திருவென்னும்.......

                            திருவென்னும்.......

                                                       பல்லவி

                              திருவென்னும் பெயராளை பெருந்தேவித் தாயாரை
                              காஞ்சி திருத்தலத்தில் மனமாரப் பணிந்தேன்

                                                      துரிதம்

                                நாரதர் நான்முகன் ஆதிசேடனும்
                                கஜேந்திரனுடன் ப்ருகுவும் போற்றும்

                                                       அனுபல்லவி

                                கருநீலவண்ணன் தேவாதிராஜன்
                                பெருமையுடன் கொண்டாடும் மகாலக்ஷ்மியை

                                                          சரணம்

                                நீங்காத செல்வமும் பாங்கான கல்வியும்
                                ஓங்கும் புகழும் தீங்கின்றியளித்திடும்
                                செங்கண்மால் கேசவன் மனம் கவரும் நங்கையை
                                தங்கநிறத்தாளை செங்கமலவல்லியை


                            தாளம்: க.சாபு

கோவிந்த கோவிந்த.......

                  கோவிந்த கோவிந்த.......

                                           பல்லவி

                             கோவிந்த கோவிந்த கோவிந்த என்று
                             நாவிலவன் நாமம் கூறிப் பழகு

                                           அனுபல்லவி

                            பூவிலமர்ந்திருக்கும் திருமகள் நேசன்
                            கூவியழைப்பவர்க்கு அருள் தரும் கேசவன்

                                                சரணம்

                            ஆவினங்கள் மேய்க்கும் ஆயர்குலபாலன்
                            தேவகி மைந்தன்  தீனசரண்யன்
                            தேவரும் முனிவரும் இந்திரனும் நாரதரும்
                            யாவரும் துதித்திடும் ஶ்ரீமன் நாராயணன்