கோவிந்தன் ஒருவனே......
பல்லவி
கோவிந்தன் ஒருவனே கலியுக க்கடவுள்
நாவிற்கினிய நாமங்களுடைய
அனுபல்லவி
தேவி பத்மாவதியும் அலமேலுமங்கையும்
சேவடி பணிந்தேத்தும் தேவாதிதேவன்
சரணம்
கூவியழைத்த கரிக்கும் காரிகைக்கும்
காவலனாய் நின்று அபயமளித்தவன்
தேவரும் முனிவரும் சுகசனகாதியரும்
யாவரும் வணங்கிடும் கேசவன் மாதவன்
மூவடி மண் கேட்டு மாவலியை வென்றவன்
ஆவினங்கள் மேய்த்த ஆயர்குலத்திடையன்
கோவர்த்தன மலையைக் குடையாகப் பிடித்தவன்
சேவிக்குமடியார் மனங்களிலிருப்பவன்
No comments:
Post a Comment