கதி நீயேயென்றுன்......

                           கதி நீயேயென்றுன்......

                                                      பல்லவி

                                    கதி நீயேயென்றுன் பதமலர் பணிந்தேன்
                                    அதிலாவண்ய ரகுகுல ராமா

                                                    அனுபல்லவி

                                     உதிக்கும் கதிரவனின் ஒளியை விடவும்
                                     அதிகம் தேசுடைய அழகிய கேசவனே

                                                         சரணம்                                  
                                     
                                      மிதிலாபுரிமகள் சீதையை மணந்தவனே
                                      ரதிமதனும் மயங்கும் வடிவுடையவனே
                                      துதித்திடுமடியார் துயர் துடைப்பவனே
                                      எதிர்த்த ராவணனின் கதை முடித்தவனே
                                     
                                      

எனைக் காக்க வா.........

                            எனைக் காக்க வா.........

                                                            பல்லவி

                                              எனைக் காக்க வா ஓ ராகவா
                                              உனையன்றி வேறு துணையில்லை எனக்கு

                                                         அனுபல்லவி

                                              தினகரனும் நிலவும் கண்களாய் விளங்கும்
                                              அனைத்துலகும் நீயே ஆதி கேசவா

                                                              சரணம்

                                               சனகாதியோரும் தேவர்களும் பணியும்
                                               இனகுல திலகனே கோதண்ட ராமா
                                               வினைப் பயன்கள் விலக மனக்கவலை நீங்க
                                               உனையே சரணடைந்தேன் அடைக்கலம் நீயே

                     
                                               

கோவிந்தன் ஒருவனே......

   

                     கோவிந்தன் ஒருவனே......

                                                         பல்லவி

                                     கோவிந்தன் ஒருவனே கலியுக க்கடவுள்
                                     நாவிற்கினிய நாமங்களுடைய

                                                        அனுபல்லவி

                                     தேவி பத்மாவதியும் அலமேலுமங்கையும்
                                     சேவடி பணிந்தேத்தும் தேவாதிதேவன்

                                                             சரணம்

                                      கூவியழைத்த கரிக்கும் காரிகைக்கும்
                                      காவலனாய் நின்று அபயமளித்தவன்
                                      தேவரும் முனிவரும் சுகசனகாதியரும்
                                      யாவரும் வணங்கிடும் கேசவன் மாதவன்

                                      மூவடி மண் கேட்டு மாவலியை வென்றவன்
                                      ஆவினங்கள் மேய்த்த ஆயர்குலத்திடையன்
                                      கோவர்த்தன மலையைக் குடையாகப் பிடித்தவன்
                                       சேவிக்குமடியார் மனங்களிலிருப்பவன்

ஶ்ரீ கணேசா சரணம்......

                     ஶ்ரீ கணேசா சரணம்......

                                                  பல்லவி

                                 ஶ்ரீ கணேசா சரணம் திருவடி சரணம்
                                 ஆகம வேத புராணங்கள் போற்றும்

                                                 அனுபல்லவி

                                 பாகம்பிரியாள் பார்வதி மைந்தனே
                                 நாகத்தணையான் கேசவன் மருகனே
   
                                                      சரணம்

                                 காகமாய் வந்து காவிரி தந்து
                                 சாகசங்கள் செய்த ஆனைமுத்தோனே
                                 நாக க்கயிற்றை இடுப்பிலணிந்தவனே
                                 சோகம் களைந்து சுகமளிப்பவனே


                                 ஏகதந்தனே இடர்கள் களைபவனே
                                 வாகனமாய் எலியை வைத்திருப்பவனே
                                 தோகைமயில் வாகனன் முருகனுக்கு மூத்தோனே
                                 சேகரன் சிவன் மகனே அனைத்துக்கும் முதல்வனே
                               
                                 
                                 

இடைவிடாது.......

                              இடைவிடாது.......

                                                          பல்லவி


                                      இடைவிடாது ராம நாமம் சொல்லுவோம்
                                      அடைக்கலமவனே என்பதறிந்து

                                                        அனுபல்லவி
                                   
                                      கிடைத்திடுமனைத்து நன்மையும் இன்பமும்
                                      தடைகள் விலகிடும் பவபயம் நீங்கிடும்

                                                          சரணம்

                                     படைநடத்தி அரக்கன் சிரம் கொய்தவன் நாமம்
                                     விடைவாகனனும் அழைத்திடும் நாமம்
                                     மடந்தையின் மானம் காத்தவன் நாமம்
                                     இடையர் குலத்துதித்த கேசவன் நாமம்

                                     ராம ராம ராம ராம ராம ராம ராம ராம்
                                     ராம ராம ராம ராம ராம ராம ராம ராம்//

ஜானகி நாயகனே.......

      

                       ஜானகி நாயகனே.......

                                                      பல்லவி

                                   ஜானகி நாயகனே ஶ்ரீராமச்சந்திரனே
                                   தீனசரண்யனே திருவடி பணிந்தேன்

                                                   அனுபல்லவி

                                   மோனத்தவம் செய்யும் முனிவரும் ஞானியரும்
                                   வானுறை தேவருமிந்திரனும் பணிந்தேத்தும்

                                                         சரணம்

                                   ஆனிறை மேய்த்த மாதவனே கேசவனே
                                   கூனல்பிறையணிந்த ஈசன் சிவநேசனே
                                   கானிடை திரிந்து அரக்கர் குலமழித்து
                                   மானிட வடிவடிவெடுத்து அயோத்தியை ஆண்ட