம்

                                    தேவரும் முனிவரும் நந்தியும் கணங்களும்
                                     இந்திரன் சந்திரன் சூரியன் போற்றும்

                                                     அனுபல்லவி

                                     சுகானுபவம் தரும் சங்கீத ரசிகனை
                                     சுருதி சாஸ்த்திரபுராண புருஷனை  மணித்வீப

                                                          சரணம்

                                     நினைத்த காரியம் இடரின்றி நடைபெற
                                     வினைப்பயன் யாவும் விரைந்து தொலைந்திட
                                     அனைத்து நலன்களும். அவனியில் பெறவே
                                     நினைந்து கேசவன் கழலடி பணிந்து


                            தாளம்:ஆதி
                            ராகம்: ஹம்சத்வனி

ஶ்ரீ ராமச்சந்திரனை.....

                       ஶ்ரீ ராமச்சந்திரனை.....

                                                  பல்லவி

                              ஶ்ரீராமச்சந்திரனை ரகுகுலத்துதித்தவனை
                              பாராளும் வேந்தனை கேசவனைத்துதித்தேன்

                                                 அனுபல்லவி

                               காரார் குழலாள் ஜானகியின் கரம் பிடித்த
                               கார்வண்ண மேனியனை கமலமலர்க் கண்ணனை

                                                        சரணம்

                                கோரின வரம் தரும் கோதண்டபாணியை
                                சூரிய மைந்தன் சுக்ரீவன் பணிந்திடும்
                                பார் போற்றும் இஷ்வாகுலத்தின் மணிவிளக்கை
                                ஓராயிரம் நாமம் உடைய ராகவனை