பார்த்த சாரதி

இந்திரனுக்கு என்று ஆயர்கள் எடுத்த
எழில் விழாவில் பழ நடை செய்
மந்திர விதியில் பூசனை பெறாது
மழை பொழிந்திட தளர்ந்து ஆயர்
எந்தம்மோடு இன ஆநிரை தளராமல்
எம்பெருமான் அருள் என்ன
அந்தம் இல் வரையால் மழை தடுத்தானை
திருவ அல்லிக்கேணி கண்டேனே 2.3.4

இந்திர விழாவில் தனக்கு மரியாதை செய்யாத ஆயர்குடி மக்கள் மேல் கோபம் கொண்டு இந்திரன் பெரும் வெள்ளம் மழை இடி மின்னல் அனுப்பி அவர்களை எல்லாம் தாக்கச்செய்தபோது மலையைக் குடையாய் பிடித்து காத்த கண்ணனை திருவல்லிக்கேணியில் கண்டேன்.

                பார்த்த சாரதி

      

                         பல்லவி

             மழை தடுத்த மாதவனை மதுசூதனனை 

             அழகன் கேசவனை உளமாரத்துதித்தேன் 

                         அனுபல்லவி 

             குழலூதும் மாயனை உலகுண்டுமிழ்ந்தானை

             பிழை புரிந்த இந்திரன் செருக்கழித்த யாதவனை

                             சரணம்

               மலையைக் குடையாக மலர்க்கரத்திலேந்தி

               நிழல் தந்து ஆயர்கள் குலம் காத்த உத்தமனை

               அழைத்துக்கதறிய கரிக்கபயம் அளித்தவனை

                அல்லிக்கேணி வளர் பார்த்த சாரதியை

              

சங்கரி

                             சங்கரி

                              பல்லவி

                   சங்கரி நீயே காத்தருள்வாயே
                   பங்கயநாபன் கேசவன் சோதரி

                              அனுபல்லவி
                   
                   சங்கரன் மனங்கவர் அங்கயற்கண்ணி
                   திங்கள் பிறையணிந்த திரிபுரசுந்தரி

                                  சரணம்

                   பொங்கரவுக்குடையின் கீழமர்ந்திருப்பவளே
                    எங்கும் நிறைந்திருக்கும் நித்யகல்யாணி
                    மங்களம் தந்திடும் மாகாளி பயிரவி
                    நங்கநல்லூர் வளர் ராஜராஜேஸ்வரி 

கீதாச்சார்யன்

                              கீதாச்சார்யன்


                                    பல்லவி

                   கீதையைப் பார்த்தனுக்கு ஓதிய மாதவனை
                   யாதவ குலத்தோனைக் கேசவனைத்துதித்தேன்

                                    அனுபல்லவி 
  
                    கோதை ஆண்டாளை மணம் முடித்த கண்ணனை
                     பூதனையைக்கொன்ற நந்தகுமாரனை
                    
                                         சரணம்

                      பேதை ராதையின் மனங்கவர்ந்த மாயனை
                      மாதவம் செய்திடும் முனிவரும் தேவரும்
                      வேதங்களும் போற்றும் வேணுகோபாலனை                
                       வேதனை வினைதீர்த்து ஆண்டருள வேண்டுமென
                        

சிதம்பரநாதன்

            சிதம்பரநாதன்

                 பல்லவி

           காலனைக் காலாலுதைத்த சிவனை
            நீலகண்டனை மனமாரத் துதித்தேன்

                   அனுபல்லவி

            ஆலவாயழகனை சுந்தரேசனை
             நீலவண்ணன் கேசவன் நேசனை
             
                        சரணம்

              ஏலவார்குழலி சிவகாமி மனங்கவர்
              சூலபாணியை தில்லைநாதனை
              சாலச்சிறந்த சிதம்பரம் திருத்தலத்தில்
              கோலமுடன் வீற்றிருக்கும் கனகசபாபதியை

கோவர்த்தனன்

                       கோவர்த்தனன்


                             பல்லவி

                  அன்று உலகளந்த கேசவனே மணிவண்ணா
                  உன்றன் திருவடியே கதியென்று சரணடைந்தோம்

                            அனுபல்லவி

                  சென்றிலங்கை நகர் வென்ற ஶ்ரீதரனே ரகுராமா
                  சென்னை மாநகர் காக்க வந்தின்று துணைபுரிவாய்

                               சரணம்

                  கன்று பசுவுடனே உனதடியாரனைவருமே
                  நின்று பெய்யும் மழையில் அவதியுறும் நிலை மாற
                  குன்றைக் குடையாக்கி குவலயம் காத்தவனே
                  இன்று எமக்கிரங்கி இங்கெழுந்தருள்வாயே