பாரத மாதா திருப்பள்ளி யெழுச்சி

தேசீய கீதங்கள் 1. பாரத நாடு  11.பாரத மாதா திருப்பள்ளி யெழுச்சி
	பொழுது புலர்ந்தது; யாம்செய்த தவத்தால்,       புன்மை யிருட்கணம் போயின யாவும்; எழுபசும் பொற்சுடர் எங்கணும் பரவி       எழுந்து விளங்கியது அறிவெனும் இரவி; தொழுதுனை வாழ்த்தி வணங்குதற்கு இங்குஉன்       தொண்டர்பல் லாயிரர் சூழ்ந்துநிற் கின்றோம்; விழிதுயில் கின்றனை இன்னும்எம் தாயே!       வியப்பிது காண்!பள்ளி யெழுந்தரு ளாயே!	1
	புள்ளினம் ஆர்த்தன; ஆர்த்தன முரசம்;       பொங்கியது எங்குஞ் சுதந்திர நாதம்; வெள்ளிய சங்கம் முழங்கின,கேளாய்!       வீதியெ லாம்அணு குற்றனர் மாதர்; தெள்ளிய அந்தணர் வேதமும் நின்றன்       சீர்த்திரு நாமமும் ஓதிநிற் கின்றார்; அள்ளிய தெள்ளமு தன்னைஎம் அன்னை!       ஆருயிரே!பள்ளி யெழுந்தரு ளாயே!	2
	பருதியின் பேரொளி வானிடைக் கண்டோம்;       பார்மிசை நின்னொளி காணுதற்கு அலந்தோம்; கருதிநின் சேவடி அணிவதற்கு என்றே       கனிவுறு நெஞ்சக மலர்கொடு வந்தோம்; சுருதிகள் பயந்தனை; சாத்திரம் கோடி       சொல்லரு மாண்பின ஈன்றனை, அம்மே! நிருதர்கள் நடுக்குறச் சூல்கரத்து ஏற்றாய்!       நிர்மலையே! பள்ளி யெழுந்தரு ளாயே!	3
	நின்னெழில் விழியருள் காண்பதற்கு எங்கள்       நெஞ்சகத்து ஆவலை நீயறி யாயோ? பொன்னனை யாய்! வெண் பனிமுடி யிமயப்       பொருப்பினன் ஈந்த பெருந்தவப் பொருளே! என்ன தவங்கள்செய்து எத்தனை காலம்       ஏங்குவம் நின்னருட்கு ஏழையம் யாமே? இன்னமும் துயிலுதி யேல்இது நன்றோ?       இன்னுயி ரே! பள்ளி யெழுந்தரு ளாயே!	4
	மதலையர் எழுப்பவும் தாய்துயில் வாயோ?       மாநிலம் பெற்றவள் இஃதுண ராயோ? குதலை மொழிக்கிரங் காதொரு தாயோ?       கோமக ளே!பெரும் பாரதர்க் கரசே! விதமுறு நின்மொழி பதினெட்டும் கூறி       வேண்டிய வாறுஉனைப் பாடுதும் காணாய்; இதமுற வந்துஎமை ஆண்டருள் செய்வாய்!       ஈன்றவ ளே! பள்ளி யெழுந்தரு ளாயே!

பாண்டுரங்கன்

                                           பாண்டுரங்கன் 

                                                      பல்லவி

                                 பாண்டுரங்க விட்டலனை  மனமாரத்துதித்தேன்

                                 ஆண்டவனவனின்றி வேறே யார் துணை

                                                    அனுபல்லவி

                                 வேண்டுவோர் வேண்டும் வரம் தரும் கேசவனை

                                  காண்டீபன் ரதம்தன்னை  ஓட்டிய மாதவனை

                                                        சரணம்

                                  காண்பவர் மனங்கவரும் பேரெழிலழகனை

                                  வேண்டுதல் வேண்டாமை இல்லாத தேவனை
                                 
                                   பாண்டவர் நேசனை பண்டரி நாதனை

                                   தீண்டும் அரவணையில் துயிலும் நாரணனை

                                   

ஸ்ரீ கணபதி

 

                                  ஸ்ரீ கணபதி

                                            பல்லவி

                            ஸ்ரீ கணபதி நீ  பரிந்தருள் புரிவாய்

                             ஆகம வேத புராணங்கள் போற்றும்

                                           அனுபல்லவி

                             நாகத்தணையான் கேசவன் மருகனே

                             நாகம் தனை இடையில் அணிந்திருப்பவனே

                                              சரணம்
                                               
                              காகமாய் வந்து காவிரி தந்தவனே

                              சோகங்களிடர் நீக்கும் கருணாகரனே

                              பாகம் பிரியாள் பார்வதி மைந்தனே

                              வேகமே வந்தென் வினைகளைக் களைந்து

சாரநாயகி

                          சாரநாயகி 

   
                                        பல்லவி 
                            
                            சாரநாயகியை  மனமாரத் துதித்தேன் 

                             சாரநாதன் திருமார்பையலங்கரிக்கும் 

                                        அனுபல்லவி 

                             பாரெங்கும் புகழ் விளங்கும் காவிரிநதி பாயும் 

                             சீர்மல்கும் திருச்சேறை திருத்தலத்தில் விளங்கும் 

                                               சரணம் 

                              நாரதரும் நான்முகனும் சனகாதி முனிவர்களும் 

                              நரர்சுரரும் இந்திரனும்  தினம் துதித்துப் போற்றும் 

                              ஆரணங்கை பேரழகைத் திருமகளை நிலமகளை 

                               மாரனையீன்றவளை  மகாலக்ஷ்மியை 

         


    

அனாத நாதன்

                               அனாத நாதன்


                                      பல்லவி

                          அனாத நாதனை  ஆனைமுகத்தோனை

                          வினாடிப் பொழுதும் மறவாமல் துதித்தேன்

                                        அனுபல்லவி

                            சனாதன தர்ம பரிபாலனனை

                            வினோத வேழ முகமுடையவனை

                                             சரணம்

                             கணாதிபதியைக் கேசவன் மருகனை

                              சுநாத சங்கீதக் கலைகளின் ரசிகனை

                               பிநாகபாணியின் மகனைக் கரிமுகனை

                                அநேக முறைகள்  வந்தனை புரிந்து


                           

                            

பொய்க்கூ

                           பொய்க்கூ
                                 ***


                          புல்லின் மீது
                            பனித்துளி சிரித்தது
                             கண நேர வாழ்வை எண்ணி

                                  

மாயை

                மாயை
                  ***


       நீள் கழல் தெரிவதும்

        மனத்தினில்  அறிவதும்

        மெய்யோ பொய்யோ

          நிழலோ நிஜமோ

           சிற்பரன் இருப்பதும்

            தற்பரனாவதும்

           பொற்பதமெல்லாம்

            கற்பனை தானோ

              அற்புத  நினைவோ

                அற்பக் கனவோ

                விற்பனைக்கான

                 பற்பல கதையோ

                 நற்பயன் தருமெனில்

                  மாயையும் சுகமே  !

               



         

மோதகப்பிரியன்

                           மோதகப்பிரியன் 

                                                     பல்லவி

                                      பாதம் பணிந்தேன் பரிந்தருள் புரிவாய்

                                      வேதங்கள் போற்றும் மோதகப் பிரியனே

                                                      அனுபல்லவி

                                       யாதவ குல திலகன் கேசவன் மருகனே

                                        மாதயாநிதியே கருணைக் கடலே


                                                            சரணம்

                                         ஆதவனை விடவும் ஒளியுடையவனே

                                           நாத சங்கீதக் கலைகளின் ரசிகனே 

                                           வேதனை வினை தீர்க்கும் விக்ன விநாயகனே

                                            ஆதரவளித் தெனை ஆண்டருள வேண்டுமென 

தாமரையாள் கேள்வன்

                        தாமரையாள் கேள்வன் 

                                                 பல்லவி

                              மாமறைகள் போற்றும்  தாமரையாள்  கேள்வனை

                              தேமதுரத் தமிழால் பாடித்  துதித்தேன்

                                               அனுபல்லவி

                              பூமகளும் அலைமகளும் திருமகளும் உடனிருக்கும்

                              தாமரை நாபனை மாதவனைக் கேசவனை

                                                   சரணம்

                               நாமமாயிரமுடையவனை  நாரணனை

                               காமனையீன்றவனை  கார்முகில் வண்ணனை

                                பூமண்டலம் புகழும் பார்த்தன்  பள்ளியில்

                                ஷேமமுடன் வீற்றிருந்து அடியார்க்கு காட்சி தரும்

ஆனந்த கணபதி

                     ஆனந்த கணபதி 

                                        பல்லவி

                          ஆனந்தமளித்திடும் மகா கணபதியை

                          தானந்தமில்லாத தேவனைத் துதித்தேன்

                                         அனுபல்லவி

                             வானுறை தேவரும் நந்தியும் கணங்களும் 

                             மோனத்தவம் செய்யும் முனிவரும் வணங்கிடும்       

                                                 சரணம்                                              

                              ஊனம் களைந்தென் மன இருள் நீங்கவும் 

                             ஞானமும் செல்வமும் நல்வாழ்வும் பெறவும் 
                                                                         
                             தீனசரண்யனைக்  கேசவன் மருகனை

                             ஆனைமுகத்தோனை  மோதகப்பிரியனை 

                           

                               

                               
 

ஈங்கோயில் சிவன்

                                  ஈங்கோயில் சிவன்      



                                             பல்லவி

                          ஈங்கோயில்  சிவனை  மனமாரப் பணிந்தேன்

                           ஓங்கு புகழோடு மலைமீது குடியிருக்கும்

                                                துரிதம்

                               நந்தியும் கணங்களும் தேவரும் முனிவரும்

                                இந்திரனனைவரும் கரம் பணிந்தேத்தும்

                                             அனுபல்லவி

                            பாங்காக மரகதாம்பிகை உடனிருக்கும்

                              கங்காதரனை கௌரி மணாளனை

                                                   சரணம்

                               ஓங்கி உலகளந்த கேசவன் நேசனை

                                நீங்காது கங்கையும் பிறைநிலவும் சூடிய

                                 ஓங்கார நாதனை லிங்கேச்வரனை

                                  தீங்கின்றி எனக்கருள வேண்டுமெனத் துதித்து 

திருப்பட்டூர் பிரம்மா

                                        திருப்பட்டூர்  பிரம்மா


                                                  பல்லவி

                                திருப்பட்டூர் பிரமனை மனமாரத் துதித்தேன்

                                அருகிருக்கும் ஈசனும் அம்பிகையும் போற்றும்

                                                 அனுபல்லவி

                                 திருமால் கேசவன் நாபியிலிருப்பவனை

                                  சரஸ்வதியின் பதியை  மறை போற்றும் சதுர்முகனை

                                                        சரணம்

                                   விருப்பமுடன் பணியும் பக்தருக்கெல்லாம்

                                   கருணையுடன் தலையெழுத்தை மாற்றித்தரும் நான்முகனை      

                                    குருநாரதரும்   நந்தியும் தேவரும்        

                                     பெருமையுடன் கொண்டாடும் கமலாலயனை 
                                                                                                                                 
                                                                        

                                 

                                     
            

சந்தன விநாயகன்

                                                சந்தன விநாயகன்


                                                             பல்லவி

                                   சந்தனத்தில் முழுக்காடும் கணபதியைப்  பணிந்தேன்

                                    எந்தனைக் காத்தருள வேண்டுமெனத் துதித்து

                                                           அனுபல்லவி

                                    நந்தியும் கணங்களும் நான்முகனும் பணிந்தேத்தும்

                                     இந்தினிளம்பிறை  சூடிய கரிமுகனை

                                                                  சரணம்

                                     வந்தனை புரிந்திடுமடியார்க்கருள்பவனை

                                     கந்த சோதரனைக்  கேசவன் மருகனை

                                      அந்தமுமாதியும் இல்லாத தேவனை

                                       சுந்தர வடிவினனை   ஆனைமுகத்தோனை

கண்டேன் அரங்கனை

                             கண்டேன் அரங்கனை


                                       பல்லவி

                  கண்டேன் கண்டேன் அரங்கனைக் கண்டேன்

                   கொண்டேன் கொண்டேன் காதல் கொண்டேன்

                                     அனுபல்லவி

                    அண்ட சராசரங்களனைத்தையும் ஆள்பவனை

                     உண்டுலகுமிழ்ந்த கேசவனை மாதவனை

                                         சரணம்

                     பண்டு கோதையை மணமுடித்த ஸ்ரீதரனை

                      கண்டவர் மயங்கிடும் பேரழகுடையவனை

                      விண்ணோரும் மண்ணோரும் வணங்கித்துதித்திடும்
   
                       தண்மதி முகத்தானை தாமரை பதத்தானை 

காண வேண்டும் அரங்கனை

                    காண வேண்டும் அரங்கனை

                                 பல்லவி௶


              காணவேண்டும் அரங்கனைக்கேசவனை

               மாணப்பெரிய கோவிலிலிருப்பவனை

                                  அனுபல்லவி  

                ஆணழகனை ஆதிபிரானை

                 நாணும் அரங்கநாயகியின் நாயகனை

                                       சரணம்

                  சாணுரன் மல்லனை மாய்த்த கண்ணனை
     
                 தூணினைப்பிளந்து வந்து இரணியனை வதைத்தவனை

                 வேணுகானம் செய்யும் முகுந்தனை மாதவனை

                  தாணுமாலயனாய்க் காட்சி தரும் நாரணனை

                     


             

சர்வ மங்கள கணபதி

                                   சர்வ மங்கள கணபதி 

                                                     பல்லவி

                                     சர்வ மங்கள கணபதியைத் துதித்தேன்

                                     தர்ம நெறி தழைக்க தரணியிலவதரித்த

                                                     அனுபல்லவி

                                       பர்வத குமாரி  உமையாள் மைந்தனை

                                        சிற்பர யோகியர் ஞானியர் வணங்கிடும்

                                                           சரணம்

                                         முற்பிறப்பில் செய்த பழவினை பயன்களை

                                         அற்பமாய்ச் செய்து  அரவணைத்தெனையே

                                          நற்கதியளித்து  காத்திட வேண்டுமென

                                          கற்பக விநாயகனை கேசவன் மருகனை 


                                           

சிவன் மகன்

                                          சிவன் மகன் 

                                                      பல்லவி
   
                                     சிவன் மகனை கணபதியை மனமாரத் துதித்தேன்

                                      அவனின்றி அவனியில்  வேறே யார் துணை

                                                       அனுபல்லவி

                                      புவனமுண்டுமிழ்ந்த கேசவன் மருகனை

                                      தவமுனிவர் சான்றோர் பணிந்திடும் கரிமுகனை

                                                            சரணம்

                                       துவங்கும் கருமங்கள் தடையற நடைபெற

                                       அவனியோர் முதன் முதல் வணங்கிடும் ஐங்கரனை

                                        சிவகணங்களும் நவ கோள்களும் நந்தியும்

                                         கவனமுடன் பணிந்தேத்தும் ஆனைமுகத்தோனை

காட்டுமன்னார்கோயில் ஸ்ரீ ராஜகோபாலன்

      

               காட்டுமன்னார்கோயில் ஸ்ரீ ராஜகோபாலன் 

                               பல்லவி

              ஸ்ரீ ராஜகோபாலனைக் கேசவனை

              மாறாத பக்தியுடன் மனமாரத் துதித்தேன்       

                       அனுபல்லவி

               ஓராயிரம் நாமம் கொண்ட மாதவனை

               ஸ்ரீ ருக்மிணி  சத்யபாமாவுடன் நிற்கும்

                                 சரணம்

                ஆராவமுதனாய்க் குடந்தையில் காட்சி தரும்

                சரங்கபாணியை  சக்கரக் கையனை

                நாராயணனை  தெய்வ நாயகனை

                பாரோர் புகழ்ந்தேத்தும் காட்டுமன்னார்கோயிலில்








             

               

பங்கஜவல்லி

                            பங்கஜவல்லி  

                                         பல்லவி

                            பங்கஜவல்லியை மனமாரப் பணிந்தேன்

                            சங்கடம் களைந்து நல்லருள் பெறவே

                                           அனுபல்லவி
 
                             பொங்கும் எழில் கொஞ்சும் புண்டரீகாக்ஷனுடன்

                             மங்களமாய் வீற்றிருக்கும் மகாலக்ஷ்மியை
                     
                                              சரணம்

                             பொங்கரவணை துயிலும் கேசவன் துணைவியை

                              தங்கும் பொருளளிக்கும் திருவென்னும் பெயராளை

                              திங்கள் முகத்தாளை  கடல் தந்த திருமகளை

                              செங்கமலவல்லியை  வெள்ளறை தலத்துறையும்
           

                             
   
                           
                             

செல்வகணபதி

                           செல்வகணபதி 

                                                பல்லவி                              

                               செல்வகணபதியை மனமாரத் துதித்தேன்

                               எல்லா தடைகளும் வினைகளும் நீக்கிடும் 

                                               அனுபல்லவி 

                                 பொல்லாதவரை இல்லாதொழித்து 

                                  நல்லவர் மனங்களில் நடம் புரிபவனை 

                                                     சரணம் 

                                  கல்லார் கற்றார் இல்லார் இருப்பார் 

                                  எல்லோர்க்குமருள் தரும் கேசவன் மருகனை 

                                   தில்லையம்பலவாணன்  மகனை 

                                   தொல்லை துயர் துடைக்குமானை முகத்தோனை 

                                     
           

                                   

கங்கணபதி

                        கங்கணபதி 

                                              பல்லவி

                           திங்கள் பிறையணிந்த சங்கரன் மகனை

                            மங்கள மூர்த்தியை மனமாரப் பணிந்தேன்

                                           அனுபல்லவி

                              பங்கய நாபன்  கேசவன் மருகனை

                               எங்கும் நிறைந்திருக்கும் ஆனைமுகத்தோனை

                                                 சரணம்

                                அங்குசபாசம் மோதகமேந்திடும்

                                பங்கய பதத்தானை பானை வயிற்றானை

                                 பொங்கிடும் பவக்கடல் கடந்திட உதவிடும்

                                 கங்கணபதியை  கணங்களின் அதிபதியை
                                

ஆதிதேவன்

                              ஆதிதேவன் 

                                                           பல்லவி

                                   அனைத்துக்கும் முதலான ஆதி தேவனை

                                    மகா கணபதியை மனமாரத் துதித்தேன்
                                 
                                                         அனுபல்லவி

                                     தினையளவு பக்தியுடன் வணங்கிடுமடியார்க்கும்

                                      பனையளவு நலன்களை அள்ளி அளித்திடும்

                                                               சரணம்

                                       முனிவரும் தேவரும் கணங்களும் நந்தியும்

                                        அனைவரும் பணிந்திடும்  கேசவன் மருகனை

                                         அநாத நாதனை ஆனைமுகத்தோனை

                                          வினை தீர்ப்பவனை வேழமுகத்தோனை 

                                                         

பராசக்தி

                                    பராசக்தி 

                                               பல்லவி

                           அன்னை பராசக்தியே  நீதான் துணை

                           உன்னை சரணடைந்தேன் காத்தருள்வாய்

                                              அனுபல்லவி

                            புன்னகை முகத்தாளே கேசவன் சோதரி

                             பன்னகாபரணன்  மனங்கவரீச்வரி

                                                 சரணம்

                              கன்னங்கரிய குழலாளே கரியவளே

                              சின்னஞ்சிறிய  இடையுடையாளே

                               தன்னந்தனியிருப்பார் துதிக்கும் தவப்பொருளே

                              முன்னைக்கும் முதலான மூவருக்கும் மூத்தவளே

                              

மயிலை மாதவப்பெருமாள்

                                     மயிலை மாதவப்பெருமாள் 

                                            பல்லவி 

                             மாதவா மதுசூதனா - மயிலை வளர் 

                             பாதம் பணிந்தேன் பரிந்தெனக்கருள்வாய் 

                                           அனுபல்லவி 

                             மாதொரு பாகனும்  நாரதரும் நான்முகனும் 

                              வேத புராண சாத்திரங்களும் போற்றும் 

                             

                                                 சரணம் 

                               பாதகம்  செய்திடும்  அரக்கரை அழித்தவனே 

                               கோதையின் கரம்பிடித்த மாலனே கேசவனே 

                                ஓதக் கடல் நடுவே பள்ளிகொண்டிருப்பவனே 

                                 யாதவ குலதிலகா கோவிந்த முகுந்தா 

அரங்கன்

                                         அரங்கன்



                                             பல்லவி

                            அரங்கனே உன் வாக்கு பொய்யாகலாமோ

                            பரம்பொருள் நீயென்றே நம்பித்துதித்தேன்

                                            அனுபல்லவி

                            கரங்களில் சங்கும் சக்கரமுமேந்தும்

                             பரமபத நாதனே மாதவா கேசவா

                                                 சரணம்

                             பாரதப் போர் நடுவே கீதையில்  ஓதிய 
                         
                              மரணம் பிறப்பெனும் பவச்சுழல் அகன்றிட

                             கருமங்களனைத்தையும் நீக்கிவிட்டெனையே

                             சரணடைந்தோரைக் காத்தருள்வேனென்ற
   
                           

                             

பொய்க்கூ

       பொய்க்கூ
          *****


        கூடவே நடந்து

         கழுத்தறுக்கிறது

          என் நிழல்

பார்வதி மைந்தன்

                      பார்வதி மைந்தன் 

                                        பல்லவி

                           நீதான் எனக்கருள வேண்டும் கணபதியே

                           மாதா பார்வதியின் மனங்கவர் மைந்தனே

                                         அனுபல்லவி

                            வேதாகம சாஸ்திர  புராணங்கள் போற்றும்

                            பாதாரவிந்தங்கள்  தனையுடைய கரிமுகனே

                                            சரணம்

                              பூதகணங்களும் நந்தியும் நான்முகனும்

                              பாதம் பணிந்திடும் ஆனைமுகத்தோனே

                              ஆதாரம் நீயே அகிலமனைத்திற்கும் 

                             மோதகப் பிரியனே  கேசவன் மருகனே

                           

                               
                   

கமலநாபன்

கமலநாபன்

                                                      பல்லவி

                                     கமலநாபனைக்  கேசவனை -  இதய 

                                     கமலத்தில் வைத்து அனுதினம் துதித்தேன் 

                                                     அனுபல்லவி 

                                     கமலக்கண்ணனைக் கருடக் கொடியோனை 

                                     கமலவனம் போல் காட்சியளிப்பவனை 

                                                        சரணம் 

                                                                        

                                       கமலவல்லி ஸ்ரீ மகா லக்ஷ்மியை 

                                       கமலமலர் மார்பில் வைத்திருக்கும் திருமாலை 

                                        கமலபதத்தானை  பட்சி வாகனனை 

                                      அமலனை ஆதிபிரானை  மாயனை 

கரிமுகன்

                                     கரிமுகன் 

                                                    பல்லவி              

                 

                                         கணபதியைத் துதித்தேன் பவபயம் களைந்தேன் 

                                        பணிந்திடும் பக்தரின் பாவங்கள் போக்கும் 

                                                    அனுபல்லவி 

                                        கணங்களின் தலைவனை கேசவன் மருகனை 

                                       தணிகை வளர் குமரன் தமையனைக் கரிமுகனை 

                                                       சரணம் 

                                         மணம்  கமழ் மாலைகள் சூடிய சுமுகனை 

                                                                        

                                        வணங்கிடுமடியவர்  வேண்டும் வரங்களை 

                                        கணக்கின்றி வாரி வழங்கிடும் ஐங்கரனை 

                                        பிணியிடர் தடைநீக்கும் ஆனைமுகத்தோனை 

                                         

                                         

 

                                        

செல்வவினாயகன்

                                     செல்வவினாயகன் 

                               


                                                  பல்லவி

                              செல்வவினாயகனை  மனமாரத்துதித்தேன்

                               அல்லலிடர் களையும்  ஆனைமுகத்தோனை

                                                 அனுபல்லவி
     
                                நல்லடியார்களின் மனக்குறை நீக்கிடும்

                                 வல்லப கணபதியை  கேசவன் மருகனை

                                                      சரணம்

                                  தில்லை அம்பலத்தாடும் நடராசன் மகனை

                                  வல்லரக்கர் தனை வதைத்த வேழமுகத்தோனை

                                  எல்லோரும் முதல் வணங்கும்  தும்பிமுகப்பெருமானை

                                   நல்லருள் பெற வேண்டி  அவன் தாள் பணிந்து

                                 
           

அய்ங்கரன்

                                                 அய்ங்கரன்


                                                     பல்லவி

                                தினமுந்தன் திருவடி மறவாமல் துதித்தேன்

                                புனிதனே கரிமுகனே மனங்கனிந்தருள்வாய்

                                                     அனுபல்லவி

                               ஜனன மரண பயம் களைந்திடும் தேவனே

                               அனந்தன் மீதுறங்கும் கேசவன் மருகனே 

                                                         சரணம்

                                 உனதருள் இல்லையேல் உலகம் இயங்குமோ

                                 அனைத்தும் நீயே  ஆனைமுகத்தோனே                                

                                 வனக்குறத்தி  தனை மணக்க முருகனுக்குதவிய 

                                கணபதியே கருணைக் கடலே அய்ங்கரனே 

      

நாய்கள் ஜாக்கிரதை

                       நாய்கள் ஜாக்கிரதை
                              ***

                     பக்கத்து வீட்டு நாய் 

                      எப்போதும் குறைக்கிறது 

                       பேப்பர்க்காரன் பால்காரன் 

                         பிச்சைக்காரன் வியாபாரி 

                          சலவைக்காரன்  கேபிள் டிவி 

                           எதிர்வீட்டு முதியவர் தபால்காரர் 

                             யார் வந்தாலும் போனாலும் 

                              காலையிலும் மாலையிலும் 

                               நேற்று தான் நேரில் சந்தித்தேன் 

                                 அந்த பக்கத்து வீட்டுக்காரரை 

   

                                  நம்பவே முடியவில்லை அவர் வீட்டில் 

                                   நாய் வளர்க்கவில்லை என்று சொன்னதை ........

                         

கலைவாணி

                                           கலைவாணி

                                     புத்தகமும் வீணையும் கரங்களில் ஏந்தி

                                      நித்தமும் ஞானமும் கல்வியும் அளித்திடும்

                                      உத்தமியே வெண் கலையுடுத்திய  கலைவாணி

                                      முத்தமிழும் தந்தெனையே  காத்தருள வேண்டுமென

                                      சித்தத்திலிருத்தி  பக்தியுடன் தினம் துதித்தேன்
                       



                         

காரமர் மேனியன்

                             காரமர் மேனியன் 

                                                         பல்லவி

                                     காரமர் மேனியனை  மகா கணபதியை

                                      நேரினில் கண்டு மனமாரத் துதித்தேன்

                                                         அனுபல்லவி

                                      கூரிய வேலேந்தும் குமரன் சோதரனை

                                      கோரின வரம் தரும் கேசவன் மருகனை

                                                             சரணம்

                                       நாரணன் நான்முகன் நமச்சிவாயன்

                                        நாரதர் நந்தி கணங்கள் பணிந்தேத்தும்

                                        வாரணமுகனை மோதகப் பிரியனை

                                        பாரனைத்தும் போற்றும் பரம தயாளனை 

மழை

மழை
 ***

அழைக்காமலே வருவாய்
 அழைத்தாலும் பொழியாய்
தாகம் தீர்ப்பாய்
வேகம் பெருகி உயிரெடுப்பாய்
பயிர் பெருக உதவிடுவாய்
 குடைக்குள் காதல் வளர்ப்பாய்
இடைவிடாது பொழிந்து இடைஞ்சலாவாய்
 காலத்தில் பெய்து களிப்புறச்செய்வாய்
 காலம் தவறிப் பெய்து காலனாவாய்
  உன் குணம் அறிவதரிது
 இடும்பைகூர் மழையே 

ஈசன் சிவன் மகன்

                                             

                             ஈசன் சிவன் மகன் 

                                                              பல்லவி

                                     ஈசன் சிவன் மகனை மகாகணபதியை

                                      வாசமலர் தூவி  மலரடி பணிந்தேன்

                                                           அனுபல்லவி

                                      நீச அரக்கரை வதம்  செய்த கரிமுகனை

                                      கேசவன் மருகனை ஆனைமுகத்தோனை

                                                              சரணம்

                                      நேசமுடன் துதிக்கும் பக்தருக்கெல்லாம்

                                      ஆசையுடன் அருள் அளித்திடும் ஐங்கரனை

                                       மாசிலாமணியை வாரண முகனை

                                       காசினி புகழ்ந்தேத்தும் விக்ன விநாயகனை