சரணம் சரணம் கோவிந்தா........
பல்லவி
சரணம் சரணம் கோவிந்தா சரணம்
மரணம் பிறப்பெனும் மாயையகலவே
அனுபல்லவி
அரனயனிந்திரன் சுகசனகாதியர்
நரர்சுரர் நாரதர் பணிந்தேத்தும் கேசவனே
சரணம்
மரவுரி தரித்து கானகம் சென்றவனே
அரக்கரின் குலமழித்து அகிலம் காப்பவனே
அரவணைதனிலுறங்கும் பாற்கடல் வாசனே
குரங்குக்கொடியோனுக்கு கீதையை உரைத்தவனே
கரிக்கும் காரிகைக்கும் அபயம் தந்த மாதவனே
வரம் தரும் கரமும் அபயகரமும் காட்டும்
அரவிந்த பதத்தானே அரிநாராயணனே
திருமலையில் நின்றருளும் திருவேங்கடமுடையானே
No comments:
Post a Comment