துதி செய்வோம் ராம நாமம்

                துதி செய்வோம் ராம நாமம் 

                                                    பல்லவி

                                       துதி செய்வோம் ராம நாமமொன்றே
                                       கதியவன் பதமென தெரிந்தே நாம்

                                                    அனுபல்லவி

                                        இதிகாச புராணங்கள் அனைத்தும் போற்றும்
                                         அதிலாவண்ய புருஷோத்தமன்

                                                         சரணம்

                                        கதிரவ குலத்தோன் மதி முகத்தோன்
                                        பதியென சீதையின் கரம் பிடித்தோன்
                                        கேசவன் மாதவன் முரளியென்று
                                        ஆயிரம் நாமங்கள் உண்டெனினும்
                                        

தங்கரதம் தனில்...

                        தங்கரதம் தனில்...

                                                            பல்லவி

                                         தங்கரதம் தனில் வீதி வலம் வரும்
                                         பங்கயசெல்வி காமாட்சியைப் பணிந்தேன்

                                                          அனுபல்லவி

                                         சங்கரன் பங்கிலுறை திங்கள் திருமுகத்தாள்
                                         பங்கயநாபன் கேசவன் சோதரி

                                                              சரணம்
                                       
                                          நங்கையர் பாட்டிசைக்க நாதஸ்வரம் முழங்க
                                          மங்கல மறையோதும் வேதியருடன் செல்ல
                                          எங்கும் நிறைந்திருக்கும் ஏகாம்ரேச்வரி                                        
                                          மங்காத புகழ் மேவும் காஞ்சி மாநகரில்

வழியொன்று.........

                                  வழியொன்று.........

                                             பல்லவி

                              வழியொன்று நீ சொல்வாய் கேசவா
                              பழிபாவமில்லாத நிலையொன்று நானெய்த

                                              அனுபல்லவி

                              இழிவான செயல்களில் ஈடுபடாவண்ணம்
                              செழுங்குணத்தோருடன் நானென்றும் சேர்ந்திட

                                                    சரணம்

                               விழித்தும் பசித்தும் தனித்துமிருந்து
                               மொழி நல்லது பேசும் ஞானியருடன் சேர்ந்து
                               அழியா புகழோடு பெருவாழ்வு வாழவும்
                               எழில்மிகு திருவரங்கம் தனில் விளங்குமரங்கனே

நஞ்சுண்டேச்வரன்

                         நஞ்சுண்டேச்வரன்

                                    பல்லவி


                      நஞ்சுண்டேச்வரனை நமச்சிவாயனை
                      செஞ்சடாதரனை நெஞ்சாரப் பணிந்தேன்

                                  அனுபல்லவி

                      அஞ்செழுத்தானை கேசவன் நேசனை
                      தஞ்சமடைந்தோர்க்கு தயவளிக்கும் ஈச்வரனை

                                     சரணம்

                      குஞ்சர முகத்தோனும் முருகனும் பார்வதியும்
                      நந்தியும் கணங்களும் திருமாலும் பிரமனும்
                      அமரேந்திரனும் அமரரும் பணிந்தேத்தும்
                      நஞ்சங்கோடுறை மகாதேவனை

ஶ்ரீராமசந்திரன்

             ஶ்ரீராமசந்திரன்


                         பல்லவி

    ஶ்ரீராமச்சந்திரனை மனமாரத்துதித்தேன்
    ஆராவமுதனை அயோத்தியர் கோமானை

                      அனுபல்லவி

     ஓராயிரம் பெயர் உண்டென்ற போதும்
     ஶ்ரீராம நாமமே அனைத்திலும் சிறந்ததெனும்

                            சரணம்

    சாது ஜனங்களை மகிழ்விக்கும் கேசவனை
    சீதமிகு சந்தனமாய் விளங்கும் அழகனை
    சீதையின் கமலக்கண்களுக்குச்சூரியனாய்
    பூரணச்சந்திர முகத்தினனாய்க் காட்சி தரும்